أيث-روما 11:25 - ثريفيث 2020

²⁵ آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 11:25 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

لوقا 21:24

أَثن نْغن س ڒسْيُوْف، أَثن اَوِين ذ يمحْبَاس غَار مَارَّا ڒݣْنُوْس. سّنِّي يِنِّي وَار يدْجِين شَا زِي أَيث-إِسْرَائِيل اَذ هذْمن لْقُدْس اَڒ غَا فْنَانْت لْأَوْقَات نْسن.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 11:12

ڒخُّو ڒْمُعْصِيّث نِّي إِي ݣِّين أَيث-إِسْرَائِيل مڒَا ثُوْوِي-د لْبَرَاكَا ذ ثَمقّْرَانْت إ دُّنشْت-أَ، أُو عَاوذ وطُّو نِّي إِي ݣِّين مڒَا يُوْوِي-د لْبَرَاكَا ذ ثَمقّْرَانْت إ يِنِّي وَار يدْجِين شَا زِي أَيث-إِسْرَائِيل، مشْحَاڒ غَا ثرْنِي لْبَرَاكَا خْمِي د غَا ذوْڒن غَار وبْرِيذ؟

أيث-روما 11:24

شُوْف، شك تْوَاقسّذ زݣ وزمُّوْر يعْنِي طَّبِيعَا نّش، سّنِّي تْوَاڒقّْمذ ذِي ثْزِيتُوْنْت يعْنِي مَاشِي طَّبِيعَا نّش. أُو نِثنْتِي، مشْحَاڒ يهْون اَذ تْوَاڒقّْمنْت يعْنِي ثِسضْوِين ن ثْزِيتُوْنْت اَذ تْوَاعقْبنْت غَار لْأَصل نْسنْت.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 9:18

فَلِهَذَا أَربِّـي يرحّم ونِّي يخس، ئِسْغَانَّان ونِّي يخس.

1 أيث-كورينث 10:1

شُوْف آي اَيثْمَا، وَار خْسغ شَا اَذ تتُّوْم بلِّي ڒجْذُوْذ نّغ تُوْغَاثن قَاعِين سْوَادَّاي إِ وسيْنُو نِّي يحطَّا-ثن. مَارَّا نِثْنِي ࢲْوَان غَار ؤُجمَّاض-ين ن ڒبْحَر اَزݣّْوَاغ.

1 أيث-كورينث 12:1

فَا اَمَّا لْقُدْرَاث رُوْحِيَاث. آي اَيثْمَا، وَار خْسغ شَا اَخَاسنْت تْقفَاڒم يخف نْوم.

1 أيث-كورينث 2:7

لَّا، نشِّين نسَّاوَاض يجّن ن ڒفْهَامث ذَايس ڒْمَعْنَا ينُوْفَّرن ن أَربِّـي ذ مِين يتْوَاسْنُوْفَّرن. ئِزمّم-يت أَربِّـي قْبڒ مَا ٱذ د ثخْڒق ڒْوقْث قَاع حمَا نشِّين أَ نتْوَاسمْغَار.

1 أيث-كورينث 4:1

شُوْف، أَمُّو يتْخصَّا اَذَانغ ࢲرن يِوْذَان يعْنِي نشِّين ذ يخدَّامن ن لْمَسِيح، نشِّين نتْكلَّاف خ ثْمسْڒَايِين ينُوْفَّرن ن أَربِّـي.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 3:9

عَاوذ بَاش اَذ سظْهَارغ مْلِيح إِ مَارَّا يوْذَان مِين يخطّط أَربِّـي ذِي ڒْمَعْنَا نِّي ينُوْفَّرن إِݣ يجَّا نتَّا ذݣ يِخف نّس ذِي زْمَانَاث يعْذُوْن أُو ذ نتَّا ذ لْخَالِق ن مَارَّا مِين يدْجَان ذ ثِمسْڒَايِين.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.

2 بطرس 3:8

آي يمْعِيزّن ينُو، وَار تتُّوْث شَا ثَمسْڒَايْث-أَ: سِيذِيثْنغ يحسّب يجّن ن نْهَار اَم وَاڒَاف ن يسݣّْوُوْسَا، ئِحسّب اَڒَاف ن يسݣّْوُوْسَا اَم يِجّن ن نْهَار.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 10:7

أَقَا ذِي نْهُوْرَاث نِّي خْمِي غَا ثْصُوْض لْمَلَائِكَا وِيس سبْعَا ذِي زَّمَّار نّس قَا صَافِي سِّرّ ن أَربِّـي يكمّڒ مَامّش ذَاسن ث يعَوذ إِ لْعِبَاد نّس لأَنْبِيَا."

لواحي ن يوحنا 11:15

ثكَّر لْمَلَائِكَا وِيس سبْعَا ثْصُوْض ذِي زَّمَّار نّس، أُوْشَا ثِمِيجَّاوِين ذݣ وجنَّا قَّارنْت س جّْهذ: "ئِذْوڒ ڒحْكَام ن دُّنشْت-أَ ذݣ يفَاسّن ن سِيذِي أَربِّـي نّغ ذ لْمَسِيح نّس، اَذ يحْكم إِ ڒبْدَا ن ڒبْدَاث."

لواحي ن يوحنا 7:9

منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.