أيث-روما 6:17 - ثريفيث 2020

^17-18 وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

أيث-روما 6:17 Խաչաձեւ Հղումներ

ڒخذايم 11:18

يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"

ڒخذايم 28:15

غَارْسن ڒخْبَار غَار اَيثْمَاثْنغ ذِي رُوْمَا نُوْسَا-د، فّْغن-د اَذَانغ د ڒْقَان حتَّا غَار سُّوْق ن وَابْيَان أُو حتَّا غَار ثْڒَاثَا ن ثُوْذْرِين ن يمْسَافَرن. وَامِي ثن يࢲْرَا بُوْلُس، ئِشكَّر أَربِّـي ئِتْوَاشجّع.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 1:8

ذ اَمزْوَارُو، تْشكَّرغ أَربِّـي خَاوم مَارَّا إِذْوم س يِيسم ن عِيْسَى لْمَسِيح ڒَاحقَّاش لإِيمَان نْوم اَرِّين-اَس-د ڒخْبَار ذِي دُّنشْت-أَ ثكْمَاڒ.

أيث-روما 15:18

شُوْف، زعْمغ اَذ سِّيوْڒغ غِير خ مِين يخدّم لْمَسِيح خ وفُوْس ينُو حمَا يِنِّي وَار يدْجِين شَا زِي أَيث-إِسْرَائِيل اَذ طَاعن إِ أَربِّـي س وَاوَاڒ ذ ڒخْذَايم ينُو،

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

1 أيث-كورينث 1:4

تْشكَّارغ أَربِّـي خَاوم ڒبْدَا خ اَرْضَا إِي ذَاوم يُوْشَا ذِي عِيْسَى لْمَسِيح.

1 أيث-كورينث 14:6

فَا ڒخُّو آي اَيثْمَا، مڒَا ؤُسِيغ-د غَارْوم سَّاوَاڒغ نش س لُّغَاث رُوْحِيَاث، مَان نّْفَع إِي زِي كنِّيو غَا نفْعغ إِلَّا مڒَا ؤُوِيغ-اَوم-د شَا ن لْوَاحِي نِغ شَا ن ثُوْسْنَا نِغ شَا ن وَاوَاڒ إِي عڒْمغ زِي أَربِّـي نِغ شَان ن تَّعْلِيم؟

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

أيث-ؤفسوس 1:16

تْشكَّرغ أَربِّـي خَاوم بْڒَا مَا ٱذ بدّغ أُو ڒبْدَا تْفكَّرغ ذَايْوم ذِي ثْࢲَادْجِيث ينُو.

1 أيث-سلونيك 3:9

مَامّش إِي غَا نݣّ أَ نْشكَّر أَربِّـي خَاوم؟! مشْحَاڒ ن ڒفْڒَاحث إِي غَارْنغ زَّاث إِ أَربِّـي عْلَاحْسَاب كنِّيو!

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

2 تيموتاوس 1:13

مثّل تَّعْلِيم نِّي نِيشَان إِي ثسْڒِيذ زَّايِي، أَكِذس إِي غَا يِيڒِي يجّن ن لْإِيمَان ذ يِجّن ن ڒمْحِبّث إِي يدْجَان ذِي عِيْسَى لْمَسِيح.

ثبرات غار فليمون 1:4

ڒبْدَا تْشكَّرغ أَربِّـي ينُو خْمِي تْفكَّرغ ذَايش ذِي ثْࢲَادْجِيث ينُو.

يعيبرانيين 11:8

س لْإِيمَان يكَّر نَّبِي بْرَاهِيم يطَاع-اَس إِ أَربِّـي وَامِي ذَاس د يڒَاغَا اَذ يرَاح غَار يِجّن ن ومْشَان إِي غَا يقْبڒ ذ لْوَارث. ئِفّغ نتَّا تُوْغَا وَار يسِّين شَا مَانِي غَا يرَاح.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

1 بطرس 3:1

آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.

1 بطرس 4:17

أَقَا ثُوْوض-د ڒْوقْث بَاش اَذ يبْذَا لْحِسَاب جَار اَيثْبَاب ن ثدَّارْث ن أَربِّـي. مڒَا اَذ يبْذَا لْحِسَاب-أَ جَارَانغ مِين غَا يوقْعن إِ يِنِّي وَار يتْطِيعِين شَا إِ لْإِنْجِيل ن أَربِّـي؟

2 يوحنا 1:4

نش فَرْحغ اَطَّاس وَامِي ؤُفِيغ زِي ثَارْوَا نّمْ يِنِّي يݣُّوْرن ذݣ ؤُبْرِيذ ن لْحَقِيقَا اَم مَامّش ذَانغ يوصَّا بَابَاثْنغ.

3 يوحنا 1:3

مِينْزِي نش فَرْحغ اَطَّاس وَامِي د ؤُسِين ڒبْعَاض ن وَاوْمَاثن شهْذن خَاك خ لْحَقِيقَا إِي ذَايش ذ مَامّش شك عَاذ ثݣُّوْرذ نِيْشَان ذِي لْحَقِيقَا.