kirovanyuvanyu kuumwiyo su tool yiuno kuu'maiyo toru'no nobillalo'nonekono. Su toro abillalo'no'ji toollu Aguto Jisasol gami mago tovida'ai suumjudo lokabodowodo tokwe noromiyosonekono. Aki Aguto Jisasolluro abwo'ji togasuro bako bwotonyo pwopiyono tokwe kirovanyuvanyu kuumwiyo su toollu kaiyako yiunokuudo nomollounapiyonekono.
Adodolukuu'nosungiko 2:16 - Gooti Toolluro Yogalokwono16 Toro te guu gumi pasudo su tovi buulo neya duuguunyumopiyono. Toro kuvi kuruv guu pasudo su tonyu buulo muugunyumopibi to'gwowi nuu gumiyomno yere nobumonyugono. Toro bo'mi moro mago tovida'ai lokabodowodo molo'mo kwallu'mopto to'busuko tokwe a'mwo su toorai molo nobuuwimonyugono. Տես գլուխը |
Adodolukuu'nosungiko 2:16
15 Խաչաձեւ Հղումներ
Toro tool gami anato tokwe 7-pela sullugabwo toorai amworarokaikono. Toro mwora'no sumaiyokwe gamoro mago tovida'ai molo'mo kwallu'mopto puul alokabokakwono. Kwallu'mopto su toul imgu amgu do'nyo do'nyo avairo'nyungiko tousi kwononyugono. Aki gamoro sumdomago tov kuujunapto togasuro kuujo tool guureji dodowodo to'busuko kubalno bwotonyo pwopiyoduke tovi kwononyugono.
Toro tooku aro kuudo neya jaurono. Gumi muudu'nodo togasuro kalo buuropino ilaiyo agujunyajuko su tovi me'no bwolo'dam aga pasudo su tovi manyu tomuu'aro amwakuno. Su toro tovino kuudo yauro'bi miyomno aki aiko te neya jodu'mwonyugobono. Su toro sodu'mwonyugobubi tov gumi sumdomguda'ai sugupasudo sajudo su tovi aki aiko te neya domolludovogawono. Guu su toro mibi to'gwowi moro mollu'bwoto tovida'ai gumoro gworeko gudupolallo'moneyokwe tovi nuu nobomagudukwopimonyugono.
Aki a'mwo mollurogudo tooravuro miguto jurogudo yesodupudo to'busuko kubalno kevu ma'no ma'nodo tovuro kirumwallo tovida'ai Gooti tool me'no abomollurolovekumokalokwoka tovino kuudo su tov kemoro mido tonyu neya aikworogawono. Aki molo'mo kwallu'mopto jurogudo gudupola'dupudo to'busuko kubalno kevu Gooti toolluro yogalo tokwe guureji neya dogudupolarogaulo. Kwallu'mopto su toul Gooti toolluro Kuullo tool ikullabodowodokwono.
Aki toro tooralluro yiuwi'nokai a'mwo mollurogudo toorai a'mwo hoos wiya'jo toollu ilomwalodowodo su tool gamoro mago tovida'ai molo'mo kwallu'mopto do'nyo do'nyo lokabodowodo touke aromiyosokaikono. Toro aromiyosoka su tooravuro kulako abolopo ton yiuwi'nokai dokato tooro nyuno nyuno sumaveyokwe anyuto'noporogano.
Aki toro kuumjunopo su toolluro mago tovida'ai molo'mo kwallu'mopto puul alokabokakwono. Kwallu'mopto alokaboka su touke yiuwi'nokai kantri go'no go'nodo tomuuda'ai mwalodupudo tonyu iwago romiyo'mokwono. Aki toro tonyu aiyon iwanyiko amworaro'ji tokwe mido mollomwalo tov guureji to'no mollomwalonekono. Aki toro tool wain ikulsulo tonyu suvlo tokwe gurojodupudo to'busuko kubalno a'mwo abolo su tonyu suvlo tokwe gurojodawonekono. Su toro agurojodawo'ji toga Gooti Jurogudo Kuunodokwe toolluro surodo wuunodowodo tovino kuu'maiyo wuuduuwallonekono.
Nuu yiuwi'nokai a'mwo abolo kalo buuropino nyunodowodo tonyu wonyapino miyodumdonyugono. Toro kwonyu kuruv a'mwo abolo su tonyu mollado'movo'mi po'dogalo tomgu'aro yomjomwekovla'mwalpino'moneyokwe kuudo wuuteyodumdonyugono. Toro tovino tov kevu mi numjunyo'moneyokwe guureji neya jogaulo. Aki kevu miyomno aki aiko te neya jodu'mwonyugobilo.
Toro bekuroma'duke kuvi kuruv a'mwo abolo su ton Gooti toollomno kuudo youragunyumo'nyo'mo mwinyajupogano. Aki tabunyuwuulo su tonyu moropiyabiyo'moneyokwe jurogudo tov yiuno Gooti toollu uuwo'duke kuvi kuruv a'mwo abolo ton Gooti su toolluno yovo aguto mwiyajupekono. Aki gamino yovo tovi bwolomorumwogapiyo'moneyokwe kaiya'no yogalo dodupu kemi ma'no ma'nodo pasudo toorai kuuno kuumjungovlaiyajupogano.
Գովազդներ