لواحي ن يوحنا 12:1 - ثريفيث 2020

¹ ثْمظْهَار-د يجّن ن لْعَلَامَا ذݣ وجنَّا ذ ثَمقّْرَانْت، يعْنِي ثَمْغَارْث ثنّض-اَس-د ثْفُوْشْت، سْوَادَّاي يضَارن نّس ثَزِيرِي، خ وزدْجِيف نّس يجّن ن تَّاج ذَايس ثنْعَاش ن يِيثْرَان.

لواحي ن يوحنا 12:1 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:38

ڒبْعَاض ن يمْسڒْمَاذن ن شَّرِيعَا ذ ڒْحِزب ن يفَرِّيسِيْين نَّان-اَس إِ عِيْسَى: "آ لْمُعَلِّم، نخْس أَ نْࢲر يجّن ن لْعَلَامَا ذ ثَمقّْرَانْت زَّايك."

أَسڒْمذ ن سِيذِيثْنغ عِيْسَى لْكِتَاب ن مَتَّى 24:30

أُوْشَا اَذ تْمظْهَار لْعَلَامَا ن مِّيس ن بْنَاذم ذݣ وجنَّا، ڒخْدّنِّي إِي غَا حزْننْت مَارَّا ثِقبَّاڒ ن ثْمُوْرْث. أَذ ࢲرنْت مِّيس ن بْنَاذم يهوَّا-د ذݣ وسيْنُو ن وجنَّا س لْعَظَمَا ذ جّْهذ نّس يمْغَارن.

مرقس 13:25

ئِثْرَان اَذ د وْضَان زݣ وجنَّا، يِنِّي يجهْذن ذݣ وجنَّا اَثن يسنْهزّ أَربِّـي.

لوقا 21:11

أَذ يوْقع زِّنْزَال يمْغَر ذݣ وَاطَّاس ن يمُوشَان. أَذ يِيڒِي جُّوْع ذ ڒهْڒَاشَاث ذ وَاطَّاس ن ثْمسْڒَايِين يسَݣّْوَاذن، ذ لْعَلَامَاث ذ ثِمقّْرَانِين ذݣ وجنَّا.

لوقا 21:25

أَذ د مظْهَارنْت لْعَلَامَاث ذ ثِمقّْرَانِين ذِي ثْفُوْشْت ذ ثْزِيرِي ذ يِيثْرَان. ذِي ثْمُوْرْث، ڒݣْنُوْس اَذ يِيڒِي ذَايْسن اَمْنُوْس مِينْزِي وَار فْهِيمن شَا إِ سّْدَع ن ڒْمُوْجَاث ن ڒبْحَر.

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

ڒخذايم 2:19

أَذ ݣّغ ڒَعْجَايب ذݣ وجنَّا ذ لْعَلَامَاث ذِي ثْمُوْرْث، أَذ يڒِين يذَامّن ذ ثْمسِّي ذ وَاطَّاس ن دّخَّان.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-ݣلاطيا 3:27

لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس.

أيث-ݣلاطيا 4:26

وَلَكِن ثَنْدِينْت ن لْقُدْس إِي يدْجَان ذݣ وجنَّا اَقَات حُرّ، نتَّاث ذ يمَّاثْنغ.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-ؤفسوس 5:32

ذݣ وَاوَاڒ-أَ مِيخف نسَّاوَاڒ ذَايس يجّن ن ڒْمَعْنَا ينُوْفَّرن يُودْجغ اَطَّاس. قَّارغ نش بلِّي ڒْمَعْنَا-يَا يسَّاوَاڒ خ لْمَسِيح اَك جْمَاعث ن ڒْمُوْمِنِين.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 11:19

ثْنُوْرْزم ثمْزِيذَا ثَمقّْرَانْت ن أَربِّـي ذݣ وجنَّا، يمظْهَار-د تَابُوْت ن ڒْعَهذ ن أَربِّـي ذِي ثمْزِيذَا نِّي. ئِوْقع وَاسَّام ذ يغُوْيَان ذ وَاجَّاج ذ زِّنْزَال ذ يشَرَّا اَطَّاس.

لواحي ن يوحنا 12:3

ثْمظْهَار-د ذݣ وجنَّا يجّن ن لْعَلَامَا نّغْنِي ثݣَّا اَم دَّيْنَاصُوْر ذ اَمقّْرَان ذ اَزݣّْوَاغ غَارس سبْعَا ن يزدْجِيفن ذ عشْرَا ن وَاشَّاون، ذ سبْعَا ن تَّاجَاث خ يزدْجِيفن نّس.

لواحي ن يوحنا 15:1

ࢲْرِيغ يجّن ن لْعَلَامَا نّغْنِي ذ ثَمقّْرَانْت ذݣ وجنَّا يسْذهَّاشن، يعْنِي سبْعَا ن لْمَلَائِكَاث غَارْسنْت سبْعَا ن لْمُصِيبَاث ثِنݣُّوْرَا، زَّايْسنْت إِي غَا يتْوَاكمّڒ ؤُغْضَب ن أَربِّـي.

لواحي ن يوحنا 21:14

ڒْحِيض ن ثنْدِينْت يبدّ خ ثنْعَاش ن دْسَاسَاث، يُوْرَا خَاسن يسمَاون ن ثنْعَاش ن اَرُّسُل ن يِزْمَار.

لواحي ن يوحنا 21:23

ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.