مرقس 15:1 - ثريفيث 2020

¹ وَامِي يصْبح ڒْحَاڒ، مُوْنن اَرُّوْيَاس ن ڒْفُقَهَا، ذ يمقّْرَانن ن أَيث-إِسْرَائِيل، ذ يمْسڒْمَاذن ن شَّرِيعَا، ذ مَارَّا جْمَاعث ن لْحُكَّام نْسن مْشَوَارن جَارَاسن. شَرْفن عِيْسَى ؤُوِين-ث اَث سلّْمن إِ لْحَاكم اَرُّوْمَانِي ؤُمِي قَّارن بِيلَاطُس.

مرقس 15:1 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.