Matyuu 12:15 - Gooti Toolluro Yogalokwono

¹⁵ Jisasol a'mwo su tooravuro yodopure tovino kuudo me'no souromarokaikono. Toro youroma'no sumaiyokwe ago su toru kuugollu'movokaikono. Toro wuugollu'mo'mno sumaiyokwe pla'mduke toollu a'mwo abolo bwotonyago ton kuumjunopogano. Aki yiuwi'nokai kuumjunopo su tonyuro nobollokwe tonyu sukullajukekono.

Matyuu 12:15 Խաչաձեւ Հղումներ

Matyuu 10:23

Aki ajumiyo puruv kemi kaiyako nyaikullugolonokwono. Toro saikullugolo'ji toga kevu ajumiyo su tovi wuugollu'movopi ajumiyo muuduko puvino lukado neya dovlaiyulo. Nebal'no ikudumo'mokwono. Kevu Isuraiyolda'ai tonyuro yiuwi'nokai ajumiyo tonyu modomollo'mo womdo tov yere miyopiyodopure kuvi kuruv A'mwo Kwolaiyo Kuunodo toonyu aikomgu noolamonyugono.

Matyuu 19:2

Toro iloga'mo'mduke toollu a'mwo abolo kwolallo bwotonyago ton kuumjunopekono. Toro kuumjunopo su tonyuda'ai nobollokwe tobuurai Jisasol sukulokaikono.

Kuuguudo Sugudo akav Makolluro sakwollokakwono Mak 6:56

Yiuwi'nokai ajumiyo kula'nyo'mdeyo oo wagwolago aguto'mdeyo oo womnago'mdeyo tomuu Jisasol aullajukekono. Toro tomuu kuuloduke toollu a'mwo nobollokwe tobuurai wosamujuko maket wosodupudo toru abomorosopogano. Toro abomorosopo ton Jisasollu guureji kuudoganopogano. “Nobollokwe tobuuro gumoro youro do'gwapiyo tovino to'no nokwo uubogai'nupinodukono?” Kuudoganopogano. Toro te yiuwi'nokai nobollokwe tobuuro Jisasolluro youro do'gwapiyo tovino uubogai'nodopure su tobuurai sukulokaikono.

Luuk 5:22

Toro yajunodopure tooravuro kuudo tovi Jisasol me'no souroonokaikono. Toro youroonyuno sumaiyokwe aro kuudokaikono. “Kevu kemi poowokalago tonyu buro'nyo'mo su toro kuudo jourukwapimwakovo?

Luuk 6:12

Toruda'ai Jisasol Gooti toollu subusu'nyogalo wuujo'moneyokwe muumuudo pwollu sulokaikono. Toro ilno sumaiyokwe sula'dugumdo togada'ai yiuno lomwo iru'mago toga'no subusu'nyogalo ajourosokaikono.

Luuk 9:11

Toro tomuuno pla'mdopure toga a'mwo abolo kwolallo ton wuu'nyuno sumaveyokwe kumuuno kuumjunopogano. Toro uumjunyuno sumaveyokwe Jisasollu abuuru'maropogano. Toro buuru'ma'dopure tonyu Jisasol ilaiyo amollomarokaikono. Ilaiyo molloma'no sumaiyokwe aguto kig Gooti toolluro mido mollomwalo tovino sodubwasajukekono. Aki yiuwi'nokai a'mwo abolo nobollokwe mokabodopure tonyu sukullajukekono.

Joon 11:54

Toro tovino tov Jisasol Juu a'mwo abolo tonyuro akuuto kuu'maiyo toru miyomollajukekono. Toro kwol kuruv su toro tomuuda'ai wuugollu'movo'no wagwolago Efreyum tomuuno avlavokaikono. Wagwolago su tov kwako a'mwomaiyo yalukullo wobo toru wo'dowodokwono. Toro te Jisasol wagwolago su tovi ki'mo'mno sumaiyokwe gami uumjunyokwe toorogai'aro tooro kumuu amwallajuporogano.

Joon 7:1

Toruda'ai lukomgu Jisasol kwako Galili tomuuno to'no somollajukekono. Su tov aro tovinokwono. Kwako Juudiya tomuuda'ai Juu tooro Jisasollu romiyoso'moneyokwe puuto tovino a'mgono yodupudo tovino tov Jisasol kwako Juudiya tomuuno yomollo'mo mwinokaikono.

Joon 9:4

Neya duu'nyulo. Bako tov kuuno pwopiyodowo'jure toga nuu mi amonuwopiyaboka toolluro womdo tonyu yere neya imwalmonyugono. Lukomgu dugumdo tov me'no aimwonyopiyo'ji toga'no'gwowi a'mwo pwolnodo kwol kuruv womdo ku'nono mimwalonekono.

Galesiya 6:9

Toro te nevu sugupasudo tollovai molludo'movlaiyo'moneyokwe tovino burawo nyumwala'jo. Aro tovinokwono. Nevu sugupasudo tollovai molludo'movlaiyo'mo mimwogapiya'ji tov lukomgu gamoro no tollovaibusuko kuvinono nomulomaranonogano.

1 Pita 2:21

Krais tool kemi ikullo'mwojo'moneyokwe danyu'nyuwuulo ton me'no amarokaikono. Su tov kevu gamoro suvlomuujuko tovi kinomjumovla'mwalpino'moneyokwe aikuduuwallokaikono. Toro tovino tov gamoro aikuduuwalloka to'busuko pasudo aval'nodo ton neya domjumovlavogaulo. Gooti tool kevu sugupasudo su tonyu kuvinono mujumovla'mwalpino'moneyokwe me'no adekumarokaikono.