Matyuu 26:45 - Gooti Toolluro Yogalokwono

⁴⁵ Jisasol subusu'nyogalo tov pugasalpuga me'no domollajuno sumaiyokwe gami uumjunyokwe pworapwol su toorai aro kuudokaikono. “Kevu iruko mwallo'moneyokwe sa kuuno kwo'mwakopo tov ilaiyo'maiyo. Mekono. Kevu denomallulo. A'mwo Kwolaiyo Kuunodo toonyu ma'no ma'no yokwe tooro galonumworapino'moneyokwe tov nomoranubweyono'mo togakono.

Matyuu 26:45 Խաչաձեւ Հղումներ

Matyuu 26:18

Toro kuudoganopo tovi Jisasol gami uumjunyokwe su toorai aro kuudokaikono. “Kevu wagwolago Jeruusalem tovi kuulapi a'mwo aikuduuwallumi pwollu noonpinorekikono. Toro toollu aro duujulo. “Ibwasokwe tool agudumokaikono. Moro iruko aguto tollugwo nobai'mowono'mo wobo toru sadopiyo. Toro te nuuge'aro moro uumjunyokwe toorogai'aro toonol Muunyu Toru'aro Surukuruwolovoka lubullu doto tovi yananonogano. Lubullu doto su tovi yanano'mo toonol gumoro ago tovi kuulonomwalanonogano. Ibwasokwe tool toro agudumokaikono.” Duujulo.”

Matyuu 26:2

“Kevu lubullu doto puruvi yanyo'moneyokwe iruko tov wobo toga'deyo kuudo nyau'mwakovo. Lubullu doto su tov Muunyu Toru'aro Surukuruwolovoka tokwono. Toro tov iruko pullalno me'no uuwolo'nowo'ji toga bai'mowonokwono. Su toro toga A'mwo Kwolaiyo Kuunodo toonyu i'noguropte tovi movoromiyoguroptovanubweyo'moneyokwe ikomago pworavuro ato tovi nomanubwepinonyugono.” Kuudokaikono.

Matyuu 26:44

Jisasol pugasalpuga aikomgu uuwino sumaiyokwe sumdomguda'ai subusu'nyogalo kuudoka to'busuko kubalno aki aiko te aval'no kuudokaikono.

Matyuu 26:46

Kevu doonyulo. A'mwo mi moranubweyo'mo tool me'no abai'mo'mokaikono. Kevu dukavopi avlawano.” Kuudokaikono.

Kuuguudo Sugudo akav Makolluro sakwollokakwono Mak 14:35

Toro tool kuru'gwo uuwo'no kwako tovi wologa'bwo'na'no sumaiyokwe subusu'nyogalo tov aro kuudokaikono. “Dado mallo'mo puuto tov kuvi avla'mwakono. Toro kuvi kuruv dado su tov mama'miyokweyo'mo puuto puruv nokwo youlanubwebinonyudukono?” Jisasol toro tovino subusu'nyogalo kuudokaikono.

Luuk 22:53

Nuvu yiuwi'nokai iruko toga Jeruusalemda'ai Gooti toollu ilomoropiyo'moneyokwe ago tovuro agwapto toru kevuge mwalodum kuuguudo yodekubwasodumdonyugono. Su toro yodekubwasodore toga nokwo agalonumworaropujuko kworekul kuruv magalonumwora'dupudorekikono. Toro kuvi kuruv kuujo sumdo akallugwono'gwowi kemoro ato tovi aikuuwoso. Aki aga toga dugumdo tovuro jurogudo tov kemi mido mollekumwaloduke tovi uumjunodupu kuvi kuuno sumwakovo.” Kuudokaikono.

Joon 12:23

Toro kuudolo tovi Jisasol aro kuudokaikono. “A'mwo Kwolaiyo Kuunodo toonyu yovo aguto mallo'moneyokwe tov aga nobai'meyo'mo sadopiyo.

Joon 12:27

Aki Jisasol aro adokaikono. “Aga toga moro poowokalago tovi jul'nyo subwosunmwakono. Toro ibwosunodumdo toonyu aro muudumonyugono. “Nyunumiyagoloo, nuu tagunyo nyubwosunmiyokwe tovino guu nokwo bomollurolovonumokalokuubinekudeyo?” Awiyo. Nuu su toro ku'nono muudumonyugono. Aro tovinokwono. Nuu kwako akavi kwolabo tov tagunyo mi neya anyumo'noneyokwe tovino kwolabonyugono.

Joon 13:1

Toruda'ai Muunyu Toru'aro Surukuruwolovoka lubullu doto tovi yanyo'mo wobo togakono. Toro abai'movoka toga Jisasol kwako akavi mwalodowo gavnokweyolluro a'mwo abolo kwako akavi mwalodupudo tonyuno kalo buuropino kwingelabiyajukekono. Toro wingelabino wingelabino sumaiyokwe yiuno aiyowo'mo nobollo'mo toga'no abilai'movokaikono. Toro abilai'movoka toga Jisasol aro kuudo souromarokaikono. Oo nuu wobo toga kwako akavi wuugollu'movo'mi mi Nyunumiyago toollomno aikomgu nyulamonyudeyo. Kuudo me'no souromarokaikono.

Joon 17:1

Jisasol gami uumjunyokwe toorai kuuguudo me'no wuujuno sumaiyokwe toga Gooti toolluro ago muunyu kai'muuno iloonyopiya'no aro kuudokaikono. “Nyunumiyagoloo, gumoro ajesodo toga me'no abai'mopso. Toro te nuu gumoro Kwolaiyo toonyu gumino yovo tovi ilomogwopiyodo'mure tovino tov guu gumoro Kwolaiyo toonyuno yovo tovi nokwo julomonuwopiyawono.