أيث-روما 12:17 - ثريفيث 2020

¹⁷ وَار تَارَّام شَا شَّرّْ س شَّرّْ. أَرّم-د ڒْبَڒ نْوم بَاش اَذ تحْتَرْمم مَارَّا يوْذَان ذِي مِين تݣّم.

أيث-روما 12:17 Խաչաձեւ Հղումներ

1 أيث-سلونيك 5:15

أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:39

وَلَكِن نش قَّارغ-اَوم: وَار تْعَارَّاضم شَا إِ ونِّي يدْجَان ذ اَعفَّان. ونِّي ش غَا يسقّْڒن غَار وغمْبُوْب جِّهث ثَفُوْسِيث ذوَّاڒ-اَس جِّهث نّغْنِي.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

أيث-روما 12:19

آي يمْعِيزّن ينُو، وَار تنْتَاقَامم زِي حَدّ، لْعِقَاب جّم-ث إ أَربِّـي. أَقَا لْكِتَاب يقَّار: <ذ نش إِݣ يتنْتَاقَامن، ذ نش إِݣ يتْخدْجَاسن، ئِقَّار-يت سِيذِي أَربِّـي.>

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

1 أيث-سلونيك 5:22

أَݣّْوْجث خ مَارَّا مِين يدْجَان ذ اَعفَّان.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

أيث-كولوس 4:5

عِيشث س ڒفْهَامث اَك يِنِّي يدْجَان غَار بَارَّا نْوم وَار يُوْمِينن شَا، سْتَغلَّام ڒْوقْث نْوم مْلِيح.

أيث-روما 14:16

أَمنِّي وَار تجَّام شَا يِوْذَان اَذ سِّيوْڒن شَّرّْ خ مِين تْوَاڒِيم ذ اَصبْحَان.

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

1 أيث-سلونيك 4:12

حمَا اَذ تُوْيُوْرم س لْمَعْقُوْل اَك يِنِّي غَار بَارَّا نْوم وَار يُوْمِينن شَا، وَار تحْذِيجِيم وَالُو زِي حَدّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:24

اجّ دْبِيحث نِّي ذِنِّي غَار ڒْمذْبَح، رُوْح ذ اَمزْوَارُو اَذ تْصڒْحذ اَك وُوْمَاش. عَاذ إِي د غَا ثْذوْڒذ اَذ تْقدّْمذ دْبِيحث نّش إِ أَربِّـي.