Adodolukuu'nosungiko 13:3 - Gooti Toolluro Yogalokwono

³ Ibesa'aiyo kaiya'no kuumwiyo su toolluro mido pwol kwa'dalo bwotonyo amaroka tovida'ai me'no abolowo'jujukekono. Toro kwol kuruv kwa'dalo bwotonyo su tov me'no sukulungikokwono. Toro sukulungiko tovi yiuwi'nokai a'mwo abolo kwako akavi mwalodupudo tonyuro sumdo tovi duuwallo jurogudo to'busuko wimo'nodowodokwono. Toro tovino tov a'mwo abolo ton luko morumoukuropino sumaveyokwe ibesa'aiyo kaiya'no kuumwiyo su toollu kuumjunopekono.

Adodolukuu'nosungiko 13:3 Խաչաձեւ Հղումներ

Luuk 2:1

Su toro toga a'mwo aguto Sisa Oogastosol mido amollomwallajukekono. Toro tool a'mwo abolo gami dolago tomuu mwalodupudo tonyuno yovo tov yakwollo'moneyokwe abai'movokakwono. A'mwo abolo tonyuno yovo yakwollo'moneyokwe su tov Sisa toolluro loowo to'busuko sumo'nyajukokwono.

Joon 12:19

Su toro toga Farasi kevnokwe tooro aro sajunoporogano. “Kevu doonyulo. Yiuwi'nokai a'mwo abolo kwako akavi mwalodupudo ton a'mwo su toollu kuumjunmwakovo. Toro kuumjunmwakopo su tonyu nevu ku'nono muumjukuranonogano.” Sajunoporogano.

Kuurotokwe 8:13

Aki a'mwo bulaptokwe Saimoonol kwol kuruv kuuguudo sugudo su tovi kuudo uubweyo'no wonyo kuuvollunokaikono. Toro tool Filipollu wobo toru kuumjunyajukekono. Toro uumjunodowo Filipolluro duuwallo jurogudo go'no go'no wuuduuwalloduke tonyu wonodowo luko amorumoukuropiyajukekono.

Adodolukuu'nosungiko 13:12

Toro te ibesa'aiyo kaiya'no kuumwiyo lukomguda'ai sulaboka su tool sumdomguda'ai ibesa'aiyo kaiya'no kuumwiyo toolluro sumdollu toru abodavokaikono. Toro da'mduke toollu sumdomguda'ai tool gavnokweyolbusuko mido mollomwallo'moneyokwe jurogudo tov kuubweyokaikono. Toro kuubweyoka tokwe lukomguda'ai ibesa'aiyo kaiya'no kuumwiyo su tool yiuwi'nokai kwako akavida'ai tonyu sumdomguda'ai ibesa'aiyo kaiya'no kuumwiyo toollu neya ilomoropiyapino'moneyokwe adumuurolovokaikono. Sumdomguda'ai ibesa'aiyo kaiya'no kuumwiyo su tool kwa'dalo bwotonyo tovida'ai me'no abolowo'jujuko kwol kuruv aki aiko te sukulnoka tool kwekono.

Adodolukuu'nosungiko 13:14

Toro yoduke toollu Gooti tool nokwo wonyapino sokaikono. Aki toro yoduke toga lukomguda'ai ibesa'aiyo kaiya'no kuumwiyo su tool sumdomguda'ai ibesa'aiyo kaiya'no kuumwiyo toolluro sumdollu toru duuwallo jurogudo ton kuuduuwallunyajukekono. Su toro wuuduuwallunoduke tovi'aro a'mwo abolo kwako akavi mwalodupudo tonyu amolloguulludapiyajukekono. Toro molloguulludapiyodowo a'mwo abolo tonyu aro adumuuroleyajukekono. “Kevu sumdomguda'ai ibesa'aiyo kaiya'no kuumwiyo su toolbusuko kula'noka pwollu neya jokwolludapilo. Su tool kwa'dalo bwotonyo tovida'ai me'no abolowo'jujuko kwol kuruv aiyo aiko te adukavokaikono. Toro toolbusuko kula'noka pwollu yokwolludapiyopi julomoropiyogaulo.” Adumuuroleyajukekono.

