أيث-روما 1:29 - ثريفيث 2020

²⁹ نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

أيث-روما 1:29 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:32

وَلَكِن نش قَّارغ-اَوم: مَارَّا ونِّي غَا يدْجْفن إِ ثمْغَارْث نّس، نتَّاث وَار ثزْنِي شَا، أَتَاف يتَارَّا-ت ثزْنَا يعْنِي مڒَا ثْعَاوذ ڒمْڒَاش. ونِّي إِي غَا يمڒْشن اَك ثنِّي يدْجْفن، أَتَاف يزْنَا.

أيث-روما 3:10

مَامّش يقَّار لْكِتَاب: <وَار يدْجِي حَدّ نِيشَان، ؤُڒَا ذ يجّن.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

1 تيموتاوس 3:11

أَمنِّي عَاوذ ثِمْغَارِين يتْخصَّا اَذ يڒِينْت مْوقّرِينْت وَار ذَايْسنْت تِيڒِي شَا نَّمِيمَا اَذ حكّْمنْت خ يِيخف نْسنْت اَذَايْسنْت ثِيڒِي تِّقث ذِي مَارَّا ثِمسْڒَايِين.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.