مرقس 5:7 - ثريفيث 2020

⁷ ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

مرقس 5:7 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:16

ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:63

ئِقِّيم عِيْسَى يسْقَر وَار ذَاس يِينِّي وَالُو. أُوْشَا ينَّا-ٱس اَرَّايس نِّي: "تتَّارغ زَّايش اَذَانغ ثجَّادْجذ س أَربِّـي يدَّرن حمَا اَذَانغ ثِينِيذ: مَا شك ذ لْمَسِيح، ذ مِّيس ن أَربِّـي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 4:3

ئِكَّر ونِّي يتْجَرَّابن يقَارّب-د غَار عِيْسَى ينَّا-ٱس: "مڒَا شك ذ مِّيس ن أَربِّـي، إِنِي-يَاسن إِ يزْرَا-يَا اَذ ذوْڒن ذ اَغْرُوْم."

أَسڒْمذ ن سِيذِيثْنغ عِيْسَى لْكِتَاب ن مَتَّى 8:29

عيّضن نَّان-اَس: "مِين ثخْسذ زَّايْنغ آ مِّيس ن أَربِّـي؟ مَا ثُوْسِيذ-د اَذَانغ ثْعدّْبذ قْبڒ إِ ڒْوقْث؟"

مرقس 1:24

ينَّا-ٱس: "مِين ثْرزُّوْذ زَّايْنغ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

مرقس 14:61

ئِقِّيم عِيْسَى يسْقَار وَار خَاس يَارِّي شَا. ئِكَّر يسّقْسَا-ث عَاوذ اَرَّايس ن ڒْفُقَهَا ينَّا-ٱس: "مَا شك ذ لْمسِيح مِّيس ن أَربِّـي إِي يدْجَان مُبَارِك؟"

مرقس 3:11

جْنُوْن يعفَّانن مڒْمِي مَا ࢲْرِين عِيْسَى، وطَّان غَار يضَارن نّس سْنكَّرن ثْغُوْيّث قَّارن: "آ شك ذ مِّيس ن أَربِّـي."

مرقس 5:6

وَامِي يࢲْرَا عِيْسَى زِي ڒݣّْوَاج، يُوْزّڒ غَارس يسجّذ-اَس.

مرقس 5:8

ينَّا مَانَايَا مِينْزِي عِيْسَى تُوْغَا ينَّا-ٱس: "آ جّنّ أَعفَّان فّغ زݣ ورْيَاز-أَ!"

لوقا 1:32

أَذ يِيڒِي يمْغَر، أَتَاف تْڒَغَان-اَس آ مِّيس ن ونِّي يُوْعْڒَان. أَذَاس يُوْش سِيذِي أَربِّـي نّس لْعَرْش ن جدِّيس اَمقّْرَان دَاود.

لوقا 4:34

ينَّا-ٱس إِ عِيْسَى: "مِين ذَايْنغ ثْرزُّوْذ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

لوقا 8:28

وَامِي يُوْفَا عِيْسَى ذِنِّي يبْذَا يسْنكَّر ثْغُوْيّث، ئِوْضَا غَار يضَارن ن عِيْسَى ينْدق-د س يِجّن ن ثْمِيجَّا ثُوْعْڒَا ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك حمَا وَار ذَايِي تْعدِّيبذ شَا!"

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

ڒخذايم 16:17

تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 19:13

ذِنِّي شَان يسْرَائِيلِيْين نِثْنِي ذ يسحَّارن تْرَاحن زݣ ومْشَان غَار ومْشَان. تْجَرَّابن اَذ سْخذْمن يسم ن سِيذِيثْنغ عِيْسَى بَاش اَذ سُوْفْغن جْنُوْن يعفَّانن زݣ يِوْذَان. نَّان-اَسن قَا تْأَمَرغ-كنِّيو عْلَاحْسَاب يسم ن عِيْسَى إِي زِي يتْحدَّاث بُوْلُس، فّْغث!

ڒخذايم 8:36

ݣُّوْرن ذݣ وبْرِيذ ؤُوْضن غَار شَان وَامَان. ينَّا-ٱس وحَبَاشِي نِّي: "أَقَاش اَمَان مُوْجُوْد، مِين ذَايِي يُوْغن نش وَار تْوَاطهَّارغ شَا س وَامَان-أَ؟"

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

يعيبرانيين 7:1

شُوْف، مَلِكِيصَادِق نِّي تُوْغَاث نتَّا ذ اَزدْجِيذ ن ثنْدِينْت ن سَالِيم ذ ڒفْقِي ن سِيذِي أَربِّـي يُوْعْڒَان. ئِرُوْح يمڒْقَا اَك بْرَاهِيم يبَرك-يث. مَانَايَا يوْقع وَامِي د يتْروَّاح بْرَاهِيم زِي ڒْحَرْب نِّي إِي ذِي يغْڒب يزدْجِيذن.

ثبرات غار يعقوب 2:19

شك تَامْنذ بلِّي أَربِّـي نتَّا ذ يجّن؟ إِيوَا مْلِيح، وَلَكِن ؤُڒَا ذ شَّيَاطِين تَامْنن س مَانَاينِّي ترْجِيجِين.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 12:12

خ مَانَايَا، فَرح آي اَجنَّا، ذ يِنِّي ذَايس يزدّْغن! وَلَكِن يَا تَمَارَا خ يمزْذَاغ ن ڒْبَرّ ذ ڒبْحَر! إِبْڒِيس يهْوَا-د غَارْوم يغْضب اَطَّاس، مِينْزِي يسّن ثقِّيم-اَس ذْرُوْس ن ڒْوقْث."