1 Koorin 1:14 - Gooti Toolluro Yogalokwono

¹⁴ Nuu yiuwi'nokai togaikullu wonyo amogalaikuvollo'mujuko'mno'juki kevu bwotonyago togaikul aro adopujukogaikikono. “Oo nuu Poololluro yovo tovida'ai kuuvollunonyugono.” Su toro nokwo adopujukogaikikono. Toro kuvi kuruv nuvu kemida'ai a'mwo yiuno pworal tooralluno wonyo amogaluvollonyugono. A'mwo su tooralluno yovo tov Krisposeke Gaiyoseke toorakono. Toro tooralluno to'no amogaluvollo tovino nuu Gooti toollu, “Nenyoo,” wuudodumdonyugono.

1 Koorin 1:14 Խաչաձեւ Հղումներ

Kuurotokwe 10:48

Pital toro wuujuno sumaiyokwe a'mwo abolo su tobuurai aro aduuwiyokaikono. “Kevu Jisas Kraisolluno yovo tovida'ai wonyo buuvollunyulo.” Aduuwiyokaikono. Toro aduuwiyoka tovi a'mwo abolo tobuuro wonyo uuvolluno'mno Pitallu aro kuudoganopogano. “Guu nevuge iruko pubuul nokwo mwalanekudeyo?” Toro kuudoganopo tovi Pital a'mwo abolo su togai kuvinono amwalokaikono.

Kuurotokwe 18:8

Toro mwaloduke toga aro sumo'nokakwono. Juu tooravuro i'bwo'nyago tovi mido mollomwalokwe pwolluno yovo tov Krisposolekono. Toro tool Aguto Jisasolluno kuuguudo tovi wuu'no'no, “Oo nebalo'mdeyo,” juno sumaiyokwe kuudo kuubweyokaikono. Aki a'mwo su toolluro yiuwi'nokai julkwolaiyo kun kuruv Aguto Jisasolluno kuuguudo tovi wuu'no'mno kuudo kuubweyopogano. Aki wagwolago Koorinda'ai a'mwo abolo bwotonyago pun Poololluro kuuguudo yodubwasoduke tovi wuu'no'mno kuudo kuubweyopogano. Toro uubweno sumaveyokwe wonyo kuuvollunopogano.

Room 16:23

Aki Gaiyosol kemiyomno, “Ilaiyokwonoo,” aikwopiyamokaikono. A'mwo su tool gamoro ago tovi mi ilaiyo to'no mollonumwalodowodekono. Toro tool akawaida'ai yiuwi'nokai Jisasolluro mollu'bwoto kunyu kuruv mollomwalodowodekono. Aki Erastosol gamoro, “Ilaiyokwonoo,” tov kemiyomno aikwopiyamokaikono. A'mwo su tool wagwolago akavuro gavman nuugwiyo tonyu mollomwalodowodekono. Aki Jisasolluro a'mwo pwekwo nemi nellugwai'yago toolbusuko nekullumo'nodowodo Kwartosol kwol kuruv kemiyomno, “Ilaiyokwonoo,” aikwopiyamokaikono.

1 Koorin 1:15

Moro su toro wuudodumdo tov aro tovinokwono. Kevu aro madumwalpinogaikikono. “Oo nuvu Poololluro yovo tovida'ai wonyo kuuvollunonyugono.” Madumwalpinogaikikono.

1 Koorin 1:4

Gooti tool Krais Jisasollu'aro gamoro yasuwa'wino sugumaluko ton kemi me'no aikullabokaikono. Toro tovino tov nuvu kemino Gooti toollu, “Nenyoo,” subusu'nyogalo wuudodumdonyugono.

1 Koorin 14:18

Kevu yogaljo go'no go'nodo togai dodupudo kuvi kuruv nuvno'gwowi kemi ikuuwolo'mdum yogaljo go'no go'nodo bwotonyago togai dodumdonyugono. Su toro tovino mi Gooti toollu, “Nenyoo,” wuudodumdonyugono.

2 Koorin 2:14

Toro kuvi kuruv mi Gooti toollu, “Nenyoo,” wuujo'mo anyunadopiyo. Krais tool Satanyollu me'no kuuwolovokaikono. Nevu kunol kuruv Krais me'no uuguro'mwonyodowado toollu'aro kuuwolovowonogano. Toro te Gooti tool nevu Krais tooke me'no kuuwolo'nyuguuwo tonollu yiuwi'nokai toga mollubworonekumokavla'mdowodekono. Aki Gooti su tool nemi'aro Krais toolluno kuuguudo tov yiuwi'nokai tomuu juru'bworapiyodowodekono. Su tov yovekurajo aka'busukokwono. Wobeya sudo puruv yiuwi'nokai tomuu juru'bworopiyodowodo to'busuko kubalno Krais toolluno kuudo uubwemelabodupudo tov yiuwi'nokai tomuu bomje'nugoulodawodokwono.

Efesos 5:20

Aki yiuwi'nokai toga buro'nyo buro'nyodeyo kemi aikullumo'no'ji tonyuno nemi Aguto Jisas Kraisolluno yovo tovida'ai nemi Nellunumiyago Gooti toollu, “Nenoloo,” neya duudogaulo.

Kooloosi 3:15

Aki Krais tool gamoro sumwoluko kavo wosunyo'moneyokwe tov me'no ikullabodowodekono. Toro te sumwoluko kavo wosunyo'moneyokwe su tov kemoro poowokalago tonyu mido neya mollekumwalmwalonokwono. Aki Gooti tool kemi me'no adekumarokaikono. Su toro adekumaroka tov aro tovino'mokwono. Kevu kulako puru'monodo to'busuko imo'nodupudo togaikul sumwoluko kavo wosunyo'moneyokwe adekumarokaikono. Aki yiuwi'nokai toga Gooti toollu, “Nenoloo,” neya duudumovlavogaulo.

Kooloosi 3:17

Aki kevu buro'nyo buro'nyo yogalo jo'mo'mdeyo oo womdo yo'mo'mdeyo kemoro yiuwi'nokai amjumovlapi su ton yiuno Aguto Jisasolluro yovo tovi'aro neya domjumovlavogaulo. Aki Jisasollu'aro kevu gami Ganumiyago Gooti toollu, “Nenoloo,” nokwo wuudumovla'mwalpinogaikikono.

1 Tesaloonaika 5:18

Buro'nyo buro'nyodeyo pun aikullumo'no'ji kuga kuruv, “Nenoloo,” to'no subusu'nyogalo neya duudumovlavogaulo. Kevu Krais Jisasolluro a'mwo abolo wimo'nodupudo togaikul su toro neya mujumovla'mwapino'moneyokwe tovino Gooti tool winodowodekono.

1 Timooti 1:12

Nemi Aguto Krais Jisasol gamoro womdo akavi momjumovlaiyo'moneyokwe mino aro kuudo me'no souromarokaikono. Oo moro womdo tov nokwo uubwemwalmekono. Su toro kuudo me'no youronuma'no sumaiyokwe ajanubweyokaikono. Yo'no aki womdo su tovi momjumovlaiyo'moneyokwe jurogudo tov nubweyodowodekono. Toro tovino tov nuu, “Nenyoo,” wuudodumdonyugono.

Filemoon 1:4

Yiuwi'nokai toga Gooti tool gumi agujo'mwojogawoneyokwe tovino subusu'nyogalo wuudodumdonyugono. Aki su toro wuudodumdo toga mi Gooti toollu gumino, “Nenyoo,” wuudodumdonyugono.