أيث-روما 11:20 - ثريفيث 2020

²⁰ وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ!

أيث-روما 11:20 Խաչաձեւ Հղումներ

لوقا 18:14

أَذَاوم ينِيغ: ونِّي يجمّْعن ضَّرِيبَا يذْوڒ غَار ثدَّارْث نّس مْلِيح يمصْڒَاح اَك أَربِّـي، اَفَرِّيسِي نِّي لَّا. مِينْزِي ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزَاين يخف نّس، أَتَاف اَذ يِيڒِي ذ اَمقّْرَان."

ڒخذايم 18:6

وَامِي بْذَان تْعَارَّاضن-اَس تْبُوْصَارن خَاس، ئِمْسح اَرُّوْض نّس اَم يِجّن ن شْهَاذث خَاسن ينَّا-ٱسن: "ئِذَامّن نْوم خ يِيڒَاون نْوم، قَا نش تْبرِّيغ اَزدْجِيف ينُو زَّايْوم. سَّا ٱڒ ثْسَاونْت اَذ رَاحغ غَار يِنِّي وَار يدْجِين شَا زِي أَيث-إِسْرَائِيل."

أيث-روما 11:18

وَلَكِن وَار تْسمْغَار شَا يخف نّش خ ڒفْرُوْع نِّي يتْوَاقسّن. مَايمِّي؟ وَار تتُّو شَا بلِّي ذ يࢲوْرَان نِّي إِي شك ييْسِين، وَار يدْجِي بُو ذ شك إِي ثن ييْسِين.

أيث-روما 11:21

إِيوَا، مڒَا أَربِّـي تُوْغَا وَار يحِينّ شَا ذِي ڒفْرُوْع ن لْأَصل، ؤُڒَا ذ شك وَار ذَايك يتْحِينِّي شَا.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

1 أيث-كورينث 10:12

س مَانَايَا ونِّي ؤُمِي يتْغِيڒ-اَس قَا يبدّ وَار يوطِّي شَا، ئِتْخصَّا-يَاس اَذ د يَارّ ڒْبَاڒ نّس.

1 أيث-كورينث 15:1

فَا آي أَيثْمَا اَكنِّيو سْفكَّرغ خ لْإِنْجِيل إِي زِي كنِّيو بشَّرغ، يعْنِي نتَّا ثْقبْڒم-ث أُو مْتبْثِين خَاس.

1 أيث-كورينث 16:13

إِڒِيث عْلَابَال، بدّث نِيشَان ذِي لْإِيمَان، إِڒِيث ذ يرْيَازن، إِڒِيث ثْجهْذم.

22 أيث-كورينث 1:24

لِأَنَّا وَار يدْجِي بُو نتْحكّم خ لْإِيمَان نْوم؛ لَّا، نْخدّم اَكِذْوم بَاش اَذ تْفَرْحم. أَقَا س لْإِيمَان نْوم إِي ثْبدَّام نِيشَان.

22 أيث-كورينث 10:5

نتْرزَّا اَوَاڒن ذ كُڒ اَرَّاي إِي ذِي يدْجَا تَّكبُّر إِݣ يتْعَارَّاضن إِ مِين نسّن خ أَربِّـي. نْحبّس كُڒ لْفِكْرَا حمَا اَتَاف اَذ تْطَاع إِ لْمَسِيح.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

يعيبرانيين 3:12

آي اَيثْمَا، حْضَام يخف نْوم بَاش ؤُڒَا ذ يجّن زَّايْوم وَار غَارس يتِيڒِي وُوْڒ ذ اَبرْشَان نِغ وَار ذَايس يتِيڒِي بُو لْإِيمَان بَاش وَار يتْبعِّيذ شَا نتَّا خ أَربِّـي يدَّرن.

يعيبرانيين 3:19

إِيوَا نشِّين نتْوَاڒَا بلِّي تُوْغَا وَار زمَّرن شَا اَذ اَذْفن ذِي أَرَّاحث ن سِيذِي أَربِّـي مِينْزِي ؤُݣِين اَذ اَمْنن.

يعيبرانيين 4:11

إِذن وَا لَابُد أَ نݣّ لْمجْهُوْد نّغ بَاش أَ نَاذف ذِي اَرَّاحث نِّي حمَا ؤُڒَا ذ يجّن وَار يوطِّي ذِي نّفْس ن ڒْمُعْصِيّث.

يعيبرانيين 4:6

إِذن عَاذ قِّيمن ڒبْعَاض ن يِوْذَان اَذ اَذْفن ذِي اَرَّاحث-أَ ن سِيذِي أَربِّـي، يِنِّي يتْوَابشَّرن زِي قْبڒ وَار ؤُذِيفن شَا ذِنِّي لِأَنَّا وَار ؤُمِينن شَا.

ثبرات غار يعقوب 2:19

شك تَامْنذ بلِّي أَربِّـي نتَّا ذ يجّن؟ إِيوَا مْلِيح، وَلَكِن ؤُڒَا ذ شَّيَاطِين تَامْنن س مَانَاينِّي ترْجِيجِين.

ثبرات غار يعقوب 4:6

وَلَكِن نتَّا يَرْنِي-يَانغ-د اَرْضَا زَّايس. س مَانَايَا يقَّار لْكِتَاب: <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

1 بطرس 1:17

مڒَا ثقَّارم-اَس "آ بَابَا" إِ ونِّي يتحْسَابن ڒخْذَايم ن كُڒ بْنَاذم بْڒَا ؤُذمَاون اَتَاف يتْخصَّا اَذ تْعِيشم س يِجّن ن ثِيݣّْوْذِي اَخْمِي غَا ثْعزّْبم ذِي ثْمُوْرْث-أَ.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.

1 بطرس 5:9

عَرّْضم-اَس إِ إِبْڒِيس، بدّم نِيْشَان خ دْسَاس ن لْإِيمَان نْوم مِينْزِي ثسّْنم بلِّي أَيثْمَاثْوم ذِي مَارَّا دُّنشْت-أَ اَقَا تْوَاعدَّابن اَم كنِّيو.

لواحي ن يوحنا 18:7

مشْحَاڒ مَا ثْسمْغَار يخف نّس، مشْحَاڒ مَا ثْعِيش ذِي شّهْوث نّس، أَنشْتـنِّي إِي ت غَا ثْعدّْبم، أَنشْتـنِّي إِي ت غَا ثسْخيّْقم. لِأَنَّا نتَّاث ثقَّار ذݣ وُوڒ نّس: أَقَا قِّيمغ ذَا اَم لْمَلِكَا، نش وَار دْجِيغ شَا ذ ثَاجَّاڒْث، عمَّارْص أذ حزْنغ.

لواحي ن يوحنا 3:17

شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.