لواحي ن يوحنا 8:12 - ثريفيث 2020

¹² ثكَّر لْمَلَائِكَا وِيس اَرْبعَا ثْصُوْض ذِي زَّمَّار نّس أُوْشَا تُلُث ن ثْفُوْشْت ذ ثْزِيرِي ذ يِيثْرَان تْوَاسنْهزّن حمَا تُلُث نِّي اَذ تِيڒِي ذ ثَادْجسْت، أَذ تنْقس يجّن ن تُلُث ن ثْفَاوْث ذِي نْهَار ؤُڒَا ذ دْجِيڒث.

لواحي ن يوحنا 8:12 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:29

منْبَعْد إِ تَمَارَا ن ڒِيَّام نِّي، ڒخْدّنِّي ثْفُوْشْت اَذ تذْوڒ ذ ثَادْجسْت، ثَزِيرِي وَار تِيشّ بُو ثْفَاوْث. ئِثْرَان اَذ د وْضَان زݣ وجنَّا، يِنِّي يجهْذن ذݣ وجنَّا اَثن يسنْهزّ أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:45

غَار ثنْعَاش ن ؤُزِيڒ ثهْوَا-د ثَادْجسْت خ ثْمُوْرْث اَمن-ثكْمَاڒ اَڒ وَامِي عْڒَاين ذ ثْڒَاثَا وعشِّي.

مرقس 13:24

منْبَعْد إِ تَمَارَا ن ڒِيَّام نِّي، ڒخْدّنِّي ثْفُوْشْت اَذ تذْوڒ ذ ثَادْجسْت، ثَزِيرِي وَار تِيشّ بُو ثْفَاوْث.

مرقس 15:33

غَار ثنْعَاش ؤُزِيڒ، ثهْوَا-د ثَادْجسْت خ ثْمُوْرْث اَمن-ثكْمَاڒ اَڒ وَامِي ذ ثْڒَاثَا وعشِّي.

لوقا 21:25

أَذ د مظْهَارنْت لْعَلَامَاث ذ ثِمقّْرَانِين ذِي ثْفُوْشْت ذ ثْزِيرِي ذ يِيثْرَان. ذِي ثْمُوْرْث، ڒݣْنُوْس اَذ يِيڒِي ذَايْسن اَمْنُوْس مِينْزِي وَار فْهِيمن شَا إِ سّْدَع ن ڒْمُوْجَاث ن ڒبْحَر.

ڒخذايم 2:20

ثْفُوْشْت اَذ تذْوڒ ذ ثَادْجسْت، ثَزِيرِي اَذ تذْوڒ ذ يذَامّن قْبڒ إِي د غَا يَاس نْهَار نِّي اَمقّْرَان لْعَضِيم ن سِيذِي أَربِّـي.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.

لواحي ن يوحنا 16:10

ثكَّر لْمَلَائِكَا وِيس خمْسَا ثْزدْجع ثِمجْمَارْث نّس خ لْعَرْش ن ڒْوَحْش ثهْوَا-د ثَادْجسْت خ لْممْلَكَا نّس. ئِوْذَان تْغࢲَّاࢲن يڒسَاون نْسن س ڒحْرِيق.

لواحي ن يوحنا 6:12

ࢲْرِيغ يزْمَار نِّي وَامِي يرْزم اَشمَّاع وِيس ستَّا، ڒخْدّنِّي يوْقع يجّن ن زِّنْزَال ذ اَمقّْرَان. ثْفُوْشْت ثذْوڒ ذ ثَبرْشَانْت اَم ڒفْحَم، ثَزِيرِي ثذْوڒ اَم يذَامّن.

لواحي ن يوحنا 9:15

أُوْشَا تْوَاضڒْقنْت-يد اَرْبعَا-يَا ن لْمَلَائِكَاث إِي تُوْغَا تْوَاسّوْجْذنْت إِ ثْسَعَّات-أَ ذ نْهَار-أَ ذ شْهَار-أَ ذ وسݣّْوَاس-أَ حمَا اَذ نْغنْت تُلُث ن يِوْذَان.

لواحي ن يوحنا 9:18

مُّوْثن تُلُث ن يِوْذَان س ثْڒَاثَا ن لْمُصِيبَاث-أَ يعْنِي س ثْمسِّي ذ دّخَّان ذ ڒكْبْرِيْيث إِي د يتفّْغن زݣ وقمُّوْم نْسن.