Kawkanta 119:131 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹³¹ Ha pagkahabek ko ha an-ipanogò mo, hiko ay kowinta ampan-aboh.

Kawkanta 119:131 Խաչաձեւ Հղումներ

Kawkanta 119:162

An-ikaliga koy pangakò mo nin bilang ha tawoy nakatompak nin kayamanan.

Kawkanta 119:174

Angkahabekan koy pangilibri mo, Pangino-on, boy an-ikaliga koy pawpanogò mo.

Kawkanta 119:20

Hiko ay pirmin ma-in ka-apehan nakem nin lalò matanda-an ya pawpanogò mo.

Kawkanta 119:40

Hay pawpanogò mo ay angkahabekan ko. Banà ha kahampatan mo ay bayowen moy biyay ko.

Kawkanta 42:1

No pangno nin angkahabek ya oyha nin minom nin malay-ep ya lanom hapà ay ombayro itaman ya pagkahabek ko komo, Diyos ko.

Kawkanta 81:10

Hiko ya Diyos ya Pangino-on moyo ya nangi-alih komoyo ha nasyon Ihipto; kayà kaganawan panganga-ilangan moyo ay igwà ko komoyo.

Hibriyo 12:14

Sikapen moyo nin mamiyay kawo nin mapagkasondò kawo nin kanayon. I-oboh moyoy kakayawan moyon mamiyay nin ayin kapintasan, ta hay tawoy ahè ampamiyay nin ayin kapintasan ay agna makit lano ya Pangino-on Diyos.

1 Pidro 2:2

Banà ta naranasan tamo ya kahampatan nin Pangino-on ay mahabek tamo nin bilang ha kolaw ya angkahabek ha gatas. Hay kahabekan tamo ay Mahampat ya Halità nin Diyos emen homkaw ya pantotompel tamo ya ampambi kontamo nin kalibriyan.