Toro wolai'mo'mno sumaiyokwe wagwolago su towai iruko pubuul amwalokaikono. Toro tool iruko pubuul me'no mwalno sumaiyokwe wagwolago su tovi kuugollu'movokaikono. Toro wuugollu'mo'mno sumaiyokwe proovins puruvallu'aro avlavokaikono. Proovins su tovalluno yovo tov Galesiyake Frijiyake tovakono. Toro tovallu tomuu plaino sumaiyokwe wagwolago go'no go'nodo tonyu somollajukekono. Toro yomollodowo a'mwo abolo Jisasollu uumjunyokwe tonyu wuuru'ma'dowo jurogudo aduuwimwojomollajukekono.
Galesiya 1:9 - Gooti Toolluro Yogalokwono9 Nuu sumdomgu me'no aikudumo tovi aga aki aiko te aro ikudumo'monyugono. Kevu kuuguudo sugudo kuunodo tovi ilaiyo me'no amollomaropogaikikono. Toro togaikullu a'mwo pwol kuuguudo gabovo pumgu'aro tokwe amodekumollo'ji su tool du'muudo tomuuno yiunokuudo yovlawonekono. Տես գլուխը |
Galesiya 1:9
13 Խաչաձեւ Հղումներ
Miyobuuravoo, kevu wako neya kuu'numwalpino'moneyokwe nuu guureji aro ikudumo'mokwono. A'mwo pworo kevu Jisasolluro a'mwo abolo tobuurekullu kaiyako molleru'mdovekwapiyo'mo winodupudorogano. A'mwo su tooro nemoro kuuguudo sugudo yodubwasodowado tovi muu'nyubusuko to'no yopi kisuvolo mujumovla'mdupudorogano. Kevu su toro toorai manyu toru'aro neya duuwiyogaulo.
Toro toonyu aro kuudo yau'dumdonyugono. Oo nuuge avalo kuunodo Isuraiyol tobuuro kemi ma'no ma'nodo tovuro kirumwallo tovida'ai neya abirolo'nugolokuupureyokweyo'mo anyunadopiyo. Su toro kuudo yauro'mi aki aro kuudo yau'dumdonyugono. Nuvnokwe toonyu Krais tooke yeru'mdeyapino'mi wiyo'mwojo'moneyokwe kemoro aiko toru kirumwallo tov nokwo ma'monyudukono? Awiyo, mi avalo tobuurai su toro tomgu'aro wiyo'mwojo'moneyokwe puuto puruv nonagutokwono. Su toro kuudo yau'dumdonyugono.
Toro te nuu kemi iru'mato ikullo'moneyokwe me'no adomdukuurosonyugono. Moro sumdomguda'ai yogalo adomdukuuroso su tovi nuu kuvinono muumjunodore tovino aro kuudo nyanuupiyo. Oo kuudo noullo maullo sau'mwallo. Toro tool kwako akavida'ai a'mwo abolo tonbusuko youkuu'nanekudodowodoldeyo. Mino su toro kuudo nyanuupiyo. Kuudo neya jaullulo. Kwako akavida'ai a'mwo abolo ton kemoro mido togai, Awiyo, kuudo yauropi kun kuruv kemoro mago tokwe, “Tade,” jokweyogano.
Miyobuuravoo, nuu yogalo aiyowo'mo pun ikudumo'mokwono. Kevu Aguto toollu me'no uuguro'mwonyodupudo togaikulluno tov ilaiyo to'no neya jogaulo. Nuu yogalo aval'nodo akan kemi aki aiko te yokwollekwopiyabiyo'mo tovino burawo manyunyokwenyugono. Aki yogalo su ton sokwollekwopiyami tov kemi yellukuromollekumwallo'moneyokweyogano.
Գովազդներ