Matiyo 23:29 - Hay halitá nin Diyos hay kawkanta boy kawkahalita-an (The New Testament Psalms and Proverbs)

^29-30 Hinalità et ni Apo Hisos, “Ka-i-ingaloy mangyari komoyon mawmangitorò nin kawkapanogo-an boy komoyon Pawparisiyo ta hikawo ay mawmagkakanwarì! Anggaw-en moyoy pawpantyon nin pawpropita ya pinati nin kawka-apo-apowan moyo, boy an-adornowan moyoy tinabon nin hatoy mangahampat ya tawtawoy pinati la, ya wamoyo, ‘No hikayi dayi ay tawoyna hin pana-on nin kawka-apo-apowan nawen ay agkayi naki-emen ha ginawà la ya namati.’

Matiyo 23:29 Խաչաձեւ Հղումներ

Matiyo 23:27

“Ka-i-ingaloy mangyari komoyon mawmangitorò nin kawkapanogo-an boy komoyon Pawparisiyo ta hikawo ay mawmagkakanwarì! Bilang kawo ha pantyon ya nilinisan ya likol ta pinapotì, balè ha lalè nin habayto ay poro bot-o nin tawoy nabolok.

Matiyo 23:28

Hikawo ay ombayro. Hay kahampatan ay an-ipakit moyon bongat ha tawtawo, piro hay nakem moyo ay pono-ponò pagkakanwarì boy kasalanan.”

Gawgawà 2:29

“Pawpatel ko,” wani Pidro, “dapat kon ipalinaw komoyon mahampat ya tongkol koni Arì Dabid ya ka-apo-apowan tamo. Nati ya biha intabon boy anggan hapa-eg ay angkakit tamoy tinabon na.