أيث-روما 8:8 - ثريفيث 2020

⁸ أُو يِنِّي يتْطَاعَان إِ طَّبِيعَا ثَعفَّانْت نْسن وَار زمَّرن شَا اَذ سَارْضَان أَربِّـي.

أيث-روما 8:8 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:17

سّنِّي يڒَاغَا-د يجّن ن صُّوْت زݣ وجنَّا ينَّا-د: "وَا ذ ممِّي يعِيزّن، نش فَرّْحغ زَّايس."

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 8:29

ونِّي ذَايِي د يسّكّن اَقَاث اَكِذِي وَار ذَايِي يجِّي بُو وَاحْذِي مِينْزِي نش خدّْمغ ڒبْدَا مِين ذَاس يتعْجِيبن."

أيث-روما 1:21

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 7:32

فَا رزُّوْغ اَذ تِيڒِيم بْڒَا اَمْنُوْس. ونِّي وَار يمْڒِيشن شَا غَارس يجّن ن لْمُهِيمَا إِ شّْغڒ ن سِيذِيثْنغ، مَامّش غَا يݣّ اَخَاس يَارْضَا سِيذِيثْنغ.

أيث-فيليـپـي 4:18

طّْفغ ڒْمُوْنث ثكْمَاڒ زَّايْوم أُو كْتَار عَاذ. ثْذبَّرم-اَيِي-د مْلِيح وَامِي قبْڒغ زݣ وُوْمَاثْنغ پَـارْفُوْلِيتُس لْهَدِيَاث نِّي إِي ذَايِي د ثسّكّم. نِثنْتِي اَم يِجّن صّذْقث ثتْفُوْح ذ يِجّن ن دْبِيحث إِي غَا يقْبڒ أَربِّـي إِي ذَاس غَا يعجْبن.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 3:20

آي يحنْجِيرن، طَاعم إِ لْوَالِدِين نْوم ذِي مَارَّا ثِمسْڒَايِين مِينْزِي مَانَايَا يتْعجِيب-اَس إِ سِيذِي أَربِّـي.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.