مرقس 9:17 - ثريفيث 2020

¹⁷ ئِنْدق-د يِجّن زِي ڒْغَاشِي نِّي ينَّا-ٱس: "آ لْمُعَلِّم، أَقَا ؤُوِيغ-اَش-د مِّي ذَايس جّنّ ذ اَزيْنُوْن.

مرقس 9:17 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:22

سّنِّي شَان يِوْذَان ؤُوِين-اَس-د إِ عِيْسَى يجّن ن ورْيَاز ذ اَضَرْغَاڒ ذ اَزيْنُوْن ذَايس جّنّ. ئِسْݣنْفَا-ث عِيْسَى حمَا اَذ يسِّيوڒ اَذ يتْوَاڒَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:15

ينَّا-ٱس: "آ سِيذِي رْحم-اَيِي ممِّي، ئِجّن ن جّنّ يتْعدَّاب-يث اَطَّاس. أَطَّاس ن ثْوَاڒَاثِين يتْوطَّا ذِي ثْمسِّي نِغ ذݣ وَامَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:32

ذِي ڒْوقْث إِي ذِي رُوْحن، شَان يِوْذَان ؤُوِين-اَس-د إِ عِيْسَى يجّن ن ورْيَاز ذ اَزيْنُوْن ذَايس جّنّ.

مرقس 10:13

ؤُوِين-د يِوْذَان شَان يحنْجِيرن ذ يمزْيَانن غَار عِيْسَى حمَا اَثن يحَاذَا، وَلَكِن عَارّْضن-اَسن يمحْضَارن نّس.

مرقس 5:23

يحشّم-يث اَطَّاس ينَّا-ٱس قَا يدْجِي ثَمزْيَانْت اَقَّا تْمتَّا. أَرَاح-د سرْس خَاس يفَاسّن نّش حمَا اَذ تْݣنْفَا اَذ تدَّر.

مرقس 7:26

ثَمْغَارْث نِّي ذ ثَيُوْنَانِيث، لْأَصل نّس زِي سُوْرْيَا فِنِيقْيَا. ثتَّار زَّايس اَطَّاس حمَا اَذ يسُوْفغ جّنّ نِّي اَعفَّان زݣ يدْجِيس.

مرقس 9:16

ينَّا-ٱسن عِيْسَى: "مِينْخف تْمنْغَام؟"

مرقس 9:18

مَانِي ما يطّف-يث يغطَّاڒ-يث غَار ثْمُوْرْث، ئِسُوْفُوْغ-د نتَّا كُوْفُّو زݣ وقمُّوْم نّس يتْغࢲَّاࢲ ثِغْمَاس نّس يذوّڒ وَار يتنْهزِّي. تَّارغ زݣ يمحْضَارن نّش اَزَّايس سُوْفْغن جّنّ نِّي وَلَكِن نِثْنِي وَار ذَاس زمَّرن شَا."

مرقس 9:25

وَامِي يُوْفَا عِيْسَى ڒْغَاشِي ذغْيَا مُوْنن-د خَاس، ئِسْبدّ جّنّ نِّي اَعفَّان ينَّا-ٱس: "آ جّنّ اَزينُوْن آ جّنّ اَذهْشُوْر، تَمَرغ شك فّغ زَّايس وَار ذَايس تَاذَاف شَا عمَّارس عَاوذ!"

لوقا 11:14

ئِسُوْفغ عِيْسَى يجّن ن جّنّ ذ اَزينُوْن زݣ يِجّن ن ورْيَاز. وَامِي يفّغ جّنّ نِّي يسِّيوڒ ورْيَاز، قِّيمن تْعجّْبن ڒْغَاشِي.

لوقا 9:38

ئِڒَاغَا يجّن ن ورْيَاز زِي ڒْغَاشِي نِّي ينَّا: "آ لْمُعَلِّم، تتَّارغ زَّايش اَذ تخْزَرذ مِّي اَقَا ذ وَا وَاهَا إِي غَارِي.

يوحنا 4:47

أَمْخَازْنِي نِّي وَامِي د يَارَّا ڒخْبَار عِيْسَى يُوْسَا-د زِي ثْمُوْرْث ن يَهُوْذِيَا غَار ثْمُوْرْث ن لْجَالِيل، ئِرُوْح غَارس ينَّا-ٱس مَا كِذِي ثهْوِيذ حمَا اَذ تسْݣنْفِيذ ممِّي؟ قَا عْڒَاين اَذ يمّث.