أيث-روما 7:18 - ثريفيث 2020

¹⁸ نش طَّبِيعَا ثَعفَّانْت ينُو سّْنغ وَار ذَايس ثزْذِيغ ؤُڒَا ذ يجّن ن ثْمسْڒَايْث ذ ثَصبْحَانْت. لِأَنَّا رزُّوْغ اَذ ݣّغ ثِمسْڒَايِين ثِصبْحَانِين، وَلَكِن وَار زمَّرغ اَثنْت ݣّغ.

أيث-روما 7:18 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:19

ڒَاحقَّاش زݣ وُوْڒ إِي زِي د تكَّانْت لْأَفْكَار ثِعفَّانِين ذ ثْمنْغِيْوْث ذ زّْنَا ذ لْفَسَاد ذ ثُوْكَّارْذَا ذ ࢲُّوْر ذ ڒْبَاطڒ.

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

يوحنا 3:6

مِين يتْوَاخڒْقن زِي دَّات، نتَّاث ذ دَّات. مِين يتْوَاخڒْقن زِي أَرُّوْح ن أَربِّـي، نتَّا ذ أَرُّوْح.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 7:15

وَار سنْت تفْهِيمغ شَا إِ ڒخْذَايم ينُو لِأَنَّا نش وَار تݣّغ مِين خْسغ اَث ݣّغ، تݣّغ مِين تْعِيفِّيغ.

أيث-روما 7:19

ثِمسْڒَايِين نِّي ثِصبْحَانِين إِي تخْسغ اَثنْت ݣّغ وَار ثنْت تݣّغ شَا؛ لَّا، شَّرّْ نِّي إِي وَار تخْسغ اَث ݣّغ تݣّغ-ث.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-ݣلاطيا 5:17

لِأَنَّا مِين ثْرزُّو طَّبِيعَا ثَعفَّانْت نّغ نتَّا ضد ن مِين يرزُّو أَرُّوْح يقدّْسن. أُو اَمنِّي مِين يرزُّو أَرُّوْح يقدّْسن نتَّا ضد ن مِين ثْرزُّو طَّبِيعَا ثَعفَّانْت نّغ. تْعَارَّاضن إِ وَايَاوْيَا سّنِّي وَار تݣّم شَا ثِمسْڒَايِين-أَ إِي ثخْسم اَذ تݣّم.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-فيليـپـي 3:12

وَار يدْجِي شَا صَافِي طّْفغ مَارَّا ثِمسْڒَايِين نِّي نِغ صَافِي وَار ذَايِي بُو شَا ن ڒْعِيب؛ لَّا، نش عَاذ تْحَاوَاڒغ اَذ طّْفغ ثِمسْڒَايِين نِّي إِي زِي ذَايِي يطّف عِيْسَى لْمَسِيح.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

1 بطرس 4:2

خ مَانَايَا نْهُوْرَاث نِّي إِي ذَاوم يتْغِيمَان ذِي دَّات نْوم مَاشِي اَثن ثْسعْذُوْم عْلَاحْسَاب شّهَاوَاث ن بْنَاذم؛ لَّا، سعْذُوْم-ثن عْلَاحْسَاب ڒْخَاضَر ن أَربِّـي.