1 Koorin 15:9 - Gooti Toolluro Yogalokwono

⁹ Toro te yiuwi'nokai Jisasolluro a'mwo kuurotokwe gabovo tooro mi nuwolo'mdupudorogano. Aki mino, kuurotokweyoloo, nyudodupudo kuvi kuruv nuvnokwe tekwonyuro kuudo to'gwowi yovo aguto su tovino ku'nonodo'mekwonyumaiyo. Su tov aro tovinokwono. Nuvu Gooti toolluro mollu'bwoto tonyu kaiyako sugollajo tovinokwono.

1 Koorin 15:9 Խաչաձեւ Հղումներ

Kuurotokwe 8:3

Toro sopo kuvi kuruv Soololno'gwowi Jisasolluro mollu'bwoto tonyu romiyebuuropiyo'mo kwinokaikono. Toro tool a'mwo abolo su tobuuravuro ago go'no go'nodo tonyu kuulodawo aulogalomallajukekono. Toro kuulogaloma'dowo wuulo killo'mo ago tovi amerosajukekono.

1 Koorin 10:32

Aki Juu a'mwo abolo togai'aro Juu tooravuro miyawosunodupudo togai'aro Gooti toolluro mollu'bwoto togai'aro tonyu kevu kaiya'no puru'monodo kuruv nyugolmwalpiyo.

2 Koorin 11:5

Kuudo pun jaullulo. Kevu a'mwo su toro modekumollodupudo tooraino dodupudogaikikono. “Oo kuurotokwe agutovosoganoo.” Kevu su toro dodupudo kuvi kuruv nuvno'gwowi aro kuudo sau'mwakono. Nuu a'mwo su toorai kwako tomuu'aro miwapiyokwenyugono. Kuudo sau'mwakono.

2 Koorin 12:11

Nuu a'mwo kuudo maiyokwe pwolbusuko imo'nodumdo toonyu nuvnokwenyuno me'no aikudumokwono. Moro yogalo aikudumo tov aro tovinokwono. Kevu Gooti toolluro womdokwe toonyuno sulomonuwopiyapujuko'mno'juki ilaiyo sopujukogaikikono. Toro kuvi kuruv kevu milomonuwopiyodapudo tovino tov nuvnokwe tekwonyuno'gwowi neya ilomodomoropinamo'mokwono. Kuudo neya jaullulo. Nuu a'mwo yasuwa'no imo'nodumdo kwonyu kuruv a'mwo kuurotokwe aguto su tovoso mi ku'nono manuwolo'mdupudorogano.

Galesiya 1:13

Kevu moro aiyogasuro somjomwekovlaiyajo tovino me'no wuu'nodupudogaikikono. Aiyoga nuu Juu tooravuro lootuu tovi guureji kuumjunyajo toga Gooti toolluro mollu'bwoto tonyu kaiyako sugollajonyugono. Toro toonyu mollu'bwoto su tovi kaiyako mollounapiyo'mo womdo bwotonyo sajonyugono.

Galesiya 1:23

Mino tov a'mwo abolo punyuro puu'yogalo to'no dodopure tovida'ai aro kuu'nyajupogano. “Oo a'mwo nemi kaiyako sanekullugollajuko su tool muudu'nodo toga nemoro kuudo uubweyodowado tovi mollounapiyo'mo womdo sajukekono. Toro kwol kuruv aga'no'gwowi nemoro kuudo uubweyodowado su to kuvino moruudomollodowodekono.” Puu'yogalo su toro tovino to'no kuu'nyajupogano.

Filipai 3:6

Aki toro toonyu Gooti toolluro womdo tovi guureji wimovlaiyo'moneyokwe anyunyajuko tovino tov Jisasolluro mollu'bwoto tobuurai kaiyako bwotonyo sugollajonyugono. Aki a'mwo idopto'nodo imo'nyo'moneyokwe anyunyajuko tovino tov Moosesolluro loowo tonyu kuumjunyajonyugono. Toro toonyu a'mwo kaiya'nodomaiyokwe sumo'nyajonyugono.