21 وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.
ذ وَا ذ لْحُكم إِي خَاس غَا يِيڒِين: نُّوْر يُوْسَا-د غَار يِوْذَان، ئِوْذَان خْسن ثَادْجسْت حْسن زِي نُّوْر مِينْزِي تݣّن شَّرّْ.
بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.
أَقَا مِين زمَّرن يِوْذَان اَث سّْنن خ أَربِّـي يمظْهَار-اَسن-د، لِأَنَّا أَربِّـي نتَّا س يِيخف نّس إِي ذَاسن-ت-يد يسْمظْهَارن.
سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.
أَذ ضَرْغْڒنْت ثِيطَّاوِين نْسن حمَا وَار تْوِيڒِينْت، أَذ يڒِين يعُوْرَار نْسن ڒبْدَا ذ يمَاقوْسن.>
عَاوذ بَاش يِنِّي وَار يدْجِين شَا زِي أَيث-إِسْرَائِيل اَذ حمْذن أَربِّـي خ اَرَّحْمث نّس. مَامّش يقَّار لْكِتَاب: <س مَانَايَا إِي شك غَا حمْذغ جَار ڒݣْـنُوْس، أَذ غنّْجغ يزْڒَان إِ يِيسم نّش.>
قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،
أَقَا ثسّْنم كنِّيو س يِجّن ن لْفِدْيَا أَربِّـي يسُّوْفغ-يكنِّيو-د زݣ يِجّن ن ثُوْذَارْث ثخْوَا إِي ذَاوم يمُّوْشن زِي ڒجْذُوْذ نْوم، وَلَكِن لْفِدْيَا-يَا إِي خَاوم يخدْجس مَاشِي ذ شَان ن ڒْحَاجث اَم دّْهب نِغ اَم نُّقَارْث إِݣ يفنَّان.
فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.
ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."
آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."