Gooti Yawel a'mwo toollu toro kuuluumwalluno sumaiyokwe womdo tovi iko wobeya sumdo yo'mo togai aki ikulsulo nonyo'mo togai tonyu aburoudubweyokaikono. Aki iko judo pumgu'aro toorake'aro womnakuuto tomuu auloujudapiyokaikono. Toro te iko pwolluro ikulsulo tov amano'ji tool aiyo yiunokuudo mujomwekovlawonekono. Toro kuvi kuruv iko pwolluro ikulsulo tov amano'ji tekwono'gwowi kuudo bwotonyago ton youromaronekono. Kuudo sugudo togai'aro ma'no ma'no kuudo togai'aro tonyuno youromaronekono.
Adodolukuu'nosungiko 22:2 - Gooti Toolluro Yogalokwono2 Toro lokabodowo wagwolago su tovuro puuto aguto tovi akuuto toru'aro lokwodowodokwono. Aki iko aiyo yiunokuudo mujomwekovlaiyo'moneyokwe tool wonyo su tovi imgu amgu da'mdowodekono. Iko su tool yiuwi'nokai 12-pela lobako tobuullu sulo ki'nodowodekono. Aki toro toolluro ikoulo touso marasin to'busukokwono. Ikoulo su touso a'mwo abolo kantri go'no go'nodo tomuuda'ai mwalodupudo tonyu ikulodupudogano. Տես գլուխը |
Adodolukuu'nosungiko 22:2
20 Խաչաձեւ Հղումներ
“Aguto toolluro Kuullo tool numi me'no anubweyokanyugono. Toro toonyu apoo'nyaiyo toorai kuuguudo sugudo tokwe yodubwaso'moneyokwe me'no ajanubweyokaikono. Aki wuulo killo'mo ago tovi kuule'na'dopure toorai bomollurolovomokalokwiyo'moneyokwe kuuguudo tov wuujo'mo amonuwopiyabokanyugono. Aki a'mwo sumnowojokwe toorai aki aiko te sumdo nokwo kinpino'moneyokwe amonuwopiyabokanyugono. Aki a'mwo pwekwojo a'mwo pworavuro jul'nyo uubweyodopure tovi ma'dupudo su tekwojai mollurolowapiyo'mo amonuwopiyabokanyugono.
Krais su tool nemoro ma'no ma'nodo ton gavnokweyolluro kulako tovi ilomolloulloso'no amokavlavokaikono. Toro mokavla'mno sumaiyokwe i'noguropte tovi muunyu toru sulejuku'narokaikono. Nemoro ma'no ma'nodo ton gamoro kulako tovi sulomolloullosoka su tov aro'mokwono. Nemoro ma'no ma'no yo'moneyokwe kuudo tooro yiunokuudo neya bolopipinorogano. Aki nevu aiyo sumo'na'ji tovi'aro gamoro sugupasudo tonyuno'gwowi neya mujumovla'mwalano tovino'mokwono. Kuudo neya jaullulo. Krais toollu iwago aromiyopo tovida'ai imuulo amaroka su tovi'aro kevu ikulnodupu ilaiyo aiko te imo'nodupudogaikikono.
Toro te a'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromaronekono. Kuuguudo su tov arokwono. A'mwo pwol Satanyolluro molo tovi kuuwolowo'ji su tool iko aiyo yiunokuudo mujomwekovlaiyo'moneyokwe toolluro ikulsulo tovi nomuudanonekono. Iko aiyo yiunokuudo mujomwekovlaiyo'moneyokwe su tool Gooti toolluro ago muunyu kai'muu gamoro womdo sugumaluko tovi anakuuto toru da'mdowodekono.”
Aki kuurupto tovuro 12-pela noullo ton soolwara tovida'ai sulo sugumaluko nuugwiyo bwotonyo biyoma'dupudo tollovogai sokwollopingopogano. Yiuwi'nokai noullo go'no go'nodo tonyu sulo yiuno pwolnodo toolluda'ai sokwollopingopogano. Aki wagwolago su tovi akuuto toruda'ai puuto aguto tov gool yiuno sugudo to'nodo tokwe soulosungikokwono. Gool su tov gles sugudo tovi'aro kuu'maiyo kuuloonyopiyodapudo to'busukokwono.
Toro te wagwolago su tovuro bako bwotonyo tov yiuwi'nokai kantri judo'no judo'nodo tonyu pwopimwalonokwono. Toro pwopiyodowo'jure su tovi anakuuto tomuu yiuwi'nokai kantri tonyuda'ai a'mwo abolo ton yomjomwekovla'mwalpinogano. Aki kwako aiyowomno tomuuda'ai a'mwo aguto kig kworo kuruv kemi noonyumwonyu sugumaluko tollovogai wagwolago su tovi nomokaulapinorogano.
Toruda'ai ensel tool wonyo bwotonyo puvi anyuduuwallokaikono. Wonyo su tovi a'mwo abolo anpi tonyu aiyo yiunokuudo mujomwekovlaiyo'moneyokwe wiyodowodokwono. Aki toro tov gles to'busuko lekuropiyodowodokwono. Wonyo su tov Gooti tooke'aro Sipsip Muugunyo tooke'aro tooralluro sia kig mwalodubulo tomuuda'ai lokabodowodokwono.
Aki a'mwo pwol buukiyo akavida'ai proofet yogalo sokwollosungiko tonyuro punyu nomodukwopiyo'jo. Toro amodukwopiyo'ji to'gwowi a'mwo su tool buukiyo akavida'ai noonyumwonyu sugumaluko dodowodo tonyu nomaro'jokwe Gooti tool nomoruudukwopiyonekono. Toro tool iko aiyo yiunokuudo mujomwekovlaiyo'moneyokwe toolluro ikulsulo tonyu nomuudano'jokwe Gooti tool nomoruudukwopiyonekono. Aki toro tool wagwolago sugumaluko tovi noulawo'jokwe Gooti tool nomodukwopiyonekono.
Գովազդներ