2 Koorin 3:7 - Gooti Toolluro Yogalokwono

⁷ Gooti tool Moosesollu loowo kwiyoka su tov aro nekuduuwallodowodokwono. Kevu nobolpinogaikikono. Toro nekuduuwallo'moneyokwe loowo su tovuro yogalo ton sulbweko tovallu puukwollo sokwollosungikokwono. Kuudo neya jaullulo. Loowo su tov, “Kevu nobolpinogaikikono,” nekujo'moneyokwe kuvi kuruv Gooti tool Moosesollu kwiyoka toga gamoro bako bwotonyo kurukwe'aro kwiyokaikono. Toro kwiyoka toga Moosesolluro sumdomago tovi bako su tov awopiyajukokwono. Aki Gooti toolluro bako bwotonyo pwopiyoduke su toga Isuraiyolda'ai a'mwo abolo ton Moosesolluro sumdomago tovi ku'nono mwonyajupogano. Lukomgu loowo tovuro bako bwotonyo su tov piyarupto imo'no'no me'no sovlavokakwono.

2 Koorin 3:7 Խաչաձեւ Հղումներ

Muuduko 3:21

To'no'gwowi Gooti Yawel Adameke teyaullu youro kanyulo puruval sokwolluwiropiyokaikono. Youro kanyulo su toval allu kuulolo tooravuro kulako tovida'ai dovelowiyoma'no sumaiyokwe sokwolluwiropiyokavakono.

Mollurolovomato 24:12

Toruda'ai Gooti Yawel Moosesollu aro kuudokaikono. “Guu muumuudo toollu miyomno ilabo'bi mino sogwollo bilainyunogawono. Toro bilainyunodo'bure toga nuu moro loowokwe sulbweko toval gujamonyugono. Loowo su ton a'mwo abolo tonyu yodubwaso'moneyokwe sulbweko tovallu sakwollo tov gujamonyugono.” Kuudokaikono.

Mollurolovomato 32:19

Toro wuujuno sumaiyokwe Moosesol woromollo'mo sel ago toru bwolai'movo'no abwoloonoka tov gool tovida'ai buulmokau taiyo kula'noka toolbusuko sokwolludapiyopo tooke'aro a'mwo abolo ton kworomo bomjojumoulodopure togai'aro tonyu bwoloonyuno sumaiyokwe surodo bwotonyo kuunokaikono. Toro tool Gooti toolluro loowokwe sulbweko toorallu muumuudo toolluro aiyowo'mo do'gwapiyo toru abwolmwogapiyokaikono. Toro te sulo su tooral abuudowopiyolorakono.

Mollurolovomato 34:1

Toruda'ai Gooti Yawel Moosesollu aro kuudokaikono. “Guu sumdomguda'ai loowokwe sulbweko toorallu kuumwogapiyodo toga me'no abuudowopiyolorakono. Toro te aga guu sulo su to kworalbusuko muuduko pworal luvomunyudovomaro'bi miyomno jokwollonumokabono. Toro sokwollonumokabi toorallu moro loowo ton aki aiko te yokwollusumonyugono.

Kuurotokwe 6:15

Toro soukuu'nuudopo tovi yiuwi'nokai kaunsel tooro Stivenollu kamwoga po'dogalo somuugonaroporogano. Toro yomuugona'no sumaveyokwe Stivenolluro sumdomago tov ensel pwolluro sumdomago pwopiyodowodo to'busuko yalo'noduke toollu kwonopekono.

Room 10:4

Nevu kuudo nyau'mwakuuwono. Krais tool nemi nekullo'mwojo'moneyokwe womdo tov me'no sopiyokaikono. Su toro sopiyoka toga loowo tovuro womdo tov abimwogapiyokakwono. Toro tovino tov aga'no'gwowi a'mwo abolo yiuno Krais toolluno kuudo kuubwepi ton Gooti toolluro sumdo tovi sugudo nokwo wimo'nupinogano.

