ثبرات غار فليمون 1:24 - ثريفيث 2020

²⁴ سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.

ثبرات غار فليمون 1:24 Խաչաձեւ Հղումներ

ڒخذايم 12:12

وَامِي يفْطن ذِي مَانَايَا، يرُوْح غَار ثدَّارْث ن مَرْيَم يمَّاس ن يُوْحَنَّا ؤُمِي قَّارن مَرْقُس، تْمُوْنن ذِنِّي اَطَّاس ن يِوْذَان تْࢲَادْجَان.

ڒخذايم 12:25

بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.

ڒخذايم 13:13

ئِنْيَا بُوْلُس ذ يمدُّوْكَاڒ نّس ذݣ وغَرَّابُو، رُوْحن زِي ثنْدِينْت نِّي ن پَـافُوْس غَار ثنْدِينْت ن بَارْجَا ذِي پَـامْفِيْلْيَا. ئِسْمح ذَايْسن ذِنِّي يُوْحَنَّا يذوْڒ-د غَار لْقُدْس.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 27:2

نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

22 أيث-كورينث 8:23

مڒَا سّقْسَان خ تِيتُوْس، نتَّا يشَرّش اَكِذِي يخدّم اَكِذِي جَارَاوم. مڒَا سّقْسَان خ أَيثْمَاثْنغ يِيْنَا، نِثْنِي سّكَّانْت-ثن ثْجُوْمَاع ن ڒْمُوْمِنِين سْبيَّانن-د لْعَظَمَا ن لْمَسِيح.

أيث-فيليـپـي 2:25

شُوْف، تْوَاڒِيغ لَابُد اَذَاوم د اَرّغ ؤُمَا پَـارْفُوْلِيتُس ونِّي إِي كِذِي يتمْعَشَارن اَم شَا ن ومْجَاهذ. نتَّا ذ اَمسخَّار نْوم ونِّي إِي ذَايِي د تسّكّم بَاش اَذَايِي يتْهِيلَّا.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-كولوس 4:10

ئِسَاوَّاض-اَوم-د سْڒَام أَرِسْتَارْخُوْس ونِّي إِي كِذِي يدْجَان ذِي ڒحْبس-أَ. ئِسَاوَّاض-اَوم-د سْڒَام ؤُڒَا ذ مَرْقُس مِّيس ن عْزِيزس ن بَرْنَابَاس. تُوْغَا وصِّيغ-كنِّيو خ مَرْقُس-أَ مڒَا يُوْسَا-د غَارْوم رحّْبث زَّايس.

أيث-كولوس 4:14

ئِسَاوَّاض-اَوم-د سْڒَام اَمْعِيزّ نّغ لُوْقَا إِݣ يدْجَان ذ اَضْبِيب، أَكِذس دِيمَاس.

1 بطرس 5:13

ثْسَاوَّاض-اَوم-د سْڒَام جْمَاعث إِي يدْجَان ذِي ثنْدِينْت ن بَابِل، نِثْنِي تْوَاخْضَرن اَم كنِّيو. وَاخَّا ؤُڒَا ذ مَرْقُس يسَاوَّاض-اَوم-د سْڒَام ونِّي يدْجَان اَم ممِّي.

3 يوحنا 1:8

س مَانَايَا يتْخصَّا أُو لَابُد أَ نْعَاون اَوْمَاثن-أَ اَم يِيْنَا بَاش أَ نخْذم اَك وَايَاوْيَا عْلَاحْسَاب لْحَقِيقَا.