أيث-روما 9:4 - ثريفيث 2020

⁴ نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

أيث-روما 9:4 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:33

"صنّْطث إِ يِجّن ن ڒْمَعْنَا نّغْنِي. ئِجّن ن بَاب ن ثدَّارْث يࢲُّو اَضِيڒ ذݣ يِجّن ن ومَرْجع نّس. ئِنّض-اَس-د ڒْحِيض، ئِݣَّا ذَايس ثَسِيرْث وضِيڒ. ئِبْنَا ذَايس يجّن ن ثْسُوْمْعث إِ ڒْعَسّث. ئِݣَّا ذَايس يخمَّاسن يرُوْح يسَفَر.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

ڒخذايم 2:39

لِأَنَّا يُوْشَا-اَوم ڒْعَهذ إِ كنِّيو ذ ثَارْوَا نْوم ذ مَارَّا يِنِّي يݣّْوْجن، يعْنِي إِ مَارَّا يِنِّي إِي خف د غَا يڒَاغَا سِيذِي أَربِّـي."

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

أيث-روما 9:6

وَلَكِن، أَوَاڒ ن أَربِّـي مَا وَار ينْجِيح شَا؟ لَّا، ئِنْجح! فَا مَاشِي أَيث-إِسْرَائِيل قَاع إِݣ يدْجَان ذ يسْرَائِلِيْين ذ صَّح.

22 أيث-كورينث 11:22

مڒَا نِثْنِي ذ يعِيبْرَانِيْين، ؤُڒَا ذ نش ذ اَعِيبْرَانِي. مڒَا نِثْنِي زِي أَيث-إِسْرَائِيل، ؤُڒَا ذ نش ذ اَئِسْرَائِيلِي. مڒَا نِثْنِي ؤُسِين-د زِي ثَارْوَا ن بْرَاهِيم، ؤُڒَا ذ نش ؤُسِيغ-د زِي ثَارْوَا ن بْرَاهِيم.

أيث-ݣلاطيا 3:16

أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.

أيث-ؤفسوس 2:12

عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.

يعيبرانيين 9:1

ڒْعَهذ نِّي اَمزْوَارُو تُوْغَا غَارس شَان ن لْقَوَانِين ن لْعِبَادَا أُو ذ يجّن ن ومْشَان اَمْقدّس ذِي دُّنشْت-أَ.

يعيبرانيين 9:10

مَانَايَا غِير ذَايس شَان ن لْقَوَانِين ن شَّرِيعَا خ لْمَكْلَا ذ ثْسسِّي ذ ڒُوْضُو. لْقَوَانِين-أَ وَار دْجِين شَا خ وُوْڒَاون ن بْنَاذم، خدّْمن حتَّا ڒْوقْث ن ڒْعَهذ ذ جْذِيذ أُو صَافِي.

يعيبرانيين 9:3

ثُمَّا ذِنِّي يجّن ن اَرّْوَاق، غَار ذفَّار نّس ذِنِّي يج ن وخَّام وِيس ثْنَاين قَّارن-اَس <أَخَّام اَمْقدّس اَطَّاس.>

يعيبرانيين 9:5

ثَقبَّارْث ن تَابُوْت-أَ خَاس ثْنَاين ن لْمخْلُوْقَاث ن لْعَظَمَا ݣِّين اَم مُوْنِيكُوْث غَارْسن اَفْرِيون. ثِيڒِي ن وَافْرِيون نْسن ثْغطَّا ثَقبَّارْث-أَ ثَانِيتَا ن اَرَّاحْمث. وَلَكِن نشِّين ذِي ڒْوقْث-أَ وَار نْزمَّر أَ نْوصّف ثِمسْڒَايِين-أَ ثَا س ثَا.

يعيبرانيين 9:6

وَامِي سْوجْذن مَارَّا ثِمسْڒَايِين-أَ اَمُّو، تُوْغَا تَاذْفن ڒْفُقَهَا غَار وخَّام اَمزْوَارُو كُڒ نْهَار ذِي لْأَوْقَات نّس، تݣّن شّْغڒ نْسن.