أيث-روما 13:11 - ثريفيث 2020

¹¹ مَايمِّي مَانَايَا؟ كنِّيو ثسّْنم مَان ڒْوقْث إِي ذِي ندْجَا نشِّين. ثُوْوض-د ثْسَعَّات حمَا اَذ تْفَاقم زݣ يِيضص. لِأَنَّا ثْسَعَّات-أَ إِي ذِي غَا ننْجم ڒخُّو اَقَا ثْقَارّب-د كْتَار زِي ثنِّي إِي ذِي نُوْمن ذ اَمزْوَارُو.

أيث-روما 13:11 Խաչաձեւ Հղումներ

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>

1 أيث-كورينث 15:34

أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

لواحي ن يوحنا 22:20

ئِقَّار عِيْسَى يعْنِي ونِّي يخبَّرن خ ثْمسْڒَايِين-أَ: "وَاه، نش أَقَا ؤُسِيغ-د وَار تْعطَّاڒغ شا!" آمِين، أَرَاح-د آ سِيذِيثْنغ عِيْسَى.

لوقا 21:28

خْمِي غَا يبْذَا اَذ يوْقع مَانَايَا، بدّث سْݣَعّذث اَزدْجِيف نْوم مِينْزِي عْڒَاين اَذ تْنجْمم."

لواحي ن يوحنا 22:12

ئِنَّا عِيْسَى: "نش اَقَا ؤُسِيغ-د وَار تْعطَّاڒغ شَا! أَذ د اَوِيغ تخْڒِيسث، أَذ جَازِيغ كُڒ يجّن عْلَاحْسَاب ڒخْذَايم نّس.

1 أيث-كورينث 10:11

وقْعنْت-اَسن ثِمسْڒَايِين-أَ ذ يجّن ن لْعِبْرَا إِ نشِّين. زمّْمن-ثنْت حمَا اَزَّايْسنْت نڒْمذ نشِّين، يعْنِي خضْڒنْت-يد خَانغ اَڒ ونݣَّارُو-يَا ن زْمَانَاث.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:3

غَار ڒفْجَر ثقَّارم: نْهَارَا اَذ يِيڒِي ونْࢲَار ذ وَاجَّاج ڒَاحقَّاش اَجنَّا ذ اَزݣّْوَاغ ذَايس اَسيْنُو ذ اَبرْشَان. لْحَالَا ن وجنَّا ثسّْنم اَت تْشرّْحم. وَلَكِن لْعَالَامَاث ن زْمَان-أَ لَّا، وَار ثْزمَّرم اَثنْت تْشرّْحم.

ثبرات غار يعقوب 5:8

ؤُڒَا ذ كنِّيو صْبَارث شجّْعث يخف نْوم مِينْزِي سِيذِيثْنغ عْڒَاين اَذ د يعْقب.

2 بطرس 3:9

سِيذِيثْنغ وَار يذْقِيڒ شَا اَذ يسخْذم لْوَعد نّس اَم مَامّش إِي ذَاسن يتْغِيڒ إِ يِوْذَان. لَّا، نتَّا يصبَّر اَكِذْوم وَار يخس شَا ؤُڒَا ذ يجّن زَّايْوم اَذ يفْنَا، يرزُّو مَارَّا يوْذَان اَذ تُوْبن.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي

1 يوحنا 2:18

آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

لواحي ن يوحنا 1:3

سَّعْذ ن ونِّي إِي غَا يغَرن اَوَاڒن ن لْوَاحِي-يَا. سَّعْذ ن يِنِّي عَاوذ إِي غَا يصنّْطن إِ مِين يُوْرِين ذِي لْكِتَاب-أَ اَزَّايس ݣّن اَرَّاي ڒَاحقَّاش ڒْوقْث ثْقَارّب-د.

لواحي ن يوحنا 22:10

ينَّا-ٱيِي: "وَار سْنُوْفَّر شَا اَوَاڒن-أَ ن لْوَاحِي ذِي لْكِتَاب-أَ، ڒَاحقَّاش ڒْوقْث ثُوْذس-د.