Matyuu 19:27 - Gooti Toolluro Yogalokwono

²⁷ Toro kuudoka tovi Pital aro kuudokaikono. “Guu dukonekwonadokuuno? Nevu nemi yiuwi'nokai tonyu yogallu'mowono gumi agumjunmwakuuwono. Toro toonolluno tov nevu buro'nyo buro'nyo ton maranonoldukono?” Kuudoganokaikono.

Matyuu 19:27 Խաչաձեւ Հղումներ

Filipai 3:8

Nebalokwono. Yiuwi'nokai kwako akavida'ai ton aguto manyumo'nodupudogano. Nuu mi Aguto Krais Jisasolluno kuudo youroma'dumdo su to'gwowi aguto kuunodo nyumo'nodowodokwono. Toro toonyu Krais toollu uumjunyo'mo nyunodowodo tovino tov yiuwi'nokai kwako akavida'ai tonyu wuugollu'mo'mdumdonyugono. Aki aga'no'gwowi noonyumwonyu kwako akavida'ai su ton yaiyo tonbusuko nyumo'nodupudo tonyuno tov yiuno biyolsumdo to'no uu'mwojodumdonyugono. Su tov aro tovinokwono. Nuu Krais toollu guureji gudupolallo'moneyokwe to'no nyunodowodonyugono.

Luuk 5:11

Toro wuujuno sumaiyokwe yiuwi'nokai tooro kemi boot tovake wonyo buugo wolo tovi aiko te avurebwo'maboporogano. Toro purebwo'mabino sumaveyokwe toga kemoro yiuwi'nokai kuto ivito tonyu yogallu'movo'mno Jisasollu kuumjunoporogano.

Luuk 18:28

Toro wuudoduke toga Pital kuudokaikono. “Dukonekwonadokuuno? Nevu nemoro ago tonyu yogallu'movowono gumi gumjunodowadonogano.” Kuudokaikono.

Luuk 15:29

Toro wuudoganoduke kuvi kuruv gamoro kwolaiyo sumdomguda'ai tool aro kuudokaikono. “Mi nyunumiyagoloo, nuu kworomo bwotonyago toga gumoro womdo ton gujodumdonyugono. Aki gumoro yiuwi'nokai yogalo nyudodore tonyu mamagudukwopiyodumdonyugono. Toro toonyu meme kula'nyo pwolnodo kwol kuruv mi ibwoto'nyo toorogai lubullu doto yanyo'mo manyuromiyodumdekugono.

Kuuguudo Sugudo akav Makolluro sakwollokakwono Mak 10:28

Toro wuudoduke toga Pital muudu'no aro kuudokaikono. “Dukonekwonadokuuno? Nevu nemi yiuwi'nokai tonyu yogallu'mowono gumi agumjunmwakuuwono.” Kuudokaikono.

Kuuguudo Sugudo akav Makolluro sakwollokakwono Mak 2:14

Toro yodubwosumovla'mno sumaiyokwe Alfiyasolluro kwolaiyo Livaiyol takis ma'dupudo adaiyo tekwoji mwaloduke toollu kwonokaikono. Toro toollu aro kuudokaikono. “Guu donumjunono.” Toro tool iloda'mno sumaiyokwe Jisasollu kuumjunokaikono.

Luuk 14:33

Jisasol toro wuujuno sumaiyokwe aki aro kuudokaikono. “Toro tovino tov kevu mi nuumjunpino'moneyokwe kemi yiuwi'nokai tonyu buulo neya duugunyumopiyogaulo. Toro kuvi kuruv kemida'ai pweku yiuwi'nokai tonyu buulo kuvinono muugunyumopibi su tookuno'gwowi moro numjunyokwe ku'nono manyumo'nubinekugono.” Kuudokaikono.

Matyuu 9:9

Su toro tomuuda'ai Jisasol plaino sumaiyokwe a'mwo pwol takis nuugwiyo biyo'moneyokwe adaiyo puvi womdo kuulloduke toollu kwonokaikono. A'mwo su toolluno yovo tov Matyuu'wolekono. Toro toollu wonyuno sumaiyokwe Jisasol aro kuudokaikono. “Guu donumjunono.” Toro wuujuno sumaiyokwe Matyuu'wol ilodavo'no Jisasollu kuumjunokaikono.

1 Koorin 4:7

Neya duu'nyulo. Gooti tool kemi muunyu toru'aro mollekudapiyodowodo tov kevu a'mwo abolo punyu uuwoleyo'mo'maiyo. Aki kemoro yiuwi'nokai mwora'dupudo su ton Gooti toolluro ato tovida'ai to'no ma'dupudogano. Toro kuvi kuruv yiuwi'nokai su tonyu kevnokwe togaikulluro yokwollosodupudo to'busuko ilomoropunyu yodapudogaikikono. Kemoro su toro yodupudo tov ilaiyo'maiyo.

1 Koorin 1:29

Toro te a'mwo pwolnodo kwol kuruv Gooti toolluro sumdo tovi ilomoropunyu nyawo'jokwe Gooti gavnokwe tool su toro toorai bwolomorumwogapiyodawodekono.

Matyuu 19:26

Toro toorai Jisasol moroonyuno sumaiyokwe aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.

Matyuu 19:28

Jisasol aro kuudokaikono. “Nuu nebal'no ikudumo'mokwono. Gooti tool yiuwi'nokai tonyu aiyo me'no amollovo'dogaloso'ji toga nuu A'mwo Kwolaiyo Kuunodo toonyu moro sia kig jurogudo bwotonyokwe toru nyulomwalmonyugono. Su toro sulomwalmi toga kevu numjunodupudo kworekul kuruv 12-pela sia kig go'no go'nodo toru nyulomwalpinorekikono. Toro ilomwalopi Isuraiyolda'ai 12-pela yovodolobunyo tonyu mido nomollomwalmwalpinorekikono.