Matyuu 12:38 - Gooti Toolluro Yogalokwono

³⁸ Toruda'ai a'mwo loowo tovino pi'mwo kuudokwe pworogai'aro Farasi pworogai'aro tooro Jisasollu aro kuudoporogano. “Ibwasokweyoloo, guu duuwallo jurogudo puruv anekuduuwallubi tovi wonowa'ji gumino kuudo yaguuranonogano. Oo akal Gooti toolluro kuunodoldeyo. Kuudo yaguuranonogano.”

Matyuu 12:38 Խաչաձեւ Հղումներ

1 Koorin 1:22

Juu tooro Gooti toolluro kuuguudo tovino aro dodupudorogano. “Oo nevu duuwallo jurogudo punyu kwona'ji toga'no danonogano. “Kuuguudo su tov nebalokwono.” Danonogano.” Aki Juu tooravuro miyawosunodupudo ton aro dodupudogano. “Kuuguudo puruv nemoro pi'mwo kuudo tovi kuumjuno'ji tov, “Oo nebalo'mdeyo,” nokwo danonogano.” Dodupudogano. Toro kuvi kuruv Gooti toolluro kuuguudo to'gwowi kemoro pi'mwo kuudo tovi muumjunodowodokwono. Toro tovino tov aro dodupudogano. “Oo Gooti toolluro kuuguudo tov yiuno junoruko tooravuro'mdeyo.” Dodupudogano.

Joon 2:18

Toro te Jisasolluro yoduke su tovino Juu tooro wonyuno sumaveyokwe aro kuudoporogano. “Guu nemi amodovomjonekwapiyadokuudo tooku duuwallo jurogudo puruv anekuduuwallubi tovi wonowa'ji gumino aro kuudo yaguuranekugono. Oo akal Gooti toolluro womdo tovi yo'moneyokwe jurogudo tov kuubweyokaldeyo. Kuudo nokwo yaguuranekugono. Toro te guu buro'nyo duuwallo jurogudo tov nekuduuwallubinekudukono?” Kuudoporogano.

Luuk 11:16

Toro yajunodopure toga aki a'mwo pworo Jisasol abwolorawoneyokweyo'mo yamju kwiyoganoporogano. Toro tooro aro wuudoganyuno wuudoganyuno soporogano. “Nevu gumino tov Gooti toolluro amonekwopiyaboka tooldeyo gudano'mo tov guu muunyu kai'muuda'ai duuwallo jurogudo puruv neya donekuduuwallono.” Yamju wiyoganyo'mo tooro toro kuudoganoporogano.

Joon 4:48

Toro kuudoganoka toollu Jisasol aro kuudokaikono. “Tarevono, yiuno duuwallo jurogudo judo'no judo'nodo ton aikuduuwallumi toga'no kevu mino kuudo nubweyodupudorekikono.” Kuudokaikono.

Luuk 11:29

A'mwo abolo kwolallo su togai'aro aki a'mwo abolo bwotonyago pugai'aro ton bi'bwo'nyuno sumaveyokwe Jisasol kuuguudo puruv aro kuudokaikono. “Kevu akagasuro amwakopo ma'no ma'nodokwe toorekul Gooti toollu muumjunodupudorekikono. Toro toorekul numino tov nebal'no kuunodoldukoneyokwe duuwallo puruv ikuduuwallo'mo aikullunadopiyo. Toro aikullunadopiko kuvi kuruv kevu duuwallo puvi mwonpinorekikono. Yiuno Joona'wollu kwimo'noka kubalno duuwallo tov ikuduuwallodowo'jure su tovi wonpinorekikono.

Joon 6:30

Toro kuudoka toollu aro kuudoganopogano. “Guu burowo'nyo duuwallo jurogudo tov nekuduuwallubinekudukono? Gumoro duuwallo jurogudo anekuduuwallubi su tovi wonowa'ji, Oo Nebaloldeyo, kuudo gubweyano'mo tov burowo'nyo ibinekudeyo?” Kuudoganopogano.

Matyuu 12:37

Toro adodowiyoku'bworosupi toga Gooti tool kemoro yogalo dodupudo tovi'aro gallainyubworowo'ji gamoro sumdo tovi sugudo nokwo wimo'nupinorekikono. Aki kemoro yogalo dodupudo punyuno'gwowi gallainyubworowo'ji nerekumwallonorekikono.”