Adodolukuu'nosungiko 17:10

Aki ibesa'aiyo kaiya'no kuumwiyo su toolluro 7-pela mido avalo su tobuul 7-pela a'mwo aguto kig pworaino duuwallo'morogano. 7-pela a'mwo aguto kig su tooraida'ai atobuul tooro me'no aboloporogano. Aki 7-pela su tooraida'ai a'mwo aguto kig naba 6 tool aga kuuno amwallo. Aki 7-pela a'mwo aguto kig su tooraida'ai naba 7 tool lukomgu nobwonekono. Toro abwo'ji su tool yiuno kula'nyo toga'gwono mido mollomwalowo'ji gamoro mido mollomwalo tov yere nyumwogapiyonokwono.

Adodolukuu'nosungiko 17:11

Aki Ibesa'aiyo kaiya'no kuumwiyo toolluno kuudo neya jaullulo. Su tool aiyoga amwallajuko kwol kuruv aga'no'gwowi mamwallo. Ibesa'aiyo kaiya'no kuumwiyo su tool 7-pela a'mwo aguto kig sumdomguda'ai tooraida'ai bwonekono. Toro abwo'ji su tool naba 8 toolbusuko imo'nonekono. Toro tool lukomgu kaiyako i'nallo'moneyokwe tomuuno plawonekono.

Adodolukuu'nosungiko 17:13

Yiuwi'nokai a'mwo aguto kig atousal su tooro kuudo aval'no wosopi aro domdukuurusupinorogano. “Nevu pwolno pwolnodo toonolluro jurogudo togai'aro nemoro aguto kig mido mollomwalodowado togai'aro ton ibesa'aiyo kaiya'no kuumwiyo toolluro ato tovi neya amorubweyano.” Su toro adomdukuurosupi tovi kuvinono uumjunpinorogano.

Adodolukuu'nosungiko 17:17

Su toro ipino tov aro tovinokwono. Gooti tool toro tooravuro kuudo tonyu mollubworomokavla'mdowo'jure tovi uumjunopi Gooti toolluro kuudo tovida'ai imo'noneyokweyo'mo kuvinono nyumo'nonokwono. Toro te kuvinono imo'nyo'moneyokwe a'mwo aguto kig atousal su tooro kemoro mido mollomwalo jurogudo ton ibesa'aiyo kaiya'no kuumwiyo toollu wipinorogano. Su toro tomgu'aro Gooti toolluro yogalo tovi suuwiyo kuvinono imwojonokwono.

Adodolukuu'nosungiko 17:6

Abolo su tov aro yoduke tovi souromuugonaronyugono. Gooti toolluro a'mwo abolo pubuuro Jisasolluno kuu'maiyo dodowiyoku'bworosodopure tobuurai aromiyosajukokwono. Toro aromiyosajuko tonyuro mujako tov anokakwono. Toro nyuno sumaiyokwe amomo sokakwono. Toro yoduke tovi wonyuno sumoneyokwe nuu mollolokurosi bwotonyo sonyugono.

Adodolukuu'nosungiko 17:8

Ibesa'aiyo kaiya'no kuumwiyo kwonmodo su tool aiyoga amwallajuko kwol kuruv aga'no'gwowi mamwallo. Toro kwol kuruv wobo toga kuuraibuuso puruv daneyajokwe tovida'ai nyulabiyo'mo sadopiyo. Toro sulabwo'ji su toollu Gooti tool kaiyako yiunokuudo mollounapiyo'moneyokwe du'muudo tovi noolomovodukwopiyawonekono. Toro te ibesa'aiyo kaiya'no kuumwiyo tool sulabwo'ji toga a'mwo abolo ton luko morumoukuropipinogano. A'mwo abolo su ton aiyoga kwako akav yere mimo'nyoduke togada'ai kemi yovo ton Buukiyo Aiyo Yiunokuudo Mujomwekovlaiyo'moneyokwe tovi miyokwollosungikogano. Toro tonyuro luko morumoukuropipino tov aro tovinokwono. Sumdomgu ibesa'aiyo kaiya'no kuumwiyo amwallajuko su tool aga mamwallo. Toro kwol kuruv lukomgu kuuraibuuso daneyajokwe tovida'ai aki aiko te nobillalo'nonekono. Su toro tovino luko morumoukuropipinogano.