أيث-روما 1:6 - ثريفيث 2020

⁶ ؤُڒَا ذ كنِّيو زݣ يِنِّي يتْوَاخْضَرن اَذ تذْفَارم عِيْسَى لْمَسِيح.

أيث-روما 1:6 Խաչաձեւ Հղումներ

لواحي ن يوحنا 17:14

نِثْنِي اَذ حَارْبن يزْمَار وَلَكِن نتَّا اَثن يغْڒب؛ قَا نتَّا ذ مَوْلَانَا ن مَوْلَانَاث ذ أَزدْجِيذ ن يزدْجِيذن، يِنِّي إِي كِذس يدْجَان يڒَاغَا-يَاسن-د أَربِّـي يخْضَر-يثن، ذَايْسن يدْجَا ڒَامَان."

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 1:10

إِذن آي اَيثْمَا، ݣّث لْمجْهُوْد نْوم كْتَار عَاذ بَاش اَذ تْضمْنم اَڒَاغِي نّس غَارْوم بلِّي نتَّا يخْضَر-يكنِّيو. مڒَا ثݣِّيم ثِمسْڒَايِين-أَ، أَتَاف عمَّارْص اَذ د توْضَام.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

2 أيث-سلونيك 2:14

أَقَا يڒَاغَا-د خَاوم عْلَاحْسَاب إِ مَانَايَا س لْإِنْجِيل إِي نتْبشَّار بَاش اَذ تْشَرْشم ذِي لْعَظَمَا ن سِيذِيثْنغ عِيْسَى لْمَسِيح.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

أيث-كولوس 1:21

كنِّيو تُوْغَا قْبڒ تِݣّْوْجم خ أَربِّـي تْمنْغَام اَكِذس س ڒَعْقُوْڒَاث نْوم تݣّم ثِمسْڒَايِين ذ ثِعفَّانِين.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.