مرقس 9:39 - ثريفيث 2020

³⁹ ينَّا-ٱس عِيْسَى: "وَار ث سْبدَّام شَا. وَار يزمَّر شَان يجّن اَذ يݣّ لْمُعْجِيزَا عْلَاحْسَاب يسم ينُو ڒخْدّنِّي ذغْيَا اَخَافِي يِينِي اَوَاڒ ذ اَعفَّان.

مرقس 9:39 Խաչաձեւ Հղումներ

مرقس 9:38

ينَّا-ٱس يُوْحَنَّا: "آ لْمُعَلِّم، قَا نࢲْرَا يجّن يسُوْفُوْغ جْنُوْن عْلَاحْسَاب يسم نّش. نشِّين نرْزُو اَث نسْبدّ وَامِي وَار يدْجِي شَا ذ اَمحْضَار اَكِذْنغ."

مرقس 9:40

ونِّي وَار يدْجِين شَا ضد نّغ، اَقَاث اَكِذْنغ.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

1 أيث-كورينث 9:27

لَّا، تْزيَّارغ خ دَّات ينُو تَارِّيغ-ت ذ ثِيسْمغْث ينُو. مَاشِي اَذ بشَّرغ اَوَاڒ إِ يِوْذَان أُو غَار ونݣَّارُو اَذ يڒِيغ اَك يِنِّي إِي ثن يسُوْفُوْغن بْڒَا لْجَائِزَا.

أيث-فيليـپـي 1:18

وَلَكِن مَعْلِيش، س ثْنَاين ن يبْرِيذن-أَ لْمَسِيح يتْوَابشَّار. ذ مَانَاينِّي إِي يدْجَان مُهِم وَاخَّا س وُوْڒ إِي يدْجَان ذ اَغدَّار نِغ س وُوْڒ إِي يدْجَان يصْفَان. أُو س مَانَاينِّي إِي زِي فَرْحغ نش. وَاه، أَذ قِّيمغ نش فَرّْحغ.