لواحي ن يوحنا 3:17 - ثريفيث 2020

¹⁷ شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.

لواحي ن يوحنا 3:17 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:3

"سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:12

ئِسْڒَا-يَاسن عِيْسَى ينَّا-ٱسن: "ئِوْذَان يصحَّان وَار تحْذِيجن بُو وضْبِيب، أَضْبِيب تحْذَاجن-ث يمهْرَاش.

لوقا 1:53

ئِسجِّيْون س ڒْخِير نّس يِنِّي يدْجُوْزن، ئِسّكّ تْوَاجَر س يفَاسّن نْسن خْوَان.

لوقا 6:24

وَلَكِن، يَا ڒفْضِيحث نْوم آ تْوَاجَر، مِينْزِي ثْعِيشم مِين ثْعِيشم.

أيث-روما 11:20

وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ!

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

أيث-روما 7:24

يَا ڒفْضِيحث ينُو نش! وِي ذَايِي غَا يسْنجْمن زِي دَّات-أَ ثَانِيتَا ن ڒْموْث؟

2 بطرس 1:9

قَا ونِّي ؤُمِي وَار ذِي دْجِينْت شَا ثِمسْڒَايِين-أَ، أَتَاف نتَّا وَار يتْوِيڒِي شَا مْلِيح غَار ڒݣّْوَاج قَا يتْوَاحْسَاب ذ اَذَرْغَاڒ اَتَاف عَاوذ يتتُّو بلِّي أَربِّـي يغْفَر-اَس ڒْمُعْصِيَاث نّس تُوْغَا يݣَّا زِي قْبڒ.

لواحي ن يوحنا 16:15

("صنّْطث، قَا نش اَذ د اَسغ اَم د يُوْسَا يج وشفَّار. سَّعْذ ن ونِّي إِي غَا يِيڒِين عْلَابَال اَذ يحْضَا اَرُّوْض نّس حمَا وَار يݣُّوْر شَا ذ اَعرْيَان اَذ ࢲرن يِوْذَان ثُوْعَرْيَنْت نّس.")

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 3:16

أَشك د عُوْقّغ زݣ وقمُّوْم ينُو، شك ثمْڒُوْذِيذ وَاهَا وَار ثحْمِيذ شَا وَار ثسْمِيضذ شَا.