أيث-روما 12:18 - ثريفيث 2020

¹⁸ عْلَاحْسَاب كنِّيو، مڒَا مُمْكن ݣّث اَذ تِيڒِيم ذِي ڒهْنَا اَك يِوْذَان مَارَّا.

أيث-روما 12:18 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:24

اجّ دْبِيحث نِّي ذِنِّي غَار ڒْمذْبَح، رُوْح ذ اَمزْوَارُو اَذ تْصڒْحذ اَك وُوْمَاش. عَاذ إِي د غَا ثْذوْڒذ اَذ تْقدّْمذ دْبِيحث نّش إِ أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:5

سَّعْذ نْسن إِ يِنِّي يدْجَان ذ دْرَاوش، أَقَا اَذ وَرْثن دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

مرقس 9:50

ڒمْڒح ثْصدْجَاح، وَلَكِن مڒَا يرُوْح-اَس لْمَذَاق نّس، مَامْش ذَاس غَا نݣّ اَذَاس ثِيذ نَرّ؟ أَغَارْوم ثِيڒِي ڒمْڒح ذِي نّفْس نْوم، ئِڒِيم ذِي ڒهْنَا اَك وَايَاوْيَا."

أيث-روما 1:15

س مَانَايَا نش رزُّوْغ اَطَّاس اَكنِّيو بشَّرغ س لْإِنْجِيل ؤُڒَا ذ كنِّيو إِي يدْجَان ذِي ثنْدِينْت ن رُوْمَا.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

1 أيث-كورينث 7:15

إِنَّمَا، ونِّي نِغ ثنِّي وَار يُوْمِينن شَا مڒَا يسْمح، صَافِي اَذ يسْمح. يعْنِي ڒْمُوْمن-أَ ذ ڒْمُوْمنَا-يَا غَارْسن لْحُرِّيَا س ظُرُوْف-أَ لِأَنَّا يڒَاغَا-يَاوم-د أَربِّـي اَذ تْعِيشم ذِي ڒهْنَا.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 4:3

ݣّث مَارَّا لْمجْهُوْد نْوم بَاش اَذ تِيڒِيم ذ يجّن ذِي أَرُّوْح يقدّْسن وَامِي ثطّْفم فُوْس ذݣ وفُوْس س ڒهْنَا.

1 أيث-سلونيك 5:13

ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

1 بطرس 3:11

ئِتْخصَّا اَذ يݣّْوج خ شَّرّْ اَذ يݣّ ڒْخِير، أَذ يرْزُو خ سَّلَام اَث يذْفَار.