15 فَرْحث اَك يِنِّي يفَرّْحن، تْرُوْث اَك يِنِّي يتْرُوْن.
جِّيرَان نّس ذ ڒحْبَاب نّس فَرْحن اَكِذس وَامِي غَارْسن ڒخْبَار بلِّي سِيذ أَربِّـي يرْضَا خَاس اَطَّاس.
أَطَّاس ن يسْرَائِيلِيْين ؤُسِين-د غَار مَرْثَا ذ مَرْيَم حمَا اَثنْت عزَّان خ ومَاثْسنْت.
وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.
مڒَا شَان يِجّن يتْوَاعْدَّاب، أَذ تْوَاعدَّابن كُڒْشِي. مڒَا شَان يِجّن ثمُّوْش-اَس لْقِيمَا، أَكِذس فَرْحن مَارَّا.
مڒَا شَان يِجّن يضْعف، نش مَا وَار تضْعِيفغ شَا؟ مڒَا شَان يِجّن يتْوَاسُوْفغ زݣ وبْرِيذ، نش مَا وَار ذَايِي يتقّس شَا وُوْڒ ينُو؟
تُوْغَا ؤُرِيغ ثَبْرَات نِّي بَاش وَار ذَايِي تسْخيَّاقم شَا، رزُّوْغ اَخْمِي د غَا اَسغ غَارْوم أُو لَابُد اَذَايِي ثسْفَرْحم. مڒَا فَرْحغ اَذ يڒِيغ نش متْأَكّد اَذ تْفَرْحم ؤُڒَا ذ كنِّيو.
ئِتْوحَّاش-يكنِّيو اَطَّاس مَارَّا إِذْوم، ييْسِي خَاوم اَمْنُوْس عَاوذ وَامِي د ثَارِّيم ڒخْبَار تُوْغَا يهْڒش.
خ مَانَاينِّي اَذَاوم ثِيذ سّكّغ ڒخُّو ذ اَبْرِيذ بَاش اَذ تْفَرْحم خْمِي ث غَا ثࢲرم أُو عَاوذ وَار ذَايِي يتِيڒِي بُو ومْنُوْس.
خمّْمث ذݣ يمحْبَاس اَمشْنَاو كنِّيو إِي كِذْسن ثتْوَاحبّْسم ذ يِنِّي إِي خف تْبُوْصَارن اَمشْنَاو كنِّيو ثتْوَاعدَّابم.