Room 4:15

Kevu kuudo pun jaullulo. Loowo tov nonaguto'mno'juki a'mwo abolo ton loowo puvi dolago tomuu mamwalopi kisuvolo mipinogano. Toro kuvi kuruv Gooti toolluro loowo tono'gwowi nooso. Toro te a'mwo pwol loowo su tonyu kisuvolo so'ji toollu Gooti tool surodo wuunonekono.

Room 5:20

Toro kuvi kuruv a'mwo abolo ton kemi ma'no ma'nodo tonyuno neya yainyunpureyokwe Gooti tool gamoro loowo tov kwiyokaikono. Loowo kwiyoka su tovi me'no amaropo kuga kuruv ma'no ma'nodo tov bwotonyo mujumo'nugelabodowodokwono. Toro mujumo'nugelaboduke kuvi kuruv Gooti toolluro yasuwa'wino sugumaluko uubweyodowodo to'gwowi bwotonyo kuunodo mujumo'nugelabodowodokwono.

Room 7:10

Su toro toga aro kuudo sauronyugono. Oo nuu loowo tovuro dodowodo tonyu kuumjuno'mujuko'mno'juki aiyo yiunokuudo mujomwekovlaiyo'moneyokwe tovi amaro'mujukonyugono. Toro kuudo yau'dumdo kwonyu kuruv loowo tonyu ku'nono muumjunono aro kuudo souromaronyugono. Oo nuu ma'no ma'no kuumwiyo tekwonyu nobolmekwonyudeyo. Kuudo souromaronyugono. Loowo tov yiuno bolnodo'moneyokwe toru'no abomanyu'meyajukokwono.

Room 7:22

Aki moro poowokalago tovi Gooti toolluro loowo tovino ilaiyo nyunodowodonyugono.

Room 7:5

Sumdomgu nemoro kwako akavida'ai kuudo toorai kuumjungovlaiyajuuwo toga Gooti toolluro loowo tonyu kisuvolo sajuwonogano. Aki loowo su tonyu wuu'nodowado tonolluno tov nemoro suvlato togai ma'no ma'no yo'moneyokwe kuudo tooro nemoro poowokalago tovi aullo'movanekwopiyajuporogano. Toro kuullo'movanekwopiyodopure tovida'ai nemoro poowokalago ton me'no abollungopo to'no sumo'nyajupogano.

1 Koorin 13:10

Aga pwekwono pwekwonodo ton toro wo'dupudogano. Toro kuvi kuruv lukomgu kuunodo ton me'no sumo'nupi toga'no'gwowi agasuro pwekwono pwekwonodo su ton nyounopipinogano.

2 Koorin 3:3

Aki kevu aro tovino kuu'maiyo toru wuuduuwallodupudogaikikono. Kevu Krais toolluro pas sokwollopiyaboka to'busukogaikikono. Pas su tov nemoro ato tovi'aro sokwollopiyabokakwono. Pas su tov pen tokwe puukwollo sakwolloka'maiyo. Toro kuvi kuruv aiyo mujomwekovla'mdowodo Gooti toolluro Kuullo tooke to'gwowi sakwollokakwono. Aki pas su tov Moosesolluro loowo to'busuko sulbweko tousi puukwollo sakwolloka'maiyo. Toro kuvi kuruv a'mwo abolo tonyuro poowokalago tomuuno'gwowi me'no yokwollubweyodowodokwono.

2 Koorin 3:6

Toro te nevu gamoro jurogudo nekubweyodowo'jure tokwe subuu'yamju muuduko tovino kuuguudo to'gwowi nokwo moruudomollanonogano. Subuu'yamju muuduko su tov loowo tovida'ai puukwollo to'busuko sokwollopiyabingiko'maiyo. Toro kuvi kuruv Gooti toolluro Kuullo toolluda'ai abingikokwono. Kuudo neya jaullulo. Loowo tov a'mwo abolo tonyu romiyosodowodo kuvi kuruv Gooti toolluro Kuullo toolno'gwowi aiyo yiunokuudo mujomwekovlaiyo'moneyokwe tov wiyodowodekono.

2 Koorin 3:8

Toro tovino tov aga'no'gwowi Gooti tool gamoro Kuullo toollu'aro womdo kwiyo'ji su to'gwowi Gooti toolluro bako bwotonyo tovino guurejuno bomollolupto'nosonokwono. Bako su tov aiyogasuro bako kula'nyo Moosesollu awopiyajuko su tovi uuwolowo'ji Gooti toolluro jurogudo tovino kuu'maiyo bomollolupto'nosonokwono.

Galesiya 3:10

Neya duu'nyulo. A'mwo abolo pun aro kuudo yau'dupudogano. Oo nevu Moosesolluro loowo tovi kuumjuna'ji tomgu'aro Gooti toolluro sumdo tovi sugudo imo'nanonoldeyo. Yiuwi'nokai su toro kuudo yau'dupudo ton Gooti toolluro jul'nyogalo tovi dolago tomuu mwalodupudogano. Neya duu'nyulo. Gooti toolluro yogalo sakwollungiko puruv aro dodowodokwono. “A'mwo pwol Moosesolluro loowokwe buukiyo tonyuda'ai yiuwi'nokai yogalo judo'no judo'no sakwollungiko su tonyu ku'nono muumjuno'ji tov Gooti tool a'mwo su toollu kaiyako nyugolonekono.” Sakwollungikokwono.

Galesiya 3:21

Kuudo neya jaullulo. Moosesolluro loowo tokwe'aro Gooti toolluro subuu'yamju kwiyoka tokwe'aro toval ikomago minodubulovakono. Awiyo. Su tov aro tovinokwono. Nevu aiyo mujomwekovlaiyo'moneyokwe tov loowo puvi'aro mama'dowadonogano. Nevu aiyo mujomwekovlaiyo'moneyokwe tov loowo puvi'aro amarowa'jujuko'mno'juki loowo su to kuvi'aro a'mwo abolo ton Gooti toolluro sumdo tovi sugudo nokwo kwimo'nopujukogano. Toro kuvi kuruv loowo puvi'aro mama'dowadonogano.

Hibruu 12:18

Kevu kwako akavida'ai muumuudo pwol ato togai yowa'no uubogai'nyokwe pwollomno abumwakopogaikulmaiyo. Neya duu'nyulo. Aiyoga Isuraiyolda'ai ton muumuudo Sainai toollu wobo toru abopo toga duko bwotonyo noduke tovi kwonopogano. Aki sulu'wo dugumdo tov bwolobu'duvoloma'duke tovino tov dugumwuulo aimwonyopiyokakwono. Aki dolo bwotonyo tovi kwonopogano.

Hibruu 3:3

Toro te kevu neya duu'nyulo. A'mwo pworo ago punyuno ilomodomoropiyodapudo kuvi kuruv a'mwo ago su tovi amodo'ji toolluno yovo to'gwowi sulomodomoropiyapi su tovi nuuwolowonokwono. Su toro to'busuko kubalno a'mwo abolo pun Moosesolluno ilomodomoropiyodapudo kuvi kuruv Jisasolluno yovo tovi sulomodomoropiyapi su to'gwowi neya uuwolo'mwalonokwono.

Hibruu 9:4

Gooti Toolluro Pwekwapto Kuunodo su toru wobeya sudo kuunyokwe i'mujako tovi iroudapiyo'moneyokwe dukwagupto tokwe'aro subuu'yamjo'mo bookis tokwe'aro toval wo'dubulorukono. Bookis su tovuro yiuwi'nokai tomuu yiuno gool tokwe suropingikokwono. Aki soospen puruv bret mana tokwe surosungiko tov bookis su tovi anakuuto tomuu aullu'nallajukokwono. Aki Eroonolluro yodeko sodolokwe tokwe'aro aki Gooti toolluro subuu'yamju sokwollosungiko sulbweko tovake'aro su ton bookis tovi anakuuto tomuu aullu'nallajupogano.