1 Tesaloonaika 4:13 - Gooti Toolluro Yogalokwono

¹³ Nemi avalobuuravoo, a'mwo abolo pun Jisasolluno sogwollo mainodupudo su ton a'mwo abolo bolodopure tonyuno kalo'mo yopi kumdato deraunodupudogano. Toro kuvi kuruv kevu Jisasolluro a'mwo abolo togaikulno'gwowi kwa'mguda'ai su tonbusuko kumdato guureji nodumwalpiyo. Kevu Jisasolluro a'mwo abolo me'no bolodupudo tonyuno kuudo neya jouromarogaulo.

1 Tesaloonaika 4:13 Խաչաձեւ Հղումներ

Muuduko 37:35

Toro wo'duke toollu gamoro yiuwi'nokai kwolaiyo taiyo ton kalo dugoga wireyo'mo abuuru'mallajupogano. Toro buuru'ma'dopure kuvi kuruv Jekoopolluro kalo tovi dugoga mwireyajupogano. Toro tool aro kuujajukekono. “Awiyo, kanyu sa wo'dumdo tekwonyu kumdato mimwogapimonyugono. Yiuno abolmi tekwonyu a'mwo bolodupudo tooravuro tomuu moro muugunyo toollu kuuru'ma'mi toga'no kumdato tov imwogapimonyugono.” Kuujajukekono. Toro wuujuno yodowo gami kwolaiyo toolluno kumdato to'no ajajukekono.

Matyuu 27:52

Aki su toro toga a'mwo buuso pun kuusoda'mno sumaveyokwe Gooti toolluro a'mwo abolo bwotonyago me'no abollajupo tonyu Gooti tool aiyo aiko te amodukavokaikono.

Joon 11:24

Toro kuudoka tovi Martav kuudokakwono. “Nuu kuudo nyau'mwakono, aiyowo'mo toga yiuwi'nokai a'mwo abolo ton amjoduko'moulapi su toga nodukawonekono.”

Kuurotokwe 13:36

Su toro sakwollungiko tovino kevu neya duu'nyulo. Devitollu aro kwimo'nokaikono. Devitol aiyo kuuno mwaloduke toga Gooti toolluro womdo ton mujumovlavo'no abolokaikono. Toro aboloka toollu gami jukweyago toorai amolsosajupo avalo toru amolsosopekono. Toro toolluro kulako tov bwiyo yiunokuudo abuuropiyokakwono.

Kuurotokwe 7:60

Toro wuujuno sumaiyokwe Stivenol gami suduko tov inuguto'no'no aiyowo'mo deko guureji puruv aro adokaikono. “Mi Agutoloo, a'mwo ma'no ma'no sadokwopo akaraino kalo neya agujunono. Aki kemoro ma'no ma'nodo tovuro mubiyo tov nuubwebiyo.” Kuudokaikono. Toro wuujuno sumaiyokwe Stivenol yiuno'no abolokaikono.

Kuurotokwe 8:2

Aki a'mwo gabovo pworo Gooti toollu pi'mwono uumjunodupudorogano. Toro tooro Stivenolluro kulako aboloka tovi boma'no sumaveyokwe kumdato bwotonyo mojo'mno buuso tovi amolsosopekono.

Room 1:13

Miyobuuravoo, nuu kemino kuudo miyaikullulo'gwonodumdonyugono. Bwotonyago toga kemi bekuru'mallo'mo yodumdo kwonyu kuruv buro'nyo buro'nyodeyo pun nuumjuku'dupudonyugono. Nuu a'mwo abolo Juu toonolluro miyawosunodowado togai womdo yodore tovida'ai sulo pun me'no ai'nadokwopogano. Toro to'busuko kubalno kev kugaikul kuruv moro womdo ikullodo'mure tovida'ai sulo pun neya ai'nupureyokwe anyunadopiyo.

1 Koorin 10:1

Mi avalobuuravoo, nuvu kemi duudapi yogalo aro ikujo'mo anyunadopiyo. Nemi nellukweyago tonyu kwimo'noka tovino kevu kuudo nyallulo'gwonmwalpiyo. Aiyoga Moosesolluro togasuro yiuwi'nokai nemi nellukweyago ton Ijupda'ai bolokwino sumaveyokwe sulu'wo puruv su tonyu abu'duvolomallajukokwono. Gooti tool sulu'wo bu'duvoloma'duke su tovi'aro a'mwo abolo tonyu puuto tovi amollubworomokavlaiyajukekono. Toro mollubworomokovla'mno sumaiyokwe Soolwara Weyako tovi amoga'mokaulokaikono. Toro moga'mokaulno sumaiyokwe soolwara tovi igo'mgu sulomoga'movokaikono.

1 Koorin 12:1

Mi avalobuuravoo, Gooti toolluro yasuwa'wino judo'no judo'nodo tollovaino ikudumo'mokwono. Toro tollovai Gooti toolluro Kuullo tool marowo'ji ikullabodowodollovogano. Toro tollovaino kevu kuudo maiyokwe nyumo'numwalpiyo.

1 Koorin 15:6

Aki lukomgu nevuge avalo Jisasolluro a'mwo abolo pubuuro 500 tovi muunyu toru'aro tobuurai kwiyalo'nokaikono. A'mwo abolo kwiyalo'noka su tobuuravuro pun aga kuuno amwakovo. Toro kuvi kuruv pubuurono'gwowi me'no abolopogano.

2 Koorin 1:8

Miyobuuravoo, neya duu'nyulo. Nevu Esiya tomuu somollajuuwo toga tagunyo wuulo pworo amallajuwonogano. Kevu su toro tooraino kuudo nonagutokwe nyumo'numwalpiyo. Kuudo neya jaullulo. Tagunyo abaneki'meyajupo su tooro nemoro jurogudo tovi nekuuwolovo'mno bwotonyo imo'nodopure su toorai ku'nono mamokavlavowonogano. Toro toonol aro kuudo to'no saurowonogano. Oo nevu nobolanonoldeyo. Su toro kuudo to'no saurowonogano.

Efesos 2:12

Kevu a'mwo abolo gabovo togaikul kwa'mgu tomuu amwallajupo toga Krais tooke manyu tomuu'aro somuudeyomwallajupogaikikono. Aki toro togaikul Gooti toolluro a'mwo abolo Isuraiyol su tonyuda'ai mabodupudogaikikono. Aki Gooti toolluro subuu'yamju kwiyajuko kunyuno kuruv kuudo miyouromallajupogaikikono. Aki su toro toga kevu Gooti toolluro ikullo'mwojono tovino sogwollo mainyajupogaikikono. Aki su toro toga kevu kwako akavi mwalodupudo togaikul Gooti tooke wobo toru mamwallajupogaikikono. Su toro tonyuno kevu kuudo nyallulo'gwonmwalpiyo.

Efesos 2:3

Su toro to'busuko kubalno ne kunol kuruv sumdomgu nevnokwenolluro kulako tovuro winoduke tomgu'aro kuumjungovlaiyajuwonogano. Su toro kuumjungovlaiyajuuwo toga nevnokwenolluro kulako tonyu ilaiyo igollunyo'mo pasudo togai'aro kaiya'no kuudo toorogai'aro toorai kuumjungovlaiyajuwonogano. Su toro toga Gooti toolluro surodo wuunodowodo tov nemi wobo toru kwollajukokwono. Gooti tool yiuwi'nokai kwako akavida'ai a'mwo abolo ma'no ma'nodokwe tonyuno surodo wuunodowodekono. Su toro to'busuko kubalno sumdomgu ne kunolluno kuruv Gooti tool surodo aval'no kuunyajukekono.

1 Tesaloonaika 4:14

Nevu aro kuudo uubweyodowadonogano. Oo Jisasol bolo'no aiyo aiko te me'no adukavokaldeyo. Nevu su toro tovino kuudo me'no uubweyodowado tonol, “Nebalo'mdeyo,” dodowadonogano. Toro te a'mwo abolo Jisasolluno kuudo uubweyopi bolodupudo su tonyu Gooti tool lukomgu aki aiko te nomodukawonekono. Toro amodukawo'ji su tonyu Jisaseke muunyu kai'muuno nomokailawonekono.

1 Tesaloonaika 4:15

Aguto toolluda'ai yogalo bodowodo akav ikudumo'mokwono. Aguto tool aki aiko te kwolabwo'ji toga nevu punol aiyo kuuno amwala'ji tov Jisasollu sumdomgu yere muuru'maranonogano. Toro kuvi kuruv Krais toolluro a'mwo abolo me'no abollungopo ton a'mwo buuso tovi wo'dupudo su tono'gwowi sumdomgu kunda'ai ilapi wuuru'mapinogano.

1 Tesaloonaika 5:10

Nemi Aguto Krais Jisas su tool nemi nekullo'mwojo'moneyokwe abolokaikono. Toro tovino tov nevu aiyo kuuno amwala'jo'mdeyo oo a'mwo buuso tovi kwora'jo'mdeyo kuruv yiuno kweke aiyo kuuno mujomwekovla'mwalanonogano.

1 Tesaloonaika 5:6

Toro te nevu a'mwo abolo sa wo'dupudo punbusuko kubalno sa noo'mwala'jokwe wako neya au'nogawano. Aki kuudo po'dogalo tollovo yaurowa'ji nevnokwe tonol neya amollomwalnogawano.

2 Pita 3:4

Toro tooro aro dupinorogano. “Jisasol subuu'yamju adokaikono. Nuu aikomgu noulamonyugono. Gamoro subuu'yamju adoka su tov ku'nono mimo'nonokwono. Aiyoga nemi nellukweyago tooro abolopo togada'ai yiuwi'nokai Gooti toolluro sokwollosoka ton judo pumgu'aro mimo'nodupudogano. Yiuwi'nokai ton yiuno aval'no mujo'melabino mujo'melabino yodupudogano.” Su toro dopi kemi burekakwo me'naikwopipinorogano.

2 Pita 3:8

Kevu moro kalo buuropino nyunodowodo tobuurekul kavlo puru'monodo akavino kuudo nyallulo'gwonmwalpiyo. Kavlo su tov arokwono. Aguto toolluro sumdo tovi iruko pullugwonodo tollugwo wan tausen kworomo tobuulbusuko wimo'nodowodekono. Aki Aguto toolluro sumdo tovi wan tausen kworomo tobuul iruko yiuno pullugwonodo tollugwobusuko wimo'nodowodekono.