أيث-روما 3:27 - ثريفيث 2020

²⁷ إِيوَا مَا أَ نفْتَخر س شَان ڒْحَاجث؟ لَّا، ممْنُوْع! مَا ممْنُوْع س شَّرِيعَا، يعْنِي س لْحَسَانَاث؟ لَّا، س لإِيمَان!

أيث-روما 3:27 Խաչաձեւ Հղումներ

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

أيث-روما 10:5

شُوْف، مَامّش يدْجَا وبْرِيذ ن صُّلْح عْلَاحْسَاب شَّرِيعَا؟ يُوْرَا خَاس مُوْسَى ينَّا: مَارَّا وِي غَا يخذْمن س ثْمسْڒَايِين-أَ ثِيْنَا، أَتَاف اَزَّايْسنْت يعِيش.

أيث-روما 11:6

مڒَا يخْضَر-يثن س اَرْضَا نّس، أَتَاف ڒخُّو وَار يدْجِي شَا س لْحَسَانَاث نْسن. مڒَا مَاشِي اَمنِّي، أَتَاف اَرْضَا وَار يتِيڒِي بُو ذ اَرْضَا.

أيث-روما 2:17

إِيوَا شك، مڒَا ثْحسّْبذ يخف نّش ذ اَئِسْرَائِيلِي، تْرَاجِيذ زِي شَّرِيعَا، تفْتَخَارذ س لْعَلَاقَا نّش اَك أَربِّـي.

أيث-روما 2:23

شك يتفْتَخَارن زِي شَّرِيعَا، مَا وَار تْوقَّرذ شَا أَربِّـي خْمِي ثْعصِّيذ مِين ذَايس ذِي شَّرِيعَا ن مُوْسَى؟

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

أيث-روما 3:26

حمَا ٱذ د يسْمظْهَار ذِي زْمَان-أَ ڒْحَقّ نّس. لِأَنَّا أَربِّـي نتَّا نِيشَان إِݣ يدْجَا، نتَّا يسمْصْڒَاح اَكِذس ونِّي غَا يَامْنن زِي عِيْسَى.

أيث-روما 4:2

مَعْلِيك نتَّا يسمْصْڒَاح-يث أَربِّـي اَكِذس عْلَاحْسَاب ڒخْذَايم نّس، أَتَاف بْرَاهِيم غَارس ڒْحَقّ إِي زِي غَا يفْتَخر زݣ يِيخف نّس وَلَكِن زَّاث إِ أَربِّـي لَّا.

أيث-روما 7:21

فَلِهَذَا نش ؤُفِيغ ذݣ يِيخف ينُو يجّن ن طَّبِيعَا، يعْنِي خْمِي تخْسغ اَذ ݣّغ شَان ثْمسْڒَايْث ذ ثَصبْحَانْت، ؤُفِيغ ذِنِّي شَّرّْ يُوْذس.

أيث-روما 7:23

وَلَكِن تَافغ يجّن ن طَّبِيعَا نّغْنِي ذݣ يخف ينُو إِݣ يتْمنْغَان اَكذ مِين غَارِي ذِي ڒَعْقڒ ينُو. س طَّبِيعَا-يَا تقّن-اَيِي ڒْمُعْصِيّث نِّي إِي ذَايِي يزدّْغن ذݣ يِيخف ينُو.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

أيث-روما 9:11

ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.

أيث-روما 9:31

أَيث-إِسْرَائِيل وَامِي رزُّوْن يجّن ن شَّرِيعَا يتِيشّن صُّلْح اَك أَربِّـي، وَار ؤُفِين شَا شَّرِيعَا نِّي.

أيث-روما 9:32

مَايمِّي؟ لِأَنَّا تُوْغَا رزُّوْن صُّلْح نِّي س ڒخْدَايم نْسن وَاهَا بْڒَا مَا ٱذ اَمْنن. نْقڒْظن ذݣ وزْرُو نِّي إِي ذِي تْنقْڒَاظن يِوْذَان.

1 أيث-كورينث 4:7

شك، وِي ش يسْشنْعن خ ونّغْنِي؟ كُڒ ڒْحَاجث إِي غَارك ثمُّوْش-اَش نِغ لَّا؟ ئِي شك، وَامِي يمُّوْش-اَش مَانَاينِّي مَايمِّي تفْتَخَرذ اَخْمِي وَار ذَاش يمُّوْش شَا؟

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-ݣلاطيا 3:22

وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.