Hibruu 13:6 - Gooti Toolluro Yogalokwono

⁶ Gooti toolluro yogalo danekullumwojodowodo su tovino tov nevu pwolno puru'monodo tonol aro neya adogawano. “Oo Gooti Aguto tool mi nonyo'mwojokwekono. Toro te kwako akavida'ai a'mwo abolo pun mi kaiyako ku'nono miyanyugolpinonyugono. Toro te nuu luko mimwalmonyugono.” Nevu su toro to'no neya adogawano.

Hibruu 13:6 Խաչաձեւ Հղումներ

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Mollurolovomato 18:4

Aki gami lukomguda'ai kwolaiyo toolluno yovo tov Eliyeserolekono. Yovo su tov aro tovinokwono. “Ijup toru Feroo tool nonyuromiyo'jokweyo'mo mi nyunumiyago toolluro Gooti tool anyo'mwojokaikono.” Toro tovino kuudo yauro'no yovo tov Eliyeserolo sowarokaikono.

Matyuu 10:28

A'mwo pworo a'mwo abolo tonyuro kulako tovi romiyosodupudorogano. Toro kworo kuruv a'mwo abolo su tonyuro kuullo tooraino'gwowi ku'nono maromiyosupinorogano. Toro tovino tov a'mwo su toro tooraino luko mipinono. Toro kuvi kuruv kemoro kuullo tokwe'aro kulako tokwe'aro yiuwi'nokai su tovallu du'muudo tovi nokwo mollounapiyono Gooti toolluno'gwowi kevu luko neya domjumovlavogaulo.”

Room 8:31

Gooti tool sugudo tono tono yanekullugolodowodekono. Toro tovino tov kuudo puruv aro neya yaurogawano. Ikomago pwol nemi kaiyako yanekullugollo'mo so'ji kuvi kuruv Gooti tool nemi mollonekuda'mdowodo tovino tov nevu ikomago nonagutokwe tonolbusuko imo'nanonogano.

Efesos 3:12

Toro te nevu Krais toolluno kuudo me'no uubweyodowado tonol kweke guro'mwonyodowadonogano. Toro tonolluno tov nevu Gooti toollomno wobo toru kuullo'moneyokwe tovino luko miyanonogano. Toro kunol kuruv aro kuudo yau'mwalanonogano. Oo Gooti tool ilaiyo to'no mollonekumarononoldeyo. Kuudo yau'mwalanonogano.

Hibruu 10:19

Nemi avalobuuravoo, Jisasolluro mujako tov me'no abwoloka tovino tov nevu Gooti toolluro ago muunyu kai'muu pwekwapto kuunodo toru'no kuullo'moneyokwe tovino luko nyumwala'jo.

Hibruu 4:16

Nemi Pris Aguto Jisasol tono tono sumo'nyajukekono. Toro toolluno tov nevu luko miyowa'ji nemi aguto kig Gooti toollu wobo toru neya aulluru'marogawano. Nevu kuvinono aulluru'mara'ji toga Gooti yasuwa'wino sugumaluko nekullabodowodo su tool nemino kalo nomanekumwonyumwalonekono. Aki jul'nyo pun abaneki'mopi tov nekullo'mwojo'moneyokwe puvino supto sa'ji toga gamoro yasuwa'wino sugumaluko su tovi nokwo yo'mgonoma'mwalanonogano.