أيث-روما 1:18 - ثريفيث 2020

¹⁸ فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

أيث-روما 1:18 Խաչաձեւ Հղումներ

أيث-روما 1:19

أَقَا مِين زمَّرن يِوْذَان اَث سّْنن خ أَربِّـي يمظْهَار-اَسن-د، لِأَنَّا أَربِّـي نتَّا س يِيخف نّس إِي ذَاسن-ت-يد يسْمظْهَارن.

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-روما 1:32

وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 2:3

آي اَرْيَاز، إِيوَا مِين تْفكَّرذ؟ مَا اَذ تْنجْمذ زِي لْعِقَاب ن أَربِّـي وَامِي تْعيَّابذ خ يِيْنَا أُو شك تݣّذ ثْمسْڒَايِين-أَ كِيف-كِيف اَم نِثْنِي؟

أيث-روما 3:9

إِيوَا نشِّين أَيث-إِسْرَائِيل، مَا لْحَالَا نّغ حْسن زݣ يِوذَان نّغْنِي؟ لَّا، عمَّارْص! ننَّا قْبڒ قَا أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل مَارَّا نݣَّا ڒْمُعْصِيّث.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-روما 5:6

فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا.

أيث-روما 5:9

إِذن، أَقَانغ بَرِيئين ڒخُّو س يذَامّن ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي.

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

أيث-كولوس 3:6

عْلَاحْسَاب ثِمسْڒَايِين-أَ إِي د غَا يَاسن نْهَار ن وغْضَاب ن أَربِّـي.

2 أيث-سلونيك 2:10

ذ مَارَّا يبْرِيذن ن شَّرّْ إِي زِي تْوَاشمَّاثن يِنِّي يفنَّان. نِثْنِي اَذ فْنَان مِينْزِي وَار قْبِيڒن شَا اَذ تخْسن لْحَقِيقَا بَاش اَثن يسنْجم أَربِّـي.

2 أيث-سلونيك 2:6

كنِّيو ثسّْنم مِين ث يتطّْفن عَاذ بَاش وَار د يتْمظْهَار شَا اَڒ د غَا يَاوض ڒْوقْث نّس نِيشَان.