Filipai 1:4 - Gooti Toolluro Yogalokwono

⁴ Aki kevu yiuwi'nokai togaikullo'mo buro'nyo buro'nyo subusu'nyogalo judo'no judo'nodo togai Gooti toollu wuudoganodumdonyugono. Aki subusu'nyogalo su toro wuudodumdo tovino ilaiyo bwotonyo yodumdonyugono.

Filipai 1:4 Խաչաձեւ Հղումներ

Kuuguudo Sugudo akav Makolluro sakwollokakwono Mak 5:5

Surakuuto togake'aro iruko togake'aro toga a'mwo buuso toruke muumuudo toruke tomuu yomollodowo deko aderounomollajukekono. Aki gavnokwe tool gami kulako tovi sulo tokwe ado'nyajukekono.

Luuk 15:10

Su toro to'busuko kubalno nuu aro ikudumo'mokwono. A'mwo ma'no ma'nodokwe yiuno pwolnodo kwol kuruv Gooti toollomno kuudo souragunyumo'no'ji tov Gooti toolluro ensel tooro kevnokwerai akuuto toru ilaiyo bwotonyo ipinorogano.” Kuudokaikono.

Luuk 15:7

Su toro to'busuko kubalno nuu aro ikudumo'mokwono. A'mwo ma'no ma'nodokwe pwekwo Gooti toollomno kuudo muuduko souragunyumo'no'ji tov Gooti toolluro ago muunyu kai'muu mwalodupudo ton ilaiyo bwotonyo yodupudogano. Su tov aro tovinokwono. 99-pela a'mwo abolo pun aro kuudo yaupinogano. Oo nevu sugudonoldeyo. Toro tonol Gooti toollomno kuudo youragunyumo'nyo'mo tov supto mimwakuuwono, kuudo yaupinogano. Toro tovino tov a'mwo yiuno pwolnodo toolno'gwowi Gooti toollomno kuudo souragunyumo'no'ji su toolluno muunyu kai'muu mwalodupudo tonyuro ilaiyo ipino tov 99-pela a'mwo abolo kuudo miyouragunyumo'nupi su tonyuno ilaiyo tovi nuuwolowonokwono.”

Room 1:9

Toro tovino tov nuu Gooti toollu subusu'nyogalo wuudodum kemino kuudo miyaikullulo'gwonodumdonyugono. Moro su toro yodumdo tovino Gooti tool kuudo me'no youronuma'dowodekono. Toro me'no youronuma'dowodo toolluno tov gamoro womdo tovi yo'moneyokwe mi poowokalago kuunodo tokwe wiyodumdonyugono. Toro toonyu gamoro Kwolaiyo toolluno kuuguudo sugudo tokwe moruudomollodumdonyugono.

Filipai 2:2

Toro tovino tov kevu aro neya jogaulo. Kevu yiuwi'nokai Jisasolluro a'mwo abolo tobuurekul kuudo puru'mono neya jou'movlavogaulo. Aki kalo buuropino aval'no neya domollogaulo. Aki kemi poowokallumdo togai guro'mwonyopi kuudo puru'monodo to'no jaurogaulo. Kevu tono tono amjumovlapi tov nuu ilaiyo bwotonyo ibwosunmonyugono. Aki moro ilaiyo subwosunmi su tov moro poowokalago tovi yiuno'no noullo'mowopiyonokwono.

Filipai 3:18

Kevu kuudo neya jaullulo. A'mwo bwotonyago tooro kevnokweravuro pasudo tovi'aro kuu'maiyo toru'no wuuduuwallunodupudorogano. A'mwo su tooro Krais toolluro i'noguropte tovi aboloka tovino kuuguudo su tovi ikomago wimo'nugovla'mdupudorogano. A'mwo su toro tooraino nuu go'no go'nodo toga me'no adekudapiyajonyugono. Toro toonyu aga kuga kuruv moro kumdaluko tov bwoloduke tokwe kemi kuuno adekudapiyadokwono.

Filipai 4:1

Toro tovino tov mi avalobuuravoo, kevu Aguto toollu me'no uuguro'mwonyodupudo togaikul jurogudo neya dodavogaulo. Toro togaikulluno kalo buuropino nyunodowodo toonyu kevuge mwallo'mo ilaiyo nyunodowodonyugono. Aki kevu moro mubiyo sugudo to'busuko nonyumo'nodupudogaikikono. Mubiyo sugudo su tov a'mwo aguto kig pwolluro miguto to'busukokwono. Toro togaikulluno ilaiyo yodumdonyugono.

Kooloosi 2:5

Neya duu'nyulo. Nuu moro kulako tokwe kemi manyu tomuu mwalodumdonyugono. Toro kuvi kuruv moro poowokalago kuudo to'gwowi kevuge wobo toru me'no mwalodumdonyugono. Toro toonyu kemoro pi'mwono molludo'movla'mdupudo tokwe'aro aki Krais toolluno kuudo me'no kuubwengopo tovi guureji gudupola'dupudo tokwe'aro su tovalluno kuu'numwa'jonyugono. Su toro tovalluno kuudo yaikuu'dum kemino ilaiyo bwotonyo sumwakonyugono.

1 Tesaloonaika 1:2

Nevu yiuwi'nokai toga kemino kuudo yaikuurowa'ji Gooti toollu, “Nenoloo,” subusu'nyogalo wuudodowadonogano. Aki kevu yiuwi'nokai pwolno puru'monodo togaikullu Gooti tool neya aikullo'mwojoneyokwe tovino kuudo yaurowa'ji wuudodowadonogano.

Filemoon 1:7

Guu mi nyugwai'yago tookubusuko nonyumo'nodumdo tookujuro kalo buuropino gujunodowodo tovino ilaiyo bwotonyo yodumdonyugono. Aki guu Jisasolluro a'mwo abolo tobuuraino kalo buuropino gujunodowodo su tov mi jurogudo danyumwojodowodokwono. Aro tovinokwono. Gumoro pasudo yodore tovino tov Gooti toolluro a'mwo abolo tobuuravuro poowokalago tonyu paiko ibwosunodupudogano.

2 Joon 1:4

Nuu a'mwo abolo gumoro kwoloraiyo tobuurobusuko gujumo'nododupudo pubuuraino ilaiyo bwotonyo sumwakonyugono. A'mwo abolo su tobuuraino aro souroma'mwakonyugono. Oo a'mwo abolo su tobuuro nebal'no yogalo tovi kuvinono uumjunodupudodeyo. Nebal'no yogalo su tovi neya uumjunmwalpino'moneyokwe tovino sumdomgu togasuro nemi Nellunumiyago Gooti tool me'no adanekulloka tomgu'aro kuvinono uumjungovla'mdupudodeyo. Toro me'no souroma'mwako tobuuraino nuu ilaiyo bwotonyo sumwakonyugono.