أيث-روما 2:14 - ثريفيث 2020

¹⁴ أُو ذ صَّح، يِنِّي وَار يدْجِين شَا زِي أَيث-إِسْرَائِل وَار غَارْسن شَا شَّرِيعَا، مَعْلِيك تݣّن اَرَّاي س نِّيْيث نْسن مِين ذَايس ذِي شَّرِيعَا ن مُوْسَى، أَتَاف نِثْنِي اَذ يڒِين ذ شَّرِيعَا س يِيخف نْسن وَاخَّا وَار غَارْسن شَا شَّرِيعَا ن مُوْسَى.

أيث-روما 2:14 Խաչաձեւ Հղումներ

ڒخذايم 10:35

أَربِّـي يقبّڒ يوْذَان زِي مْكُڒ ڒْݣنْس يِنِّي إِي ث يتݣّْوْذن تݣّن مِين يدْجَان نِيشَان.

ڒخذايم 14:16

ذِي زْمَانَاث يعْذُوْن، أَربِّـي يجَّا مَارَّا ڒݣْنُوْس اَذ ذْفَارن يبْرِيذن إِي خْسن.

ڒخذايم 17:30

مَانَايَا أَربِّـي وَار ت يُوْوِي شَا ذِي زْمَان ن ڒقْفَاڒث، وَلَكِن ڒخُّو يُوْمَر مَارَّا يوْذَان ذِي مْكُڒ اَمْشَان بَاش اَذ تُوْبن.

أيث-روما 1:32

وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 2:12

شُوْف، مَارَّا يِنِّي يعصَّان نِثْنِي وَار غَارْسن تِيڒِي بُو شَّرِيعَا، أَتَاف اَذ فْنَان بْڒَا شَّرِيعَا. وَلَكِن يِنِّي يعصَّان اَتَاف غَارْسن شَّرِيعَا، أَذ تْوَاحَاكْمن عْلَاحْسَاب شَّرِيعَا نِّي.

أيث-روما 2:15

يِيْنَا سظْهَارن-د بلِّي مِين يُوْرِين ذِي شَّرِيعَا اَقَاث غَارْسن يُوْرَا ذݣ وُوْڒَاون نْسن. ڒَعْقُوْڒَاث نْسن إِي زِي صَحّن مَانَايَا، ضَّمِير نْسن يعدْجم-اَسن خْمِي تݣَّن مِين يدْجَان ذ اَصبْحَان نِغ ذ مِين يدْجَان وَار يحْڒِين.

أيث-روما 2:27

يعْنِي ونِّي يخدّْمن س مِين ذَايس ذِي شَّرِيعَا ن مُوْسَى، وَاخَّا وَار يݣِّي شَا طَّهَارث ذِي دَّات، أَخَاش يحْكم شك إِي غَار يدْجَا لْكِتَاب نِّي ذ طَّهَارث. مَايمِّي؟ لِأَنَّا شك ثْعصِّيذ شَّرِيعَا.

1 أيث-كورينث 11:14

يَاك دُّنشْت-أَ س يِيخف نّس ثْسڒْمَاذ-يكنِّيو، أَرْيَاز مڒَا يجَّا اَشوَّاف ذ اَزيْرَار ذ ڒْعِيب نِغ لَّا؟

1 أيث-كورينث 9:21

أَرِّيغ يخف ينُو اَم يِجّن وَار غَارس ثدْجِي شَا شَّرِيعَا ن مُوْسَى غَار يِنِّي وَار غَارْسن ثدْجِي شَا شَّرِيعَا ن مُوْسَى بَاش اَتَاف اَثن ربْحغ (وَاخَّا نش وَار دْجِيغ شَا بْڒَا شَّرِيعَا ن أَربِّـي، ثْحكّم خَافِي شَّرِيعَا ن لْمَسِيح).

أيث-ؤفسوس 2:12

عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.