أيث-روما 6:4 - ثريفيث 2020

⁴ فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-روما 6:4 Խաչաձեւ Հղումներ

يوحنا 11:40

ينَّا-ٱس عِيْسَى: "يَاش نِّيغ-اَم، مڒَا ثُوْمْنذ اَذ تࢲرذ لْعَظَمَا ن أَربِّـي؟"

يوحنا 2:11

ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

أيث-روما 6:3

مَا وَار ثسِّينم شَا كنِّيو؟ نشِّين، وَامِي نتْوَاطهَّار س وَامَان حمَا أَ نِيڒِي ذ يجّن اَك لْمَسِيح، نتْوَاطهَّار اَكِذس حمَا أَ نْشَرْش ذِي ڒْموْث نّس.

أيث-روما 6:8

فَا مڒَا نمُّوْث نشِّين اَك لْمَسِيح، نْتَامن عَاوذ اَكِذس ندَّر.

أيث-روما 6:9

نشِّين نسّن قَا لْمَسِيح يكَّر-د زِي ڒْموْث، عمَّارْص اَذ يمّث عَاوذ. وَار تْغِيمِي ڒْموْث اَخَاس ثْحكّم.

أيث-روما 7:6

وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

1 أيث-كورينث 6:14

أَربِّـي س جّْهذ نّس يسكَّر-د سِيذِيثْنغ زِي ڒْموْث، أَذَانغ د يسكَّر زِي ڒْموْث ؤُڒَا ذ نشِّين.

22 أيث-كورينث 13:4

وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

أيث-كولوس 4:1

آي أَيثْبَاب ن يسمْغَان، ذبَّرم خَاسن خ يسمْغَان نْوم س مِين يدْجَان نِيشَان ذ ڒْحَقّ نْسن اَقَا كنِّيو ثسّْنم إِلَّا غَارْوم بَاب نْوم ذݣ وجنَّا.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.