مرقس 14:36 - ثريفيث 2020

³⁶ ينَّا: "آ بَابَا، شك كُڒْشِي ثْزمَّرذ-اَس، سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامّش يخس ڒْخَاضَر نّش شك."

مرقس 14:36 Խաչաձեւ Հղումներ

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

يوحنا 5:30

نش وَار زمَّرغ اَذ ݣّغ وَالُو زݣ يِيخف ينُو. مَامّش تسْڒِيغ، أَمُّو تْحَاسَابغ. لْحِسَاب ينُو ن ڒْحَقّ مِينْزِي نش وَار رزُّوْغ شَا مِين خْسغ؛ لَّا، رزُّوْغ مِين يخس ونِّي إِي ذَايِي-د يسّكّن."

2 تيموتاوس 2:13

مڒَا نسْمح نشِّين ذِي لْأَمَانَا نّغ، مَاشِي اَذ يسْمح نتَّا ذِي لْأَمَانَا نّس، مِينْزِي وَار يزمَّر اَذ ينْكَر يخف نّس.

يوحنا 12:27

ڒخُّو ڒَعْمَر ينُو يخيّق. مَا ٱذ ينِيغ: آ بَابَا سنْجم-اَيِي زِي ڒْوقْث-أَ؟ لَّا، خ سَّبَاب ن ڒْوقْث-أَ مِينْخف إِي د ؤُسِيغ.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

أيث-فيليـپـي 2:8

وَامِي د يمظْهَار اَم صِّفث ن يِجّن ن بْنَاذم، ئِسهْوَا-د يخف نّس يطَاع حتَّا وَامِي يمُّوْث يجّن ن ڒْموْث ذِي صَّلِيب.

يوحنا 18:11

ينَّا-ٱس عِيْسَى إِ بُطْرُس: "أَرّ سِّيف نّش غَار ومْشَان نّس. ڒْكَاس-أَ ن ڒَعْذَاب إِي ذَايِي يُوْشَا بَابَا، مَا وَار سسّغ شَا زَّايس؟"

مرقس 10:27

ئِخْزَر غَارْسن عِيْسَى ينَّا-ٱسن: "ئِوْذَان وَار زمَّرن شَا إِ مَانَايَا. وَلَكِن أَربِّـي وَاه، ئِزمَّر إِ كُڒْشِي."

يوحنا 4:34

ينَّا-ٱسن عِيْسَى: "ڒْمَكْلَا ينُو اَذ خذْمغ مِين يخس ونِّي ذَايِي د يسّكّن اَذ كمّْڒغ ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:9

هَا مَامّش إِي غَا ثࢲَّادْجم: آ بَابَاثْنغ يدْجَان ذݣ وجنَّا، ذ اَمقّْرَان إِݣ يدْجَا يِسم نّش.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:42

ئِبعّذ خَاسن ثْوَاڒَا وِيس ثْنَاين، ئِتَّار إِ أَربِّـي ينَّا: "آ بَابَا، مڒَا ڒْكَاس-أَ ن ڒَعْذَاب وَار خَافِي ثسْبعّْذذ شَا سْوِيغ-ث، أَتَاف اَذ يِيڒِي مِين يخس ڒْخَاضَر نّش."

مرقس 14:37

ئِذْوڒ غَار يمحْضَارن-أَ يُوْفِي-ثن طّْصن، ينَّا-ٱس إِ بُطْرُس: "مَا تطّْصذ آ سِمْعَان؟ مَا وَار ثْزمَّرذ شَا اَكِذِي ثْفَاقذ وَاخَّا ذ يجّن ن ثْسَعَّات وَاهَا؟

مرقس 10:39

نَّان-اَس: "وَاه، نْزمّر-اَس!" ينَّا-ٱسن عِيْسَى: "وَاه، أَتَاف اَذ تسْوم زِي ڒْكَاس نِّي إي زِّي غَا سْوغ نش، أَذ تْغضْسم ذِي ڒَعْذَاب نِّي إِي ذِي غَا غضْسغ نش.