Matyuu 22:39 - Gooti Toolluro Yogalokwono

³⁹ Toruda'ai loowo su to'busuko iwapiyo puruv arokwono. Guvu yiuwi'nokai a'mwo abolo pwolno puru'mono kuuru'ma'bi tonyuno kalo buuropino neya domollono. Guvnokwekujuno gujunodowodo to'busuko kubalno aval'no neya domollono. Loowo iwapiyo yodowodo tov torokwono.

Matyuu 22:39 Խաչաձեւ Հղումներ

Matyuu 19:19

Guu junumiyago juneyago tovallu kwako tomuu'aro duuwiyogawono. Aki yiuwi'nokai a'mwo abolo pwolno puru'mono kuuru'ma'bi su tonyuno kalo buuropino neya domollono. Guvnokwekujuno gujunodowodo to'busuko kubalno a'mwo abolo su tonyuno aval'no neya domollono.” Kuudokaikono.

Matyuu 22:38

Loowo su tov agutokwono. Aki yiuwi'nokai loowo punyu kuuwolo'mwallo.

Kuuguudo Sugudo akav Makolluro sakwollokakwono Mak 12:31

Aki toruda'ai loowo iwapiyo puruv arokwono. Guvu yiuwi'nokai a'mwo abolo pwolno puru'mono kuuru'ma'bi tonyuno kalo buuropino neya domollono. Guvnokwekujuno gujunodowodo kubalno toro tonyuno aval'no neya domollono. Loowo iwapiyo tov torokwono. Loowo su toro tovallu loowo puru'monodo kuruv muuwolo'mwallo.” Kuudokaikono.

Room 13:8

Kevu a'mwo abolo punyuro dinau tov amapi toga lukomgu aro nuudupiyo. “Oo nuu dinau su tov aikomgu yere maikullamonyugono. Dinau su tov nuuge kuuno wo'donokwono.” Kevu su toro nuudupiyo. Toro kuvi kuruv yiuwi'nokai toga kemi dinau to'busuko ikwo'mwalono to'gwowi arokwono. Kevu a'mwo abolo tonyuno kalo buuropino neya domollogaulo. Kevu a'mwo abolo tonyuno su toro tomgu'aro kwipi tov Gooti toolluro yiuwi'nokai loowo go'no go'nodo tonyu uumjunodupudo togaikulbusuko imo'nupinogaikikono. Yiuno su to'gwowi yiuwi'nokai tonollu dinau to'busuko nekwo'dowodokwono.

Room 15:2

Jisasolluro a'mwo abolo su tobuuro jurogudo daiyo'moneyokwe tov nevu yiuwi'nokai tonol ilaiyo neya igolmwalanobuurogano. Nevu su toro tomgu'aro igolowa'ji Jisasolluro a'mwo abolo su tobuuro jurogudo sumo'nupi tov sugudokwono.

Galesiya 5:14

Yiuwi'nokai Moosesolluro loowo judo'no judo'nodo ton yogalo yiuno puru'monodo tovi wo'dupudogano. Yogalo su tov arokwono. “Guvu yiuwi'nokai a'mwo abolo pwolno puru'mono kuuru'ma'bi su tonyuno kalo buuropino neya domollono. Guvnokwekujuno kalo buuropino gujunodowodo to'busuko kubalno a'mwo abolo tonyuno aval'no neya domollono.” Dodowodokwono.

Galesiya 6:10

Toro tovino tov nevu yiuwi'nokai toga buro'nyo buro'nyo a'mwo abolodeyo tonyu ilaiyo mollo'mo kudo'aiko ausanekubweyo'ji toga ilaiyo kuvinono neya amollogawano. Toro kuvi kuruv nevuge avalo Jisasolluno kuudo uubweyodupudo tonyuno'gwowi ilaiyo pasudo tov muunyu toru'aro guureji neya igologawano.

Jems 2:8

Aguto kig Gooti toolluro loowo akav gamoro yogalo tovi aro sakwollungikokwono. “Guvu yiuwi'nokai a'mwo abolo pwolno puru'monodo kuuru'ma'bi tonyuno kalo buuropino neya domollono. Guvnokwekujuno gujunodowodo to'busuko kubalno aval'no neya domollono.” Sakwollungikokwono. Yogalo su tovi kuumjunpi tov ilaiyo ipinogaikikono.