أيث-روما 15:5 - ثريفيث 2020

⁵ أَربِّـي يعْنِي ونِّي يتِيشّن صّْبَر يتْشجَّاع-يكنِّيو، أَتَاف اَكنِّيو يسْمُوْن حمَا اَذ تِيڒِيم ذ يجّن خْمِي ثْذفَّارم عِيْسَى لْمَسِيح،

أيث-روما 15:5 Խաչաձեւ Հղումներ

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

أيث-فيليـپـي 4:2

تتَّارغ إِ سُوْيْثْمَاثْنغ ثُوْدْيَا ذ ثِينْتِيشْيَا بَاش اَذ يِيڒِي اَرَّاي نْسنْت ذ يجّن اَك سِيذِيثْنغ.

أيث-فيليـپـي 2:2

أَتَاف يتْخصَّا اَذ تْكمّْڒم إِ ڒفْرَاحث ينُو اَغَارْوم يِيڒِي اَرَّاي ذ يجّن ذ ڒمْحِبّث ذ يشْتن، كنِّيو اَذ تِيڒِيم ذ يجّن اَغَارْوم ثِيڒِي يجّن ن لْفِكْرَا.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

2 بطرس 3:15

حسْبم صّْبَر ن سِيذِيثْنغ نتَّا اَم يِجّن ن ڒْحَاجث إِي كنِّيو يسنْجَامن. ذ مَانَايَا إِي ذَاوم د يُوْرَا ؤُمَاثْنغ يعِيزّن بُوْلُس س ڒفْهَامث إِي ذَاس د يمُّوْشن.

أيث-فيليـپـي 3:16

وَلَكِن مِين نسّن عَاذ نِيشَان لَابُد اَذَايس نطّف مْلِيح.

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

2 بطرس 3:9

سِيذِيثْنغ وَار يذْقِيڒ شَا اَذ يسخْذم لْوَعد نّس اَم مَامّش إِي ذَاسن يتْغِيڒ إِ يِوْذَان. لَّا، نتَّا يصبَّر اَكِذْوم وَار يخس شَا ؤُڒَا ذ يجّن زَّايْوم اَذ يفْنَا، يرزُّو مَارَّا يوْذَان اَذ تُوْبن.

أيث-روما 15:3

لِأَنَّا لْمَسِيح وَار يݣِّي شَا مِين ذَاس يتعْجِيبن إِ يِيخف نّس، يݣَّا مَامّش يقّار لْكِتَاب: <ڒْبَاطڒ إِي خَاش نَّان يفْضح-اَيِي.>

1 بطرس 3:20

مَايمِّي؟ لِأَنَّا مشْحَاڒ زݣ وَامِي ذِي زْمَان ن نُوْح ؤُݣِين يِوْذَان-أَ اَذ ݣّن اَرَّاي إِ أَربِّـي وَامِي ثن تُوْغَا يتْرَاجَا س صّْبَر يتْصنَّاع اَغَرَّابُو ن نُوْح. ذݣ وغرَّابُو-يَا ذْرُوْسْت ن يِوْذَان ثْمنْيَا وَاهَا كِّين خ وَامَان نِّي نجْمن.

22 أيث-كورينث 7:6

وَلَكِن أَربِّـي، يعْنِى ونِّي يتْعَاوَانن يِنِّي يتْخيَّاقن يعَاون-اَنغ س ومَاثْنغ تِيتُوْس وَامِي د يُوْسَا.