1 Koorin 13:12 - Gooti Toolluro Yogalokwono

¹² Aki puruv aga nevu Gooti toollu yainyunyo po'dogalo miyalo'nodowodo tovibusuko ilaiyo neya mamuugona'dowadonogano. Toro kuvi kuruv lukomgu toga'no'gwowi Gooti toolluro sumdomago tovi ilaiyo to'no muugonarowa'ji imgu amgu nyainyunumwalanonogano. Su toro to'busuko kubalno aga nuvu kuudo yiuno pwekwonodo tekwojaino youroma'dumdonyugono. Toro kuvi kuruv lukomgu Gooti toollu me'no kuuru'ma'mi toga'no'gwowi Gooti tool mi yiunokuudo nuwonopiyodowodo to'busuko kubalno nuu kwonyu kuruv yiuwi'nokai kuudo tonyuno nyouroma'monyugono.

1 Koorin 13:12 Խաչաձեւ Հղումներ

1 Joon 3:2

Miyobuuravoo, Krais tool aikomgu yere mabiyalo'noduke akaga nemoro lukomgu nyumo'nano tov kuu'maiyo toru'no miyainyunyokwenogano. Toro kuvi kuruv aro kuudo me'no youroma'dowadonogano. Oo nevu Gooti toolluro kwoloraiyo me'no wimo'nodowadonoldeyo. Toro tonol lukomgu Krais tool kuvinono abiyalo'no'ji toga Krais su toollu yiuno'no noonanoldeyo. Aki nevu me'no kwona'ji su to kwolbusuko nyumo'numwalanonoldeyo. Su toro tovino kuudo me'no youroma'dowadonogano.

2 Koorin 3:18

Toro te Gooti tool nevu yiuwi'nokai Jisasolluro a'mwo abolo tonolluro sumdomago tovida'ai youro kudo'aiko nekulluku'dowodo su tovi me'no modosanekudukwopiyodowodonogano. Toro modosanekudukwopiyodowodo tonol Aguto toolluro bako bwotonyo tovi me'no wonodowadonogano. Toro tonol a'mwo abolo gabovo punyu bako su to'busuko pwopiyodowadonogano. Su tov nevu Jisasolbusuko imo'nano'moneyokwe Aguto toolluro Kuullo tool yiuwi'nokai toga mollumo'nanekubweyodowodonogano. Toro mollumo'nanekubweyoduke tovi'aro nevu Aguto su toolbusuko irol'mowosuno imo'nyokwenogano.

Filipai 3:12

Nuu aro maikujokwenyugono. “Oo nuu Krais toolbusuko yiunokuudo me'no imo'nopiyodumdonyugono. Aki nuu jurogudo yiunokuudo me'no gullopiyodumdonyugono.” Nuu su toro maikujokwenyugono. Toro kwonyu kuruv muudu'nodo toga Krais Jisasol gavnokweyollu kuunodo wimo'nyo'moneyokwe mi me'no anumarokaikono. Toro anumaroka su toolbusuko nuu jurogudo imo'nyo'mo tovino guurejuno movomjai'nodumdonyugono.

Adodolukuu'nosungiko 22:4

Gooti toolluro womdokwe su ton gamoro sumdomago tovi nomuugona'mwalpinogano. Aki gamino yovo tov kemoro yomo tonyu puukwollo sokwollubwengiko togai momjomwekovla'mwalpinogano.

Jems 1:23

A'mwo pwol Gooti toolluro yogalo tovi kuu'no'ji toga muu'nyubusuko to'no so'ji tool yovekurajo aka'busuko imo'nonekono. A'mwo pwol yainyunyo tokwe gavnokweyolluro sumdomago tovi yainyunonekono.

2 Koorin 5:7

Toro tonol noonyumwonyu muunyu kaimuuda'ai tonyu nemoro kwako akavida'ai sumdo togai bekonarowa'ji tomgu'aro yomjomwekovla'mdowadonolmaiyo. Toro kunol kuruv nemi Aguto toollu kuudo uubweyodowado tomgu'aro to'gwowi yomjomwekovla'mdowadonogano.

Matyuu 5:8

Aki a'mwo abolo pun kemi poowokalago me'no yal'mo'nodupudo su ton ilaiyo nokwo ipinogano. Su ton Gooti toollu yiuno'no noonpinogano.

1 Koorin 8:3

Toro kuvi kuruv a'mwo pwol Gooti toolluno kalo buuropino winodowodo su toolluno'gwowi Gooti tool me'no wonoma'dowodekono.

Room 8:18

Toro te nuu aro kuudo yau'dumdonyugono. Nemoro agasuro danyu'nyuwuulo ma'dowado su ton yiuno kula'nyekwojogano. Toro kuvi kuruv Gooti toolluro bako bwotonyo tovi kuulomwallo'moneyokwe nonekullabwono su to'gwowi aguto kuunodokwono. Su tov nemoro buro'nyo buro'nyo danyu'nyuwuulodeyo mujomo'melabodowado tonyu kuuwolo'mwallo.

Matyuu 18:10

Toro te kevu kwoloraiyo su tobuuraino biyolo noduu'mwojumwalpiyo. Su tovino aro ikudumo'mokwono. Muunyu kai'muuda'ai ensel pworo kwoloraiyo su tobuurai mollomwalodupudorogano. Ensel mollomwalodupudo su tooro moro Nyunumiyago muunyu kai'muuda'ai toolluro sumdomago toru yiuwi'nokai toga kuuloda'mdupudorogano. Toro tovino tov kevu kwoloraiyo su tobuuraino biyolo noduu'mwojumwalpiyo.”

Joon 10:15

Su toro to'busuko kubalno mi Nyunumiyago tool mino kuudo me'no yanuu'dowodekono. Aki nuu kwonyu kuruv mi Nyunumiyago su toolluno kuudo me'no youroma'dumdekono. Toro te nuvu sipsip toorai wiyo'mwojo'moneyokwe yogainaro'mi nuvnokwe toonyu bollo'moneyokwe wimonyugono.

1 Koorin 13:11

Su tov aro to'busukokwono. Nevu aiyoga kula'nyo amwallajuuwo toga nemoro kuuguudo ton kwoloraiyo tobuurobusuko ajajuwonogano. Aki nemoro kuudo kun kuruv kwoloraiyo tobuurobusuko yau'dowa ajainyubwollajuwonogano. Su toro sajuuwo kuvi kuruv aguto me'no agullowo toga'no'gwowi nemoro kwoloraiyo tonbusuko pasudo amjumelabiyajuuwo su tonyu me'no sumwogapiyowonogano.