Adodolukuu'nosungiko 11:3 - Gooti Toolluro Yogalokwono3 Aki a'mwo pworal moro kuuguudo tokwe kuu'maiyo toru'no dodoluwosumwalbulluno'moneyokwe nuu a'mwo su toorallu jurogudo tov nuubwemonyugono. Toro tooral kalo winodo'bule tovino tov kalo'mo youro togai yeso'bullu iruko 1,260 su tobuullu proofet kuuguudo tokwe moruudumwalbullunorakono.” Anyudokaikono. Տես գլուխը |
Adodolukuu'nosungiko 11:3
43 Խաչաձեւ Հղումներ
Toro moruudoduke tovi Niniveda'ai a'mwo abolo ton wuu'nyuno sumaveyokwe, “Oo nebalo'mdeyo,” do'mno Gooti toolluno kuudo kuubweyopogano. Toro ton wosamujuko kumako mwallo'moneyokwe iruko pubuul jesuno sumaveyokwe aki kanyu sa wollo'mo youro togai'aro amollosopogano. Wagwolago su tovida'ai a'mwo aguto yovokwerodeyo oo a'mwo yovomaiyokwerodeyo yiuwi'nokai ton toro sopogano.
Aki kevu yiuwi'nokai togaikul kalo kalo'mo neya jogaulo. Toro togaikul kanyu sa wollo'moneyokwe youro togai mobwosu'naropi Gooti toollu subusu'nyogalo guureji neya duudogaulo. Aki kemi ma'no ma'no mujeroungovla'mdupudo ton akaru'aro neya jumwogapiyulo. Aki kemi ibesa'aiyo wuulo ki'duvolodupudo kworai kuruv kanyu sa wollo'moneyokwe youro pun neya jubweyulo.
“Aiyoo, kevu wagwolago Koorasin toruke'aro Betisaida toruke'aro tovalluda'ai mwalodupudo togaikul jul'nyo nomapino tov kula'nyo'maiyo. Bwotonyo kuunodokwono. Neya duu'nyulo. Moro duuwallo jurogudo ikuduuwallodumdo ton wagwolago Tairuke Saidoonke tovallu kuuduuwallo'mujuko'mno'juki a'mwo abolo kirovanyuvanyu kuumwiyo mwalodupudo su ton aiyogada'ai Gooti toollomno kuudo me'no souragunyumo'nopujukogano. Aki toro ton kalo winodopure tovino duuwallo'moneyokwe tov kanyu sa wollo'moneyokwe youro togai mollosopi kemi mido tonyu kwagupto tokwe aluvobwosu'naropujukogano. A'mwo abolo kirovanyuvanyokwe su ton Gooti toollomno su toro tomgu'aro kuudo souragunyumo'nopujukogano.
Toro kuvi kuruv a'mwo su tekwo gumi maguu'nyubusuko so'ji to'gwowi guvu a'mwo pweke'aro'mdeyo oo pworake'aro'mdeyo momworaro'bi a'mwo su toollomno neya domokabono. A'mwo amokabi su tooral a'mwo tekwojuro kaiya'no pasudo tovi me'no wonodubulorakono. Toro amokabi su tooral gumoro sumdomguda'ai yiuwi'nokai yogalo adodolukuurubwebi tonyu jurogudo nokwo duuwimwojubullunorakono.
Aki Jisasol aro adokaikono. “Aiyoo, kevu wagwolago Koorasinokwe wagwolago Betisaidakwe tovalluda'ai a'mwo abolo mwalodupudo togaikul jul'nyo nomapino su tov kula'nyo'maiyo. Bwotonyo kuunodokwono. Neya duu'nyulo. Aiyoga wagwolago Tairuke Saidoonke tovalluda'ai a'mwo abolo kirovanyuvanyu kuumwiyo amwallajupo su tonyu moro jurogudo ikuduuwallodumdo pun kuuduuwallo'mujuko'mno'juki a'mwo abolo su ton Gooti toollomno kuudo souragunyumo'nopujukogano. Aki toro ton kalo'mo yopi kanyu sa wollo'mo youro togai mollosopi aki kemi mido tonyu kwagupto togai nokwo aluvobwosu'naropujukogano. A'mwo abolo kirovanyuvanyu kuumwiyo su ton toro tomgu'aro Gooti toollomno kuudo souragunyumo'nopujukogano.
Toro kugaikul kuruv kemiyo'mo tov arokwono. Gooti tool gamoro Kuullo tool nekullabwonekono. Toro aikullabwo'ji toolluro jurogudo tokwe kevu mino kuuguudo tov kuu'maiyo toru'no dodoluwosumwalpinorekikono. Toro toorekul wagwolago Jeruusalem tokwe'aro proovins Juudiya tovuro yiuwi'nokai tomge'aro proovins Samariyake'aro tomuu dodoluwosomollogaulo. Aki kwako akavuro yiuwi'nokai do'gwapiyo kumuu kuruv kuu'maiyo toru'no dodoluwosomollogaulo.” Kuudokaikono.
Toro moduka'mno sumaiyokwe Jisasol a'mwo abolo punyu kwiyalo'nyajukekono. A'mwo abolo su ton sumdomgu Jisasol yere maboloduke toga kwako Galili toru wuugollu'mo'mno sumaiyokwe Jeruusalem'no iloduke toga kweke yomollo'mno sulapogano. Toro tonyu Jisasol bwotonyago toga kwiyalo'nyajukekono. Toro wiyalo'noduke toollu me'no kwonyajupo ton aga a'mwo abolo punyu kwolluno kuu'maiyo toru'no dodolubweyodopudogano.
Kevu toro wuudo'mno aromiyosopekono. Toro aromiyosopo su tool nemi aiyo nekullabodowodo Jisasol kwekono. Toro tool me'no aboloka kwollu kuruv Gooti tool aiyo aiko te amodukavokaikono. Toro te navu yiuwi'nokai Jisasollu kwimo'nyajuko su ton me'no kwonowolonakono. Toro me'no kwonowolo toonal kuu'maiyo toru'no adodoluwosumwakuuwolo.” Kuudolorakono.
Toro te Gooti tool gamoro mollu'bwoto tonyu aro ajesokaikono. Muudu'nodo tooro kuurotokwe toorogano. Su toorai iwapi tooro proofet toorogano. Aki lukomguda'ai tooro ibwasokwe toorogano. Aki toruda'ai Gooti tool gamoro mollu'bwoto tonyu yasuwa'wino pun kwiyokaikono. Pworo duuwallo jurogudokwe toorogai'aro nobollo tonyu ikullokwe toorogai'aro a'mwo abolo pubuurai wiyo'mwojokwe toorogai'aro mido mollomwalokwe toorogai'aro a'mwo abolo gabovo tonyuro yogaljo tonyu moruudodupudo toorogai'aro yiuwi'nokai su toorai Gooti tool yasuwa'wino kwiyokaikono.
Nuu pugasal toga kemi me'no abekuru'maronyugono. Toro toonyu aki aiko te pugake'aro nobekuru'ma'monyugono. Neya duu'nyulo. Gooti toolluro yogalo puruv aro sakwollungikokwono. “A'mwo pworaldeyo oo pworapwolorodeyo tooro a'mwo pwolluro pasudo yodowo'jure tovino dodoluwosupinorogano. “Oo a'mwo akaigwol toro toro yodowodekono.” Su toro adodoluwosupi tov kuudo youromapinogaikikono. Oo yogalo su tov nebal'nodo'mdeyo. Kuudo youromapinogaikikono.” Su toro sakwollungikokwono.
Yogalo su tovino kavlo tov arokwono. Krais tool yiuwi'nokai a'mwo abolo pwolno puru'monodo tonyu gamoro sugudo ton yasuwa'no uumwodeyodowodekono. Sugudo su tonyuda'ai pun arogano. A'mwo pworai kuurotokwe imo'nyo'mo womdo tov wiyodowodekono. Aki pworai Gooti toolluro yogalo tokwe a'mwo abolo tonyu kuurokado moruudomollo'moneyokwe womdo tov wiyodowodekono. Aki pworai gamoro kuuguudo sugudo tokwe a'mwo abolo tonyu modomollo'moneyokwe womdo tov wiyodowodekono. Aki pworai Gooti toolluro a'mwo abolo tonyu moduvomwallo'moneyokwe womdo tov wiyodowodekono. Aki pworai ibwasokwe imo'nyo'mo womdo tov wiyodowodekono.
Aki Jisas Krais kwol kuruv gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval kemi nokwo ikubwemwalonekono. Jisas Kraisol Gooti toolluno kuu'maiyo toru'no pi'mwono dodoluwosodowodekono. Aki Jisas Kraisol yiuwi'nokai me'no bolodupudo tooravuro aiyo aiko te dukaiyo'moneyokwe tov kwolda'ai amollubworosokaikono. Toro tool yiuwi'nokai kwako akavida'ai a'mwo aguto kig mido mollomwalokwe tooravuro Agutekono. Jisas Kraisol nemino kalo buuropino winyuno sumaiyokwe gamoro mujako abwoloka tokwe nemi ma'no ma'no pasudo tonyuda'ai me'no abomollurolovonekumokalokwokaikono.
Toro kweku kuruv agwapto kwa'mguda'ai tovino'gwowi a'mwo abolo Juu tooravuro miyawosunodupudo tonyu me'no kwingiko torukono. Toro tovino tov agwapto kwa'mguda'ai su tovi yamjiko tokwe majagilbinono. A'mwo abolo Juu tooravuro miyawosunodupudo su ton Gooti toolluro wagwolago Jeruusalem tovi suvlo nyulomavekupinogano. Toro ilomavekuropi molo kwipi toga uuwolovopi mido mollomwalmwalpinogano. Mido mollomwalo su tov 42-pela lobako toorai momjomwekovla'mwalpinogano. 42-pela lobako su tooro iruko 1,260 tollovogano.
Toro tooral kuuguudo tokwe kuu'maiyo toru'no moruudodo'bule toga buuruko tov nowo'jokwe sulugumdo tovi kudo'aiko wuullukullo'moneyokwe jurogudo tov kurukweyorakono. Aki toro tooral wonyo togai'aro wonyo buugo togai'aro tonyu yiuno mujakuumwiyo to'no imo'noneyokweyo'mo jurogudo tov kurukweyorakono. Aki toro tooral yiuwi'nokai a'mwo abolo kwako akavi mwalodupudo tonyu buro'nyo buro'nyo toga nobolluwuulo go'no go'nodo togai kaiyako igollo'mo kwinbullu kuruv jurogudo kurukweyorakono.
Toro te ibesa'aiyo kaiya'no kuumwiyo su tool gavnokweyolluno ilomoropunyo'moneyokwe yogalo togai'aro aki Gooti toollu bwolomorumwogapiyo'moneyokwe yogalo togai'aro amoruujajukekono. Su toro moruudoduke toga Gooti tool nokwo wonyapino to'no sajukekono. Ibesa'aiyo kaiya'no kuumwiyo su tool gavnokweyol mido mollomwalmwallunyo'moneyokwe Gooti tool 42-pela lobako tobuullu nokwo wonyapino to'no sajukekono.
Ensel toro anyudoka toollu ilomoropiyo'moneyokwe nuu gamoro suvlo dolago tomuu kwolomuulo'naronyugono. Toro wolomuulo'na'dore kuvi kuruv ensel su tool aro anyudokaikono. “Guu mino milomonuwopiyabinono. Nuu kwonyu kuruv guvuge'aro gumoro avaiwomdokwe tekwojogai'aro toorekulbusuko Gooti toolluro womdo tovi aval'no wiyodumdekwonyugono. Gumoro avaiwomdokwe su tooro Jisasolluro yogalo kuu'maiyo toru'no me'no adodoluwosajuko su tovi gudupola'dupudorogano. Toro te kevu yiuwi'nokai toorekul yiuno Gooti toolluno to'no neya julomoropiyogaulo.” Su tov aro tovinokwono. Proofet yogalo tonyuro womdo aguto tov Jisasolluno kuu'maiyo neya adodoluwosopureyokwe tovinokwono.
Toruda'ai nuu sia kig bwotonyago tonyu kwononyugono. Sia kig su tonyu a'mwo abolo pun sulomwalopogano. A'mwo abolo su tonyu Gooti tool womdo wimovla'mwalpino'moneyokwe tov me'no kuubweyokaikono. Womdo su tov a'mwo abolo punyu kooti yogalo duuwiyopi jainyubwollo'moneyokweyokwono. Aki toruda'ai nuu a'mwo abolo pubuuravuro kuullo tonyu kwononyugono. Kuullo su ton Jisasolluno kuuguudo tokwe'aro Gooti toolluro yogalo tokwe'aro tovalluno kuu'maiyo toru dodoluwosodopure tobuurai ikomago pworo kemi boruko tonyu adovolugulapiyopogano. A'mwo abolo su tobuuro ibesa'aiyo kaiya'no kuumwiyo tooke'aro kwolbusuko kula'noka sokwolludapingiko tooke'aro toorallu milomoropiyajupogano. Aki ibesa'aiyo kaiya'no kuumwiyo su toolluro nojeso'moneyokwe puukwollo kuruv kemi yomo'mdeyo oo ato'mdeyo tonyu mamallajupogano. Toro te yiuwi'nokai me'no adovolugulapiyopo su tobuuro aiyo aiko te adukavopogano. Toro dukaino sumaveyokwe Krais tool aguto kig mido mollomwallo yoduke tooke womdo aval'no amjumovlavopogano. Womdo su tov wan tausen kworomo tobuullu momjumovla'mwalpinogano.
Գովազդներ