أيث-روما 14:19 - ثريفيث 2020

¹⁹ إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 14:19 Խաչաձեւ Հղումներ

أيث-ؤفسوس 4:29

وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-روما 12:18

عْلَاحْسَاب كنِّيو، مڒَا مُمْكن ݣّث اَذ تِيڒِيم ذِي ڒهْنَا اَك يِوْذَان مَارَّا.

أيث-روما 15:2

مْكُڒ يجّن زَّايْنغ يتْخصَّا-يَاس اَخَاس يَارْضَا وَاجَّار نّس اَكِذس يݣّ ڒْخِير حمَا اَذ يجْهذ.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

مرقس 9:50

ڒمْڒح ثْصدْجَاح، وَلَكِن مڒَا يرُوْح-اَس لْمَذَاق نّس، مَامْش ذَاس غَا نݣّ اَذَاس ثِيذ نَرّ؟ أَغَارْوم ثِيڒِي ڒمْڒح ذِي نّفْس نْوم، ئِڒِيم ذِي ڒهْنَا اَك وَايَاوْيَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

1 بطرس 3:11

ئِتْخصَّا اَذ يݣّْوج خ شَّرّْ اَذ يݣّ ڒْخِير، أَذ يرْزُو خ سَّلَام اَث يذْفَار.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

1 أيث-كورينث 7:15

إِنَّمَا، ونِّي نِغ ثنِّي وَار يُوْمِينن شَا مڒَا يسْمح، صَافِي اَذ يسْمح. يعْنِي ڒْمُوْمن-أَ ذ ڒْمُوْمنَا-يَا غَارْسن لْحُرِّيَا س ظُرُوْف-أَ لِأَنَّا يڒَاغَا-يَاوم-د أَربِّـي اَذ تْعِيشم ذِي ڒهْنَا.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

1 أيث-كورينث 10:23

مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين تسْتنْفَاعنْت. مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين اَذَانغ سْجهْذنْت.

1 أيث-كورينث 14:3

وَلَكِن ونِّي يسَّاوَاڒن اَك يِوْذَان س مِين يعْڒم زِي أَربِّـي اَتَاف يسَّاوَاض-اَسن يجّن ن وَاوَاڒ بَاش اَذ تْوَاجهّْذن اَذ تْوَاشجّْعن اَذ تْوَاصبَّرن.

1 أيث-كورينث 14:4

ونِّي يسَّاوَاڒن س لُّغَا رُوْحِيَا يسْتنْفَاع يخف نّس. ونِّي يسَّاوَاڒن س مِين يعْڒم زِي أَربِّـي يسْتنْفَاع جْمَاعث ن ڒْمُوْمِنِين.

1 أيث-كورينث 14:5

إِيوَا خْسغ مَارَّا كنِّيو اَذ تسِّيوْڒم س لُّغَاث رُوْحِيَاث، وَلَكِن مْلِيح عَاذ اَذ تسِّيوْڒم س وَاوَاڒن إِي ثْعڒْمم زِي أَربِّـي. ونِّي يسَّاوَاڒن س وَاوَاڒ إِݣ يعْڒم زِي أَربِّـي نتَّا يمْغَر خ ونِّي يسَّاوَاڒن س لُّغَاث رُوْحِيَاث، إِلَّا مڒَا شَان يِجّن اَذ يسْتَرْجم حمَا اَذ يسْتنْفع جْمَاعث ن ڒْمُوْمِنِين.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.