2 Timooti 4:21 - Gooti Toolluro Yogalokwono

²¹ Toro te lukuu'wuulo tov yere mimo'nodowo'jure toga guu numiyomno biyo'moneyokwe tovino womdo guureji neya jogawono. Yiubuloseke'aro Puudenseke'aro Lainoseke'aro Klaudiyakwe'aro aki yiuwi'nokai gumi jugwai'yago jo'mwo tonbusuko gujumo'nodupudo tobuurogai'aro ton gumi, “Ilaiyokwono,” adogwopiyamavo.

2 Timooti 4:21 Խաչաձեւ Հղումներ

Luuk 12:58

Puga a'mwo pwol gumi mojokuu'nagubweyo'moneyokwe kooti yogalo nodagubweyonekono. A'mwo su tool gumi mojokuu'nagubweyowo'ji a'mwo kooti yogalo tovi mido mollomwalokwe toolluro ato tovi nomagubweyonekugono. Toro magubweyowo'ji a'mwo kooti yogalo tovi mollomwalokwe su tool wuulo killo'mo ago tovi meragubweyo'moneyokwe a'mwo jumanyogudo toolluro ato tovi nomagubweyonekugono. Toro te gumi su toro nogujumo'no'jokwe tov kevu yiuwi'nokai toorakul kooti yogalo towai yere mabai'mo'bullu puuto tomuu kuuno avla'bullu toga guu jul'nyo su tovi yere neya yovo'dogalbullunorakikono.

1 Koorin 16:20

Aki akawaida'ai yiuwi'nokai Jisasolluro a'mwo abolo kemi avalo ikullumo'nodupudo kun kuruv “Ilaiyokwonoo” adekwopiyamapogano. Kevu Jisasolluro a'mwo abolo togaikul imgu amgu iru'mato sunpi toga kemi poowokalago togai wiyo'moneyokwe suuwado tonyu molluduuduulo neya duuwiyogaulo.

2 Koorin 13:13

Aki yiuwi'nokai Gooti toolluro a'mwo abolo akawaida'ai ton kemiyomno, “Ilaiyokwonoo,” adekwopiyamapogano.

Filipai 4:22

Aki yiuwi'nokai Gooti toolluro a'mwo abolo gabovo kun kuruv kemi, “Ilaiyokwono,” adekwopiyamavo. Aki Jisasolluro a'mwo abolo pun a'mwo aguto Sisa toolluro ago tovi womdo wiyodupudo kun kuruv kemi guureji muunyu toru'aro, “Ilaiyokwono,” adekwopiyamavo.

2 Timooti 1:4

Sumdomgu nuu gumi nogugollu'meyo'mo yodore toga guu kumdo adodekugono. Toro te nuu gumoro kumdaluko abwoloka su tovino aiko te kuudo you'movla'mdumdo tovino tov gumi gwonyo'mo nyunodowodonyugono. Nuu gumi me'no agwonmi toga ilaiyo bwotonyo tov moro poowokalago tovi noullo'mowopiyonokwono.

2 Timooti 4:13

Guu abubi toga moro nobwaiyo tokwe neya donumokabono. Nobwaiyo su tov wagwolago Troowasda'ai Karposolluro ago tovi kwoso su tov neya donumokabono. Aki moro buukiyo togai'aro donumokabono. Buukiyo su ton sipsip kulako tovida'ai sakwollungikogano. Toro tonyu mokabiyo'moneyokwe kuudo nyallulo'gwonbiyo.

2 Timooti 4:9

Guu Timootiyeku miyomno bubino'moneyokwe tovino anyunadopiyo. Toro te guu yere biyo'mo su tovino womdo guureji neya jogawono.

Taitos 3:12

Oo nuu dole'manollo yodowo'jure toga wagwolago Nikapooles tovi neya mwalmo tovino me'no adomdukuurosumwa'jonyugono. Toro tovino tov a'mwo nuuge amwakuuwo tooralluda'ai pwollu gumiyomno nomogwopiyamonyugono. A'mwo su tooralluno yovo tov Atemaseke Tikikoseke toorakono. Toro tooralluda'ai pwollu amogwopiyami su tool me'no aboguru'maro'ji toga guu wagwolago Nikapooles mwalodo'mure toonyomno bonyuru'mallo'mo yamju neya duuwiyoganono.

2 Joon 1:13

Oo abolo Gooti toolluro me'no ajesungiko tov gumi junabwiyago to'busukokwono. Aki Jisasolluro a'mwo abolo pun abolo su tovuro kwoloraiyo tobuurobusuko imo'nodupudogano. Toro tobuuro gumi, “Ilaiyokwono,” aguuwopiyamavo.

3 Joon 1:14

Nuu wobo toga gumi boguru'mallo'mo tovino sogwollo ainadokwono. Aki nuu kuvinono aboguru'ma'mi toga navu imgu amgu sumdomago tokwe yainyunowosi kuuguudo nokwo dosunonakono.