أيث-روما 3:5 - ثريفيث 2020

⁵ فَا مڒَا ڒْبَاطڒ نّغ إِي نْتݣّ يسْمظْهَار-د ڒْحَقّ ن أَربِّـي، مِين غَا نِينِي؟ (نش سَّاوَاڒغ عْلَاحْسَاب لْفِكْرَا ن بْنَاذم.) أَربِّـي، مَا يضدْجم-اَنغ خْمِي ذَانغ يتْعَاقَاب؟

أيث-روما 3:5 Խաչաձեւ Հղումներ

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

أيث-ݣلاطيا 3:15

آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا، نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث.

1 أيث-كورينث 9:8

مَا قَّارغ مَانَايَا عْلَاحْسَاب اَرَّاي ن بْنَاذم وَاهَا؟ لَّا، عْلَاحْسَاب اَرَّاي ن شَّرِيعَا يقَّار كِيف-كِيف.

أيث-روما 7:7

إِيوَا مِين غَا نِينِي؟ مَا شَّرِيعَا ن مُوْسَى نتَّاث س يِيخف نّس ذ يجّن ن ڒْمُعْصِيّث؟ لَّا، عمَّارْص! مَعْلِيك شَّرِيعَا وَار ثدْجِي، أَتَاف وَار سِّينغ مِين ثعْنَا ڒْمُعْصِيّث. مَعْلِيك وَار ذَايس ڒُوْصِيّث نِّي <وَار عشّق>، أَتَاف وَار سِّينغ مِين يعْنَا وعشَّاق.

أيث-روما 4:1

إِيوَا مِين غَا نِينِي خ جدِّيثْنغ بْرَاهِيم؟ مِين ذَاس يوقْعن إِ نتَّا؟

أيث-روما 2:5

وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.

لواحي ن يوحنا 18:20

آي اَجنَّا، فَرح خ وهْذَام نّس، فَرْحم آ ڒْمُوْمِنِين صَّالِحِين ذ اَرُّسُل ذ لْأَنْبِيَا! أَقَا يحَاسب-يت أَربِّـي خ مِين ذَاوم ثݣَّا."

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

1 أيث-كورينث 15:32

نش مڒَا عْلَاحْسَاب ثِمسْڒَايِين ن دُّنشْت-أَ وَاهَا، مَايمِّي منْغغ اَك ڒُوْحُوْش ذِي ثنْدِينْت ن ؤُفَسُوْس؟ مِين غَا ربْحغ؟ ئِمتِّينن، مڒَا وَار د تْنكَّارن شَا زِي ڒْموْث، ئِي مَايمِّي؟ "يَالَّاه أَ نشّث أَ نسْوث، قَا ثِيوشَّا أَ نمّث."

أيث-روما 12:19

آي يمْعِيزّن ينُو، وَار تنْتَاقَامم زِي حَدّ، لْعِقَاب جّم-ث إ أَربِّـي. أَقَا لْكِتَاب يقَّار: <ذ نش إِݣ يتنْتَاقَامن، ذ نش إِݣ يتْخدْجَاسن، ئِقَّار-يت سِيذِي أَربِّـي.>

أيث-روما 6:1

إِيوَا، مِين غَا نِينِي؟ مَا أَ نْسِيغِي ذِي ڒْمُعْصِيَاث حمَا ٱذ يكْثَار اَرْضَا ن أَربِّـي؟

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

أيث-روما 3:7

يمْكن اَذ يِينِي شَان يِجّن: مْڒِي ڒْبَاطڒ ينُو نتَّا يسْمظْهَار-د مْلِيح لْحَقِيقَا ن أَربِّـي، مْڒِي زَّايس يتْمَارْنِي أَربِّـي ذِي لْعَظَمَا نّس، إِيوَا مَايمِّي ذَايِي غَا يحْسب ذ لْعَاصِي؟

أيث-روما 5:8

وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

أيث-روما 8:31

إِيوَا، مِين غَا نِينِي منْبَعْد إِ مَارَّا مَانَايَا؟ مڒَا أَربِّـي اَقَاث اَكِذْنغ، ؤُو يزمَّرن اَذ يِيڒِي ضد نّغ؟

أيث-روما 9:30

إِيوَا، مِين غَا نِينِي؟ يِنِّي وَار يدْجِين شَا زِي أَيث-إِسْرَائِيل تُوْغَا وَار رزُّوْن شَا صُّلْح اَك أَربِّـي، وَلَكِن ؤُفِين-ث وَامِي ؤُمْنن.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

22 أيث-كورينث 7:11

فكَّارث كنِّيو ذِي مِين ذَايْوم د يتَارو وخِيّق-أَ زِي أَربِّـي. يعْنِي مشْحَاڒ تْحَوَاڒم س وُوْڒ ثْرزُّوْم اَذ تْحلّم مَانَايَا ذغْيَا. يعْنِي مشْحَاڒ ثْندْمم مشْحَاڒ ثنْخڒْعم، ذَايْوم يجّن ن مزْڒِي ذ ثِيݣّْوْذِي. يعْنِي مشْحَاڒ ثسْوجْذم اَذ تْحكْمم نِيشَان. مِين مَا يدْجَان ذِي ثْمسْڒَايْث-أَ كنِّيو وَار ذَايْوم بُو ڒْعِيب.

أيث-ݣلاطيا 2:18

لْعَكْس، نش اَذ يڒِيغ ذ لْعَاصِي مڒَا بْنِيغ عَاوذ نِّظَام نِّي اَقْذِيم ن شَّرِيعَا إِي هذْمغ.