Luuk 19:28 - Gooti Toolluro Yogalokwono

²⁸ Jisasol yovekurajo su tov me'no wuujuno sumaiyokwe toga gami uumjunyokwe toorai sumdomgu wano'no wagwolago Jeruusalem'no sulokaikono.

Luuk 19:28 Խաչաձեւ Հղումներ

Luuk 10:30

Toro kuudoka toollu Jisasol yovekurajo puruv aro kuudokaikono. “A'mwo pwol wagwolago Jeruusalemda'ai bolokwo'no wagwolago Jerikoo'no avlavokaikono. Toro pla'mduke toollu a'mwo kuuko pworo gamoro kuto ivito nuugwiyo ton ipolomaro'mno aki gamoro youro ton amogallurolopiyoporogano. Yo'mno iwago aromiyopekono. Toro romino sumaveyokwe a'mwo su tekwo nobollo'mo wobo toru yoduke toollu kuugollu'movopekono.

Luuk 12:50

Aki nuu wonyo tovi anakuuto tomuu uuvollunodupudo to'busuko kubalno danyu'nyuwuulo tovi anakuuto tomuu nuuvollunmonyugono. Toro te danyu'nyuwuulo su tov yere mabanyu'mo'mdowo'jure toga nuu jul'nyo aguto kuunodo tovi dolago tomuu nomwalmonyugono.

Luuk 18:31

Toruda'ai Jisasol gami 12-pela uumjunyokwe toorai judo tomuu magulkuu'no sumaiyokwe gavnokweyollu wimo'nyo'mo tonyuno aro kuudokaikono. “Duu'nyulo. Nevu Jeruusalem'no avla'mwakuuwono. Jeruusalem toru me'no ai'mowa'ji toga nuu A'mwo Kwolaiyo Kuunodo toonyuno yiuwi'nokai proofet tooravuro puukwollo ajakwollajupo ton kuvinono nonyumo'nupinogano.

Luuk 9:51

Gooti tool Jisasollu gamoro ago muunyu kai'muuno mokaillo'mo wobo toru ido'nugoboduke toga Jisasol gamoro kuullutago tov wagwolago Jeruusalem tovi plaiyo'mo kwinokaikono.

Joon 18:11

Toro te Jisasol Pitallu aro kuudokaikono. “Guu kwallu'mopto su toul gami wo'dowodo aiko tomuu neya domullosono. Nuu dado ibwosunyo'moneyokwe tov mi Nyunumiyago toolluro anyamoka tovi kuvinono neya uumjunmonyugono.” Kuudokaikono.

Hibruu 12:2

Aki toro tonol a'mwo pwol resis tovuro aiyo'wo tomgu kinamjodowodo to'busuko kubalno nevu yiuno Jisasolluno bekonarowa'ji neya ainomjumovlavogawano. Nemoro kuudo uubweyodowado tov yiuno Jisasolluno to'no porugwo'mo'na'dowodokwono. Aki lukomgu yiuno Jisasolno Gooti toolluro ago muunyu kai'muuno nekumokailawonekono. Jisasol aro kuudo me'no souromarokaikono. Oo nuu aiyowo'mo toru ai'mo'mi toga ilaiyo bwotonyo tov noma'monyudeyo. Toro tovino tov mi sumdollu toruda'ai puuto wo'dowodo tovi guureji neya ainamjumo. Kuudo me'no souromarokaikono. Toro souromaroka tool nokwo wonyapino to'no yoduke toga a'mwo kaiya'nodo tooro galomworaro'mno i'noguropte tovi amovoromiyoguroptowosopekono. Aki toro tool aro kuudo miyaullajukekono. Nuu i'noguropte tovi abolmi toonyuno yovo tov nobwolomonumwogapiyapinonyudeyo. Su toro tovino kuudo miyaullajukekono. Toro te Jisasol resis tovi me'no uuwolo'mno sumaiyokwe Gooti toolluro sia kig tovi anato toru sulomwalokaikono. Toro ilomwalno sumaiyokwe aga kuga kuruv kuuno mujomwekovla'mdowodekono.

1 Pita 4:1

Krais tool gamoro kulako tovi dado pun me'no amallajukekono. Toro to'busuko kubalno kev kugaikul kuruv kemoro kulako togai dado pun noma'mwalpinogaikikono. Toro tovino kevu neya jovrowosunogaulo. Kevu jurogudo imo'nyo'moneyokwe Krais toolluro kuudo saullajuko aval'nodo tomgu'aro neya jaurogaulo. Neya duu'nyulo. A'mwo pwol Krais toollu me'no uuguro'mwonyodowodo tovida'ai gamoro kulako tovi dado amaro'ji tool ma'no ma'no pasudo amjumelabiyajuko toorai me'no yuu'dapiyodowodekono